IḶUAIAN 18:12 - Alkitab Singog In Mongondow Masa In Tanaa

¹² Onda intua ki Yitro nodia kon tongonumai in kuruban sinubá bo kuruban inta iratá nobaḻí sosumba kon i Allah. Ki Harun bo bayongan itoi in bangusa Israel namangoi bo nongaan noyotakin i Yitro kon bonu in kawasa i Allah.

IḶUAIAN 18:12 ပူးပေါင်းရင်းမြစ်များ

KINOBAḺIAN 12:7

Ki Tuhan nokipogontong kon i Abram bo noguman kon inia, “Tanaa in butá inta ogoi-Ku kon buímu.” Bo ki Abram noposindog in tobatú mezbah kon tua sin posumbaan kon i Tuhan inta ain nokipogontong kon inia.

KINOBAḺIAN 26:25

Bo ki Ishak in noposindog in mezbah bo nosumba kon i Tuhan kon tampat tatua. Sia nomia kon ḷoḷaigan kon tua bo bobantungnea mita in nongaḻi kon parigí ibanea.

KINOBAḺIAN 26:30

Onda intua ki Ishak nogoḷudon kon i monia, bo nongaan bo nonginumdon in mosia.

KINOBAḺIAN 31:54

Sia in noratá kon biag tobatú bo pinosumbanea kon tudu in buḷud tatua. Bo inoiníneadon in intaunea mita sin mongaan moyotakin. Naonda in nopaḷut mako nongaan, mosia in nogogaipa kon tudu in buḷud tatua.

KINOBAḺIAN 4:4

Bo ki Habel in nogamá doman kon ki adí in dombanea inta guya-guyang, iratánea bodongka pinosumbanea kon i Tuhan in onu inta totok in nopira. Nopia in gina i Tuhan kon i Habel takin sosumbanea tatua,

KINOBAḺIAN 43:25

Nopaḷut mako kon tua sinadiadon monia in tombuinag inta ogoi kon i Yusup aka sia in mamangoidon kon oras in moutudon in singgai, sin ain pinotaau kon i monia kon mosia in mongaan moyotakinnea.

KINOBAḺIAN 8:20

Ki Nuh noposindog in mezbah tobatú kon i Tuhan. Sia in nogamá kon tumongo batu nongkon sigad in ḷagapan bo mahaḷuk mita ibanea inta halal, bodongka pinosumbanea saḷaku kuruban inta sinubá kon tudu in mezbah tatua.

SAMUEL 2 9:7

Ki Daud in noguman, “Dika moondok. Akuoi in motuḷung bo motabibí kon inimu sin motabi in akuoi kon i Yonatan ki amámu. Bayongan in butá i ḷakimu ki Saul, in ogoikudon bui kon inimu bo kinoouputbí in kinobiaganmu motaaubí in iko mongaan kon komaḻig.”

TAWARIKH 2 30:22

Intau mita in Lewi tatua mongopandoi modia kon ibada kon i Tuhan, dá pinuji i Hizkia in mosia. Naonda in pitu nosinggai in koonggotnea mosia nongaan kon kaanon kon pinoramean tatua bo poḷat noposumba in kuruban sin mopoyaput in sukur kon i Tuhan, Allah in mogoguyang monia,

AYUB 1:5

Mopaḷut mako in bobutungan, ki Ayub in tantú mobangon doḷo-doḷom bo moposumba in kuruban ponukid kon batúan in adínea sinbá ampungan i Tuhan. Sin kon raian i Ayub, dika-dikabo ki adínea mita ain noiaid kon dosa bo noiḷautdon nokopoompámai kon i Allah takin diá sinuod.

AYUB 42:11

Komintan ki guya-guyang ḷoḷaki bo ki utat bobay i Ayub, bo bayongan intau inta nogogintaauannea koḻipod, namangoi nokipodungkuḷ kon inia bo nononbobutungan noyotakinnea kon baḷoinea. Mosia in noguman kon noitakin doman morobonoḷ in gina monia kon bayongan bodito inta pinoantug i Tuhan kon inia, bo noḻipoi kon inia. Mosia kon batúannea nobogoi in doit bo sising buḷawan tobatú kon i Ayub.

AYUB 42:8

Dá, gamádon in tanaa sapi koḷakian pitu bo domba koḷakian pitu, bo bayádon kon i Ayub. Bo posumbadon intua komintan mobaḻí kuruban payongon kon inimu. Sambayangan i Ayub in moiko bo tarimaan-Ku in sambayangnea. Moiko in diábí pokopooyáan-Kumai, umpakabí patus in moiko motarima kon hukuman. Diá inouman monimu kino banar ki ine in Akuoi, ná inta inouman i Ayub.”

IḶUAIAN 18:13

Nopoikoḷomai kon singgai ki Musa nopoyotutui in rogenggeng kon sigad in intau Israel. Oaidan tatua pinangkoi kon doḷo-doḷom dapot in nodoḷom.

IḶUAIAN 2:20

“Kon onda in sia?” Ki Yitro noḻibó kon i adínea mita. “Nongonu sin sinaḷáanbí monimu intau tatua? Bayádon oiní in sia mongaan moyotakin naton.”

IḶUAIAN 20:24

Pomiaidon in Akuoi kon mezbah tobatú nongkon butá, bo pobogoidon in sosumba kon tua domba bo sapimu mobaḻí kuruban inta sinubá bo kuruban pondamean. Kon bayongan in tampat inta sinantú-Ku kon inimu mobaḻí tampat poibadaan kon i-Nakó, Akuoi in mamangoibí bo momarakat kon i monimu.

IḶUAIAN 24:11

Itoi mita Israel tatua aindon nokoontong kon i Allah; umpaka natua yo mosia in diábí iyopú-Nea. Nopaḷut mako kon tua mosia nongaan bo nonginumdon.

IḶUAIAN 24:5

Bo ki Musa nopotabá in tongonumai tayowmobiag, bo mosia noposumba in kuruban inta sinubá kon i Tuhan bo poḷat noratá kon tongonumai in sapi sin pinokuruban nobaḻí kuruban dodamean.

IḶUAIAN 3:1

Kon dodai intua ki Musa noḷukadmai kon domba bo bembé mita i Yitro, ki nunutonnea, inta imang kon butá in Midian. Kon dodai in sia koyogot nodia kon bobiagon mita tatua minayá kon ḻimako in padang gurun, nodapotdon in sia kon Buḷud in Sinai, buḷud inta motusi.

IḶUAIAN 33:7

Pomuḷoi mako, aka bangusa Israel mononḷoḷaigan, ki Musa mogamá kon Ḷoḷaigan bo posindogonnea koḻin yayúon nongkon ḷoḷaigan mita monia. Ḷoḷaigan tatua sinangoian Ḷoḷaigan i Tuhan, bo ki ine in moibog moigum kon tonggina i Tuhan, mayá intua.

DANIEL 10:3

Kon dodai intua diábí in akuoi nokaan kon kaanon inta mopia andeka ponoyá; akuoi in diábí nonginum kon anggur, bo diábí doman nonayi-nayidmai kon buok.

PINOGIAPAN 10:29

Ki Musa noguman kon i bilanea, ki Hobab adí i Rehuel intau in Midian, “Kami in mayá kon tampat inta kai Tuhan in ogoi kon inami. Ki Tuhan ain nopodandi kon inta mopia kon intau Israel. Dá duduidon, diábí pomayá mako nami in iko.”

LUKAS 14:1

Kon singgai in Sabat tobatú, ki Yesus minayá nongaan kon baḷoi in intau in Parisi. Intau mita kon tua nonarukiramai kon i Yesus.

LUKAS 14:15

Nokodongogmai kon singog i Yesus natua, oyúon tobatú intau inta nongaan noyotakin-Nea in noguman kon i-Nia, “Momujur totok in intau inta mongaan moyotakin i Allah aka Sia mamangoidon saḷaku Datu!”

KORINTUS 1 10:18

Tarukiraka in intau mita in Israel. Mosia inta ain nokaan kon kaanon inta ain pinosumba kon tampat pobobogoian kon sosumba, in intaubí mita inta ain notobatú in tampat tatua.

KORINTUS 1 10:21

Moiko in diábí motaau in monginum kon palo in anggur pongonginuman i Tuhan, bo monginum doman kon palo pongonginuman in dimukud mita moraat. Natua doman, moiko in diábí motaau in mongaan moyotakin i Tuhan bo mongaan doman moyotakin in dimukud moraat.

KORINTUS 1 10:31

Onukabí in aidan monimu – pinomayá kaanon ande inumon – yo aidaibí komintan takin mopoyaput in sukur kon i Allah.

ULANGAN 12:7

Kon tua doman, kon tayowon i Tuhan Allahmu, moiko moyotakin in motoḷuadímu musti mongaan takin ḷunganga in gina sin bayongan inta iramujimu oyúon in mangaḻenea sin binarakatan i Tuhan Allahmu.

ULANGAN 27:7

Posumbadon doman in kuruban dodameanmu bo kaandon kon tua takin koḷunganga in gina kon tayowon i Tuhan Allahmu.