IḶUAIAN 18:1 - Alkitab Singog In Mongondow Masa In Tanaa

¹ Ki Yitro, ki nunuton i Musa, imang kon Midian, nokodongogdon kon bayongan inta inaidan i Allah kon i Musa bo kon bangusa Israel, kon tungkuḷ in sia nodia kon i monia iḻumuai nongkon Mesir.

IḶUAIAN 18:1 ပူးပေါင်းရင်းမြစ်များ

MAZMUR 105:43

Dá inatod-Nea in umat-Nea takin pia in gina, intau mita inta piniḻí-Nea takin giow sanang in gina.

MAZMUR 105:5

Ei buí i Abraham, mogogundoi-Nea, bo buí i Yakub, intau inta piniḻí-Nea, toropdon in bayongan inta mokoherang inta inaidan-Nea, dika mokoḻiong kon inta ain sinantú-Nea mita.

MAZMUR 106:2

Ki ine in motaau mopohaba-habar mako in kototorindog i Tuhan, bo mobogoi in dodayow inta patus kon i-Nia?

MAZMUR 34:2

Akuoi in moibog mosukur kon i Tuhan pomuḷoi mako, bo diá mogoga-gogai in modayow kon i-Nia.

MAZMUR 44:1

Mazmur in inanakan i Korah. Dondong topotundú. Kon i itoi in mododondong.

MAZMUR 78:4

Diábí bunion nami intua kon i adí mita nami; kami in mopotaaubí kon intau mita inta moiduduimai kon naonda in kawasa i Tuhan bo bayongan inta binaḻí-Nea inta moḷoben, takin aid-Nea mita inta mokoherang.

IḶUAIAN 2:18

Kon tungkuḷ in mosia nobui, ki amá monia in noḻibó, “Nongonu sin moiko totokbí in notoyong nobui in singgai naa?”

IḶUAIAN 2:21

Ki Musa noibog nogutun kon tua. Onda intua ki Yitro nopotonibuḷoi kon i Musa takin ki adínea inta tangoinea ki Zipora.

IḶUAIAN 3:1

Kon dodai intua ki Musa noḷukadmai kon domba bo bembé mita i Yitro, ki nunutonnea, inta imang kon butá in Midian. Kon dodai in sia koyogot nodia kon bobiagon mita tatua minayá kon ḻimako in padang gurun, nodapotdon in sia kon Buḷud in Sinai, buḷud inta motusi.

IḶUAIAN 4:18

Nopaḷut mako kon tua ki Musa nobui kon baḷoi i Yitro, ki nunutonnea, bo noguman kon inia, “Ogoiaipa akuoi in wakutu mobui kon Mesir sin mayá moindoi kon i utatku mita bo moindoi doman mongo nongobiagpa in mosia.” Ki Yitro in noguman kon i Musa, “Bayádon takin pia-pia mako.”

IḶUAIAN 6:6

Moiko in baḻíon-Ku umat-Ku, bo Akuoi in mobaḻí ki Allahmu. Dá kotaauandon monimu kon Akuoi naa in ki Tuhan, Allahmu, inta nopoḷuat kon i monimu nongkon pinononggataan kon Mesir.

YEREMIA 33:9

Yerusalem in mobaḻí koḷungangaan bo koyunggagaan-Ku. Bayongan in bangusa kon dunia in mobaḻíbí moondok bo mourot poḷat mohoromat kon i-Nakó, aka mokodongogdon kon bayongan inta mopia inta inaidan-Ku kon intau inta nogutun kon Yerusalem, bo kobiagan motompia inta ogoi-Ku kon kotá tatua.”

ZAKHARIA 8:23

Kon singgai mita tatua mopuḷú in intau ango-angoi in mamangoi kon intau in Yahudi tobatú bo moguman, ‘Kami in moibogbí doman in mopia ná moiko; sin dinongogdon nami kon ki Allah in nomarakat kon i monimu.’ ” Ki Tuhan Inta Totok in mokawasa ain nosingog.

PINOGIAPAN 10:29

Ki Musa noguman kon i bilanea, ki Hobab adí i Rehuel intau in Midian, “Kami in mayá kon tampat inta kai Tuhan in ogoi kon inami. Ki Tuhan ain nopodandi kon inta mopia kon intau Israel. Dá duduidon, diábí pomayá mako nami in iko.”

OUMAN IN RASUL MITA 14:27

Naonda in noiyaputdon kon Antiokhia, nodait monia sinipun in bayongan jamaat, bo pinongongumanan kon onu inta aindon inaidan i Allah kon i monia. Bo inouman doman monia in totuḷung i Allah nobuká kon daḷan nodapot in intau mita inta deeman Yahudi nopirisaya kon i Yesus.

OUMAN IN RASUL MITA 15:12

Dá bayongan in intau inta noyosipun kon tua komintan in nongoibió. Bo umurandon inindongogan monia in onu inta inouman i Barnabas bo i Paulus tua. Mosia in nongonguman kon bayongan tanda inta totok in mokoherang kon intau, inta ain inaidan i Allah kon i monia kon yua-yuak in intau inta deeman Yahudi.

SURAT I PAULUS KON JAMAAT RUM 15:18

Akuoi in diábí mobarani in mosingog kon ibanea mako, koḻikudbí in soaḷ inta ain inaidan i Kristus inta pinotonsigad-Nea kon inakó; pinaké-Nea in akuoi modia kon bangusa mita ibanea (deeman Yahudi) sinbá mosia in mamangoi bo dumuduidon kon i Allah. Tua pinomiaku deemanbí tongá singog táe takinbí doman oaid,

YOSUA 2:10

Kinodongogandon nami in habar kon naonda in ki Tuhan nopoingkag kon Dagat in Gelagah kon tayowon monimu, kon tungkuḷ in moiko nonaḷámai kon Mesir. Dinongog domandon nami naonda in pinoḷoḻimod monimu kon i Sihon bo kon i Og, datu doyowa in bangusa Amori tatua kon dotá in pomukaan kon Ongkag in Yordan.

YOSUA 9:9

Mosia notubag, “Kami naa in namangoi nongkon butá inta totuu moyayú, Tuang, sin dinongogdon nami in soaḷ ki Tuhan Allah inta sinumba nai Tuang. Dinongogdon nami in bayongan inta pinomia-Nea kon Mesir,

HAKIM MITA 1:16

Buí inunuton i Musa, inta intau mita in Keni, dinumudui kon intau in Yohuda iḻumuai nongkon Yerikho, kotá in kurma, bo minayá in padang gurun kon dotá in toḷatan in Arad kon Yohuda. Kon tua in mosia nogutun kon yua-yuak in bangusa Amalek.

HAKIM MITA 4:11

Kon tungkuḷ intua ki Heber, intau in Keni, ain sinumondí kon bangusanea. (Bangusa in Keni tua in buí i Hobab, ki bila i Musa.) Ki Heber minayádon noposindog in ḷoḷaigannea mita kon diug in pangkoi mita in terpentin kon Zaanaim, diábí noyayú nongkon Kedes.