IḶUAIAN 18:7 - Alkitab Singog In Mongondow Masa In Tanaa

⁷ dá iḷumuaidon in sia nonontomu kon i monia. Sia in sinumungkud kon tayowon i Yitro bo poḷat nongayok kon inia. Nosiḻibóandon in mosia mongo nosehat, bo sinumuot domandon in mosia kon ḷoḷaigan i Musa.

IḶUAIAN 18:7 ပူးပေါင်းရင်းမြစ်များ

KINOBAḺIAN 14:17

Naonda in nonaḷow mako kon i datu Kedorlaomer takin datu mita inta notobatú, ki Abram in nobuidon. Bo datu in Sodom minayá nonontomu kon inia kon Ḷopá in Syawe inta sinangoian doman Ḷopá in Datu.

KINOBAḺIAN 18:2

Naonda in sia dinumungádon monik, sia in nokoontong kon intau taya toḷu sinimindog kon tayowonnea. Ki Abraham in baḷú noribatuk sin monontomu kon i monia tua. Takin sinumungkud

KINOBAḺIAN 19:1

Naonda in nongkon i Abraham, malaekat doyowa tatua minayá in Sodom bo noyaput kon tua ain nodoḷomdon. Ki Lot ḻimitú mako kon ngara in kotá, bo naonda in nokoontong kon i monia, sinimindog in sia sin monontomu kon i monia. Bo dinumokódon in sia kon tayowon monia,

KINOBAḺIAN 29:13

Naonda in ki Laban nokodongog kon habar soaḷ ki Yakub, pokuadíonea tatua, noribatukdon in sia sin mayá mokipodungkuḷ. Ki Laban nonggakap kon i Yakub bo inayokannea, bodongka dinianea sinumuot kon baḷoi. Naonda in ki Yakub nongonguman kon bayongan kaadaannea kon i Laban,

KINOBAḺIAN 31:28

Nodapot in diádon inogoianmu in akuoi in kasampatan nongayok kon i adí bo kon i ompuku saḷaku tanda moyogapídon. Totuu mobodok in aidmu tanaa!

KINOBAḺIAN 43:26

Naonda in ki Yusup noyaputdon kon baḷoi, mosia nobogoi in tombuinag mita tatua kon i Yusup takin sinumungkud kon tayowonnea.

KINOBAḺIAN 45:15

Onda intua, takin koomba-ombaḷpa, ki Yusup nonggakap kon i utatnea mita bo poḷat doman nongayok kon i monia komintan. Nopaḷut mako kon tua mosia in nomangkoidon nongonguman takinnea.

KINOBAḺIAN 46:29

ki Yusup in sinumakoi kon keretanea sin mayá mokipodungkuḷ kon i amánea kon tua. Onda in mosia noyodungkuḷ, ki Yusup ginumakap kon i amánea bo noonggot in pinongombaḷnea.

SAMUEL 2 11:7

Naonda in ki Uria namangoi kon tayowon i Datu Daud, ki datu in noḻibó mongo naonda in kaadaan i Yoab takin tontara mita in Israel, bo naonda in bobayá in parang tatua.

DATU MITA IMITÁNEA 2:19

Dá minayádon in ki Batsyeba kon i datu makusud mopoyosingog intua sin kopontingan i Adonia. Sinimindog in ki datu sin monontomu kon i inánea bo sinumungkud kon inia, bo dongka iḻimitú bui kon ḷoḻitúannea. Onda intua sia nokisadia in ḷoḻitúan kon dotá in koḷanannea sin ḻitúan i inánea.

MAZMUR 2:12

Tungkudon kon tayowon-Nea takin urot, dika modapot in ki Tuhan tumorú bo moiko in baḷunea putúan, sin torú-Nea baḷúdon modokot. Pia in kamang in intau inta moniung kon i Tuhan!

IḶUAIAN 18:6

Pinohabardon kon i Musa kon noiangoi in mosia,

IḶUAIAN 33:7

Pomuḷoi mako, aka bangusa Israel mononḷoḷaigan, ki Musa mogamá kon Ḷoḷaigan bo posindogonnea koḻin yayúon nongkon ḷoḷaigan mita monia. Ḷoḷaigan tatua sinangoian Ḷoḷaigan i Tuhan, bo ki ine in moibog moigum kon tonggina i Tuhan, mayá intua.

IḶUAIAN 4:27

Kon dodai intua ki Tuhan noguman kon i Harun, “Bayádon kon padang gurun mokipodungkuḷ kon i Musa.” Ki Harun minayá, bo noyodungkuḷ i ai-ainea kon buḷud motusi, bo inayokannea in ki Musa.

PINOGIAPAN 22:36

Naonda in kinodongogandon i Balak kon ki Bileam mamangoi, binayánea sinontomu in ki Bileam kon kotá in Moab, inta kon bingkí in Ongkag in Arnon, kon pinosigadan in butá in Moab.

LUKAS 7:45

Iko in diábí notomu nongayok kon i-Nakó, táe bobay tanaa in diábí mogoga-gogai in mongayok kon sioḷ-Ku pokoangoi-Kupa in naa.

OUMAN IN RASUL MITA 20:37

Mosia in nongombaḷ komintan poḷat nonggakap bo nongayok kon i Paulus bo noguman kon inia kon mokopopiadon in kon daḷan.

OUMAN IN RASUL MITA 28:15

Utat mita inta kon Rum aindon nokodongog kon habar kon naonda in kami, dá mosia in namangoi noidapot in Pasar Apius bo Pasanggrahan Tiga sin monontomu kon inami. Naonda in ki Paulus noyodungkuḷ monia, sia in nopoyaput in sukur kon i Allah bo noropotdon bui in ginanea.

HAKIM MITA 11:34

Naonda in ki Yepta nobui nongkon Mizpa, ki adínea mongodeaga namangoi nonontomu kon inia sindaḷan nomanari takin notobog kon rebana. Tongábí totobatú tua in ki adínea bobay.

SAMUEL 1 17:18

Podiaai domandon kon mopuḷú nobatú in keju tanaa kon itoi in tontara. Ḻibódon mongo naonda in kaadaan i guya-guyangmu mita, bo podiaaidon mangoi in akuoi kon tomponuot kon iko in noyodungkuḷdon monia bo mosia tua in nopia-piapabí.

SAMUEL 1 17:22

Bo pinoki tagúpa i Daud in onu inta dinianea tatua kon intau inta moḷoḷukad kon touḷut in tontara, bo minayá in tampat popoparangan sin mayá mokipodungkuḷ kon i guya-guyangnea mita.