IḶUAIAN 18:10 - Alkitab Singog In Mongondow Masa In Tanaa

¹⁰ bo noguman in sia, “Dinayo-dayowdon in ki Tuhan inta noposaḷamat kon i monimu nongkon kawasa i datu bo in bangusa Mesir! Dinayo-dayowdon in ki Tuhan inta nopoḷuatdon kon bangusa Israel nongkon pinononggataan!

IḶUAIAN 18:10 ပူးပေါင်းရင်းမြစ်များ

KINOBAḺIAN 14:20

Dinayo-dayowdon in ki Allah Inta Totok in Moḷantud, inta ain nobogoi kon inimu in ropot dapot in nokountung nonayow kon musungmu.” Nopaḷut mako kon tua ki Abram nobogoi kon i Melkisedek in mopuḷú noporsen nongkon bayongan barang inta inagownea kon parang tatua inta ain dinianea mangoi.

KINOBAḺIAN 24:27

Gumannea, “Dinayo-dayowdon in ki Tuhan, ki Allah i tuangku Abraham. Ki Tuhan noniata kon mosatia bo motabi kon i tuangku Abraham. Dinia-Nea in akuoi baḷú noyodungkuḷ in ginaḷumnea.”

SAMUEL 2 18:28

Takin nomaḷú in ki Ahimaas nopoyaput in salam kon i datu, bodongka sinumungkud bo noguman, “Dinayo-dayowdon in ki Tuhan Allah i Tuang, inta ain noposarakan kon i Tuang in intau mita inta nomarontak kon i Tuangku!”

DATU MITA IMITÁNEA 8:15

Sia in nosingog, “Koḻipod in ki Tuhan in nodandidon kon i amáku ki Daud nanaa, ‘Pinangkoi Akuoi nodia kon umat-Ku iḻumuai nongkon Mesir, kon bayongan in butá in Israel diábí in tobatúmai in kotá inta piniḻí-Ku nobaḻí tampat poposindogan in baḷoi tampat poibadaan kon i-Nakó. Táe Iko, Daud, piniḻí-Ku sin momarenta kon umat-Ku.’ Dinayo-dayowdon in ki Tuhan Allah in Israel inta ain nogintompod kon dandi-Nea tatua!”

DATU MITA IMITÁNEA 8:56

“Dinayo-dayowdon in ki Tuhan inta ain nobogoi in kobiagan notompia kon umat-Nea ná inta pinodandi-Nea pinongin i Musa mogogundoi-Nea. Bayongan inta mopia inta pinodandi-Nea ain inintompodan-Nea.

MAZMUR 41:13

Iko in motuḷung kon inakó popisí in ginaku motuḻid, bo binaḻí-Mu in akuoi nobiag moyotakin-Mu modapot in mononoi.

LUKAS 1:68

“Dinayo-dayowdon in ki Tuhan, ki Allah Israel! Sia ain notuḷung kon umat-Nea bo nonginggamá doman kon roriga monia.

EPESUS 1:3

Dinayo-dayowdon in ki Allah, ki Amá i Tuhan naton ki Yesus Kristus! Sia ain nobogoi in barakat kon i naton, barakat rohani kon bonu in soroga, sin kita ain notobatú i Kristus.

TESALONIKA 1 3:9

Diádon in poporupaan in sukur nami kon i Allah sin bayongan inta mokosanang kon gina kon tayowon-Nea, lantaran moiko.

PETRUS 1 1:3

Koḻigaidon in kita mosukur kon i Allah, ki Amá i Tuhan naton ki Yesus Kristus! Sia in totok motabi kon i naton, manangka intua kita in inogoian-Nea in kobiagan mobagu inta pinodoyon kon kinobiagan bui i Yesus Kristus nongkon kinopatoian. Naabí in mobogoi in harapan moroton kon i naton.

SAMUEL 1 15:6

Sia in nokidia doman in koyow tompoingat kon intau in Keni kainia, “Bayádon bo taḷaaidon in intau in Amalek, sinbá moiko in diá poyotakinonku yompaton takin monia, sin dungkuḷmai in mogoguyang monimu noibogdon noyobayat in intau in Israel kon dodai in intau in Israel namangoi nongkon Mesir.” Dá minayádon in intau in Keni nongkon tua.

SAMUEL 1 25:32

Bo ki Daud in noguman kon inia, “Dinayo-dayowdon in ki Tuhan, Allah in Israel, inta nopotabá kon inimu nokipodungkuḷ kon inakó singgai in naa!