IḶUAIAN 18:5 - Alkitab Singog In Mongondow Masa In Tanaa

⁵ Ki Yitro namangoi noyotakin i buḷoi Musa bo ki adínea doyowa minayá in padang gurun kon tampat pinonḷoḷaigan i Musa kon diug in buḷud motusi.

IḶUAIAN 18:5 ပူးပေါင်းရင်းမြစ်များ

DATU MITA IMITÁNEA 19:8

Nobangon i ki Elia, poḷat nongaan bo nonginum. Dá noropotdon in sia bo nokobayádon in sia opat nopuḷú nosinggai in koonggotnea, minayá in Buḷud in Sinai, tampat inta pinoki pogontongan i Allah.

IḶUAIAN 18:6

Pinohabardon kon i Musa kon noiangoi in mosia,

IḶUAIAN 19:11

Toumá mosia in musti nosadiadon. Kon singgai tatua Akuoi in moponagdon kon tudu in Buḷud Sinai, kon tampat inta motaau poindoian in intau mita kon i-Nakó.

IḶUAIAN 19:20

Ki Tuhan noponag kon tudu in Buḷud Sinai, bo nogoiní kon i Musa sin mamangoi kon tudu in buḷud tatua. Dá notakod in ki Musa,

IḶUAIAN 24:13

Ki Musa bo ki Yosua oḻitnea tatua noposadiadon, bo ki Musa in notakod kon buḷud pinogutunan i Tuhan tatua.

IḶUAIAN 3:1

Kon dodai intua ki Musa noḷukadmai kon domba bo bembé mita i Yitro, ki nunutonnea, inta imang kon butá in Midian. Kon dodai in sia koyogot nodia kon bobiagon mita tatua minayá kon ḻimako in padang gurun, nodapotdon in sia kon Buḷud in Sinai, buḷud inta motusi.

IḶUAIAN 3:12

Ki Allah in notubag, “Akuoi in motuḷungbí kon inimu. Bo aka bangusa tatua diaanmudon ḷumuai nongkon Mesir, yo moiko in mosumbadon kon i-Nakó kon buḷud tanaa. Tuadon in mobaḻí tanda kon Akuoibí in nopotabá kon inimu.”

IḶUAIAN 4:27

Kon dodai intua ki Tuhan noguman kon i Harun, “Bayádon kon padang gurun mokipodungkuḷ kon i Musa.” Ki Harun minayá, bo noyodungkuḷ i ai-ainea kon buḷud motusi, bo inayokannea in ki Musa.