IḶUAIAN 17:11 - Alkitab Singog In Mongondow Masa In Tanaa

¹¹ Aka tonggóon i Musa in ḻimanea, yo intau Israel in mountung. Táe aka popoponag i Musa in ḻimanea, yo intau in Amalek in mountung.

IḶUAIAN 17:11 ပူးပေါင်းရင်းမြစ်များ

MAZMUR 44:6

Pinodoyon kon kawasa-Mu kami in nonaḷow kon musung nami, bo nopotungkud kon intau mita inta nonubu kon inami.

MAZMUR 56:9

Iko in nogiap kon singgai mita binaya-bayáanku mako, bo nonotaau kon kobayong in ḷuáku; yo degá diá iniap-Mu intua?

IḶUAIAN 17:10

Inaidan i Yosua onu inta pinoki aid i Musa kon inia. Sia in minayá bo noparang takin intau in Amalek, yo ki Musa, ki Harun bo ki Hur notakod kon buḷud nodapot kon tudunea totok.

IḶUAIAN 17:12

Naonda in ki Musa moḷopídon, ki Harun bo ki Hur nogamá kon batu tobatú sin ḻitúan i Musa; ki Harun bo ki Hur sinimindog kon dotá in koḷanan bo koḷoigi i Musa sin moduḷu mokadai kon ḻimanea sinbá umuran moitonggó modapot in tumoyop mata in singgai.

LUKAS 18:1

Onda intua ki Yesus nongonguman kon tobatú poumpamaan sin potundú kon i monia sinbá mosia in umuran mosambayang bo umuran moropot in gina.

TIMOTIUS 1 2:8

Ibogonku kon ondakabí, yo bayongan in ḷoḷaki musti mosambayang takin gina motuḻid, diá in yogenggeng ande bobayowan.

YAKOBUS 5:16

Tuamai moiko in musti mosi akuan kon taḷá bo mosi sambayangan, sinbá undaman in moiko. Sambayang in intau inta dinumudui kon ibog i Allah, moḷoben in kawasanea.