IḶUAIAN 17:1 - Alkitab Singog In Mongondow Masa In Tanaa

¹ Onda intua bayongan umat in Israel nonaḷámaidon kon padang gurun Sin bo nomampi-mamping mako nongkon tampat tobatú mopobayá in tampat ibanea podudui in parenta i Tuhan. Nokoimontandon mosia in nononḷoḷaigan kon Rapidim, táe kon tua diá in tubig inumon.

IḶUAIAN 17:1 ပူးပေါင်းရင်းမြစ်များ

IḶUAIAN 15:22

Onda intua ki Musa nodia kon bangusa Israel nongkon Dagat in Gelagah nopobayá in padang gurun Syur. Toḷu nosinggai in koonggotnea mosia minayá nongin padang gurun bo diá nokouḻí kon tubig.

IḶUAIAN 16:1

Bo bayongan intau Israel nobuat nongkon Elim, bo kon tanggal mopuḷú bo ḻima buḷan nogindua naonda in mosia nonaḷámai kon Mesir, nodapotdon in mosia kon padang gurun Sin, kon sigad in Elim bo Buḷud in Sinai.

IḶUAIAN 17:8

Onda intua intau Amalek namangoi bo nonubu kon intau Israel kon Rapidim.

PINOGIAPAN 20:2

Kon singgai tobatú kon tampat pinononḷoḷaigan monia diá in tubig. Dá namangoidon in intau mita tatua kon i Musa bo kon i Harun

PINOGIAPAN 9:17

Pomuḷoi in goḷom tatua mamonik, intau in Israel mongokai kon ḷoḷaigan monia, bodongka mobuat. Bo kon onda in goḷom tatua moponag, dá kon tampat doman tatua in pononḷoḷaigan monia bui.

PINOGIAPAN 9:23

Mosia in mogutun kon tobatú tampat bo mobuat mayá in tampat ibanea podudui in parenta i Tuhan inta pinotaau i Tuhan kon i Musa.