IḶUAIAN 18:23 - Alkitab Singog In Mongondow Masa In Tanaa

²³ Aka natua in aidanmu, bo tua in pinoki aid i Allah kon inimu, yo iko in mokotongodon in mogaid kon oaidanmu, bo bayongan intau mobui takin pia in gina sin yotaḷá monia ḷagidon pinaḷut.”

IḶUAIAN 18:23 ပူးပေါင်းရင်းမြစ်များ

KINOBAḺIAN 18:33

Naonda in nopaḷut nongonguman takin i Abraham, ki Tuhan minayá, bo ki Abraham nobuidon kon baḷoinea.

KINOBAḺIAN 30:25

Naonda in ki Rahel nopononggadí kon i Yusup, ki Yakub in noguman kon i Laban, “Ogoidon in akuoi mobui kon butáku.

SAMUEL 2 18:3

Táe intaunea mita tatua in notubag, “Dika Tuang. Sin aka kami bo pakisadon moḷagui, andeka tongobotak kon inami in matoi, yo diápabí doman mopia in gina in musung, sin ki Tuangbí in tayakon monia. Ki Tuang in notongkaibí in boḻi in mopuḷú noribu in intau nongkon inami. Mopia-piabí in ki Tuang mokidia mangoi in totuḷung kon inami nongkon kotá.”

SAMUEL 2 19:39

Onda intua ki Daud bo bayongan in intaunea iḷumoḷandon kon Ongkag in Yordan. Bo ki Daud in nongayok kon i Barzilai bo nogumandon kon mayá, onda intua ki Barzilai in nobuidon kon baḷoinea.

SAMUEL 2 21:17

Táe ki Abisai adí i Zeruya in namangoi notuḷung kon i Daud. Sinayowannea in tuyá tatua bo iḻimodnea. Nopaḷut mako kon tua intau i Daud nopoigum sinbá ki Daud in modandidon kon diádon tumakin bui moparang. “Ki Tuang datu in nobaḻí harapan in Israel, dika modapot in kami kobuḻian i Tuang datu,” guman monia.

IḶUAIAN 16:29

Pokotoropdon, kon ogoi-Kubí kon i monimu in singgai tobatú sin pogogaian. Tuamai kon singgai noginggonom Akuoi nobogoi in kaanon inta tugat kaanon monimu doyowa nosinggai. Kon singgai noginpitu komintan intau musti mogutun mako kon baḷoi, bo diá motaau ḷumuai.”

IḶUAIAN 18:18

Pogogaidmu natua totokdon in mokoḷopí kon inimu tontaní bo kon intau mita tatua. Oaidan tatua totok mobarong aka tongá tobatú in mogaid.

IḶUAIAN 18:22

Bo mosia in mobaḻídon hakim kon bangusa tanaa, mobaḻí hakim in mosia kon paanan monia tontaní. Oaidan tatua in musti aidan monia kotompiaan. Pelekara mita inta moponting motaau potaau monia kon inimu, táe aka yogogintaḷaan mita mongogaan motaaupabí tongá paḷuton monia tontaní. Natua sinbá mogaandon in oaidanmu sin mosia in moduḷudon mogaid kon oaidanmu mita.

IḶUAIAN 18:24

Ki Musa in dinumudui kon tonggina i Yitro,

OUMAN IN RASUL MITA 15:2

Dá totok in binayowan i Paulus bo i Barnabas in guman in intau mita tatua. Pangabisannea sinantúdon sinbá ki Paulus bo ki Petrus takin tongonumai in intau nongkon Antiokhia mayá in Yerusalem mopoyosingog in soaḷ tatua takin rasul bo itoi mita kon tua.

GALATIA 2:2

Akuoi in minayá in Yerusalem sin ki Allahbí in nopotabá. Bo kon tobatú pinoyodungkuḷan takin itoi mita kon tua, akuoi noginsilang kon Habar Mopia inta pinoyaputku kon intau mita inta deeman Yahudi. Sin doíbí in akuoi aka usahaku koḻipod bo masa in tanaa, tongá mobaḻí diá baraguna.

SAMUEL 1 8:22

Ki Tuhan in notubag, “Duduiaidon mako in ibog monia tua bo duídon in datu tobatú kon i monia.” Onda intua ki Samuel nopotabá kon intau mita in Israel tatua nobui kon baḷoinea-baḷoinea.