IḶUAIAN 16:8 - Alkitab Singog In Mongondow Masa In Tanaa

⁸ Ki Tuhan mobogoi kon i monimu in ponoyá kon dodai in ḷoḷabungnea, bo roti kon dodai in doḷo-doḷom modapot in moiko mobotug, sin ain dinongog i Tuhan kon moiko in sinumorú kon i-Nia. Totuubí kon aka moiko tumorú kon inami, yo moiko in naondabí bo sinumorú kon i Tuhan.”

IḶUAIAN 16:8 ပူးပေါင်းရင်းမြစ်များ

IḶUAIAN 16:12

“Akuoi ain nokodongog kon gomong-gomot in intau Israel. Pogumandon kon i monia: kon ḷoḷabungnea mosia in mokaanbí kon ponoyá, bo doḷo-doḷom mosia mokaan kon roti modapot in mobotug. Dá kotaauandon monia kon Akuoibí in ki Tuhan, ki Allah monia.”

IḶUAIAN 16:9

Onda intua ki Musa noguman kon i Harun, “Potabádon in mosia komintan mamangoi kon tayowon i Tuhan, sin dinongog-Neadon in tosingogon monia.”

IḶUAIAN 17:2

Bo nongunsingog in mosia kon i Musa takin noguman, “Ogoiaidon kami in tubig inumon.” Ki Musa notubag, “Nongonu sin moiko in mongunsingogbí bo monungkuḷ kon i Tuhan?”

YESAYA 32:6

Intau bodok mosingog kon tosingogon inta mobodok bo monomayá kon inta moraat. Onukabí in aidan andeka inta singogonnea in nobaḻí bidon singkuḻe kon i Allah. Diábí kon dodai in onda in sia mobogoi in kaanon kon intau inta gogoyon andeka oinumon kon intau inta morogang.

YESAYA 37:29

bo kinodongogan-Kudon in torú bo ḷoḷatúmu tatua. Tanaa in pinopoḷutudan-Ku in kokaud kon ngiungmu bo baḷaḷá kon bibigmu, sinbá iko in uguton-Ku mobui mongin daḷan inta binayáanmu kon dodai in iko namangoi.”

PINOGIAPAN 11:18

Tanaa potaaudon in naa kon bangusa tatua: Potusidon in awakmu sin singgai ikoḷom; moiko in mokaandon kon ponoyá. Dinongogdon i Tuhan moiko nongombaḷ bo mogamui kon moiko moibog mokaan kon ponoyá, bo moiko ain noguman kon mopia-piabí kon tungkuḷ in nobiag kon Mesir. Tanaa ogoian i Tuhan moiko in ponoyá, bo moiko motaaudon mokaan kon tua.

PINOGIAPAN 14:27

“Umaai in toonu in intau mita moraat tatua mongunsingog kon i-Nakó? Bayongan inta inamui monia tua dinongog-Kudon.

PINOGIAPAN 21:7

Bo bangusa tatua namangoi kon tayowon i Musa bo noguman, “Binaradosadon in kami sin ain nongunsingog kon i Tuhan bo kon inimu. Posambayangpa kon i Tuhan sinbá uḷag mita tanaa poyayúdon kon inami.” Dá sinambayangandon i Musa in bangusa tatua.

MATIUS 10:40

“Ki ine in notarima kon i monimu, sia tua in notarima doman kon i-Nakó. Bo ki ine in notarima kon i-Nakó, sia in notarima doman kon i-Nia inta nopotabá kon i-Nakó.

MATIUS 9:4

Táe kinotaauandon i Yesus in raian monia tatua, tuamai Sia in noḻibó, “Nongonu sin moiko in moraibí kon soaḷ mita inta moraat kon bonu in ginamu?

LUKAS 10:16

Bo ki Yesus in noguman kon murí-Nea mita, “Ki ine in moibog mokidongog kon i monimu, yo mosia tua i mokidongog doman kon i-Nakó. Táe ki ine in doí motarima kon i monimu, yo sia in doí doman motarima kon i-Nakó. Bo ki ine in doí motarima kon i-Nakó, yo sia in doí doman motarima kon i-Nia inta nopotabá kon i-Nakó.”

YOHANES 13:20

Naa in poguman-Ku kon i monimu: Ki ine in motarima kon intau inta pinotabá-Ku, yo sia in notarima kon i-Nakó. Bo ki ine in motarima kon i-Nakó, yo Sia tua in notarimadon kon i-Nia inta nopotabá kon i-Nakó.”

SURAT I PAULUS KON JAMAAT RUM 13:2

Tuamai intau inta momaḷawang kon pomarenta in notongkaibí in nomaḷawang kon onu inta ain sinantú i Allah. Bo ki ine in mogaid kon natua hukumonbí.

KORINTUS 1 10:10

Kita in dikabí umuran mokarana; ná inta inaidan in tongonumai intau kon sigad monimu koḻipod, sahingga in iḻimod in Malaekat inta Momomatoi.

TESALONIKA 1 4:8

Tuamai ki ine in doí motarima kon singogku, yo deemanbí intau in bayowannea, táe ki Allahbí inta ain nobogoi in Roho-Nea mokudus kon i monimu in bayowannea.

SAMUEL 1 8:7

bo ki Tuhan in noguman, “Duduiaidon in bayongan inta pinoigum in bangusa tatua kon inimu. Sin deemanbí iko in kinodoí monia, táe Akuoibí. Doídon in mosia aka Akuoi in mobaḻí datu monia.