IḶUAIAN 17:12 - Alkitab Singog In Mongondow Masa In Tanaa

¹² Naonda in ki Musa moḷopídon, ki Harun bo ki Hur nogamá kon batu tobatú sin ḻitúan i Musa; ki Harun bo ki Hur sinimindog kon dotá in koḷanan bo koḷoigi i Musa sin moduḷu mokadai kon ḻimanea sinbá umuran moitonggó modapot in tumoyop mata in singgai.

IḶUAIAN 17:12 ပူးပေါင်းရင်းမြစ်များ

MAZMUR 35:3

Kadaiaidon in pandong bo ginubat-Mu sin monayow kon intau inta mondudur kon inakó. Potaaudon kon inakó kon Iko in mopoposaḷamatku.

IḶUAIAN 17:11

Aka tonggóon i Musa in ḻimanea, yo intau Israel in mountung. Táe aka popoponag i Musa in ḻimanea, yo intau in Amalek in mountung.

IḶUAIAN 17:13

Tontuminea intau Amalek kinotaḷowandon i Yosua.

IḶUAIAN 24:14

Ki Musa ain nongoyow kon itoi mita in bangusa Israel, “Oḷatdon kon ḷoḷaigan tanaa modapot in kami mobui. Ki Harun bo ki Hur moyotakin monimu kon naa. Ki ine in oyúon yogogintaḷaan, motaaubí mamangoi kon i monia sin momaḷut kon tua.”

YESAYA 35:3

Koropot in ḻima inta moyangkó, koroton in duḷud inta mourot.

EPESUS 6:18

Aidai intua komintan takin mosambayang mopoigum kon totuḷung i Allah. Posambayangdon pomuḷoi mako podudui ibog in Roho i Allah kon i monimu. Umuran pobasadia in moiko bo dika umundok. Tantú sambayangai in bayongan umat i Allah.

PILIPI 1:19

sin kinotaauankubí kon barakat in sambayang mita monimu takin totuḷung doman in Roho i Yesus Kristus, dá mobebasbí in akuoi.

KOLOSE 4:2

Umuran mokoporajing in mosambayang bo umuran pobasadia, dika mokoḻiong in mosukur kon i Allah.

TESALONIKA 1 5:25

Uḻe utatku mita, tantú sambayangai in kami!

IBRANI 12:12

Tuamai, koropot in ḻimamu inta noḻemé bo duḷudmu inta mouyot tua!

YAKOBUS 1:6

Tongá intau inta moigum in musti mopirisaya bo mokopotantú kon gina. Sin intau inta diá motantú in gina naonda bo bokoḷ kon dagat inta poyambá magí-mako in tompot.