IḶUAIAN 2:11 - Alkitab Singog In Mongondow Masa In Tanaa

¹¹ Kon dodai in ki Musa tayowmobiagdon, minayá in sia nokipodungkuḷ kon intau mita inta tongo bangusanea. Inontongnea in mosia pinakisa totok in mogaid. Inontongnea doman intau in Mesir tobatú nomongkug kon intau in Ibrani.

IḶUAIAN 2:11 ပူးပေါင်းရင်းမြစ်များ

IḶUAIAN 1:11

Dá intau mita in Mesir nomiḻídon kon intau mita nobaḻí toimata kon intau mita Israel sin moposaged kon kobobiag monia takin momakisa totok kon i monia mogaid. Mosia in pinakisa moposindog kon i datu in kotá mita Pitom bo Raamses sin baḻíon tampat potagúan kon barang mita.

IḶUAIAN 3:7

Bo ki Tuhan noguman, “Inontong-Kudon in roriga in umat-Ku kon Mesir, bo dinongog-Ku domandon in mosia mopoigum sin poḷúat nongkon pinononggataan kon i monia. Ain bidon kinotaauan-Ku in roriga monia.

IḶUAIAN 5:14

Moḷoḷukad kon pogaidan mita tatua momongkug kon mandor mita intau Israel inta pinoki indoian in oaidan tatua poḷat moḻibó, “Nongonu sin masai naa bangusamu in diábí mokoaid kon tela ná koḻipod in kobayongnea?”

IḶUAIAN 5:4

Guman i datu kon i Musa bo kon i Harun, “Nongonu sin pogogaionbí monimu in intau mita tatua kon oaidan monia tua? Potabádon in ata mita tatua mogaid!

IḶUAIAN 5:5

Intau mita tatua totokdon in nobarong. Bo naa ibogon monimu sinbá mosia in mogogaidon mogaid!”

IḶUAIAN 5:9

Pakisadon totok intau mita tatua mogaid, sinbá mosia tantú mogaid kon oaidan monia bo diádon in kasampatan monia mokidongog kon ouman mita inta diá totuu.”

IḶUAIAN 6:6

Moiko in baḻíon-Ku umat-Ku, bo Akuoi in mobaḻí ki Allahmu. Dá kotaauandon monimu kon Akuoi naa in ki Tuhan, Allahmu, inta nopoḷuat kon i monimu nongkon pinononggataan kon Mesir.

IḶUAIAN 6:7

Moiko in diaan-Ku mayá in butá inta pinodandi-Ku takin nongibot kon i Abraham, kon i Ishak bo kon i Yakub; butá tatua in ogoi-Ku kon inimu mobaḻí kapunyaanmu tontaní. Akuoi naa in ki Tuhan.”

YESAYA 58:6

Naabí in puasa inta kinoibog-Ku: Ḷuatdon in aid mopororiga bo bobabaan inta diá moadil, bo poḷuatdon in intau mita inta dinorot.

MATIUS 11:28

Angoidon kon i-Nakó, moiko komintan inta mongoḷopí, bo intau inta kopota-potaan in mosibuḷ, sinbá ḷuatan-Kudon intua kon i monimu.

LUKAS 4:18

“Roho i Tuhan oyúon kon i-Nakó, sin Akuoi in ain piniḻí-Nea mopoyaput in Habar Mopia kon intau mita bogá. Sia nopotabá kon i-Nakó mopotaau in popoḷuaian kon intau mita kon sinokodakop bo mongundam kon mata in intau mita bilog; bo mopoḷuat kon intau mita inta sinokodorot