IḶUAIAN 16:4 - Alkitab Singog In Mongondow Masa In Tanaa

⁴ Ki Tuhan noguman kon i Musa, “Tanaa in poponag-Kudon in kaanon inta mobarong totok ná uyan sin kaanon monimu komintan. Pomuḷoi in singgai moiko in musti mosipun kon kaanon tatua inta tugat kaanon tosinggai. Natuata in pononungkuḷ-Ku kon umat-Ku sinbá kotaauan-Ku mongo motoindudui in mosia kon parenta-Ku andeka diá.

IḶUAIAN 16:4 ပူးပေါင်းရင်းမြစ်များ

NEHEMIA 11:23

Kasampatan in batúan inanakan in moindoi kon musik kon Baḷoi Tuhan pomuḷoi in singgai in sinantú podudui in atorang i datu.

NEHEMIA 9:15

Kon tungkuḷ in mosia ginogoi bo kinodaitan in kaanon, roti nongkon ḷangit pinoangoi-Mu. Bo nongkon buḷud batu pinoangoi-Mudon in tubig moḷoben inta mokoguḻí kon yogang. Pinoki ḻitúan-Mu in mosia in butá inta pinodandi-Mu kon inia takin ibot.

NEHEMIA 9:20

Pinongin kawasa-Mu inta mopia sinundú-Mu in mosia. Mosia in nokaan kon Manna bo nonginum kon tubig inta tugat kon i monia.

MAZMUR 105:40

Mosia in nopoigum, bo pinopoangoi-Neadon in ḷagapan onggo-onggoyung, mosia in inogoian-Nea in roti nongkon soroga nodapot in nobotug.

MAZMUR 78:23

Umpaka natua pinarentaan-Nea in ḷangit sinbá momukat kon ngaranea mita.

IḶUAIAN 15:25

Ki Musa nosambayangdon kon i Tuhan, bo ki Tuhan nopoontongdon in kayu toputoḷ kon inia. Kayu tatua pinogambat i Musa kon bonu in tubig tatua, bo tubig tatua in nobaḻídon nopira in nanamnea, dá motaaudon inumon. Kon tampat tatua ki Tuhan nobogoi in atorang mita kon i monia, bo kon tua doman Sia nonungkuḷ kon i monia.

IḶUAIAN 16:15

Naonda intau Israel nokoontong kon tua, diá kinotaauan monia mongo onu intua. Dá nosiḻibóandon in mosia, “Onu intua?” Bo ki Musa in noguman kon i monia, “Tuata in kaanon inta inogoi i Tuhan kon i monimu.

AMSAL 30:8

Dika modapot in akuoi mopoyaput in tosingogon mita inta motombogá bo uboḷ, bo dika pomayá mako in akuoi mobaḻí bogá andeka mooyúon. Tongádon ogoiai in akuoi in onu inta pakéonku.

MATIUS 6:11

Ogoiaidon kaanon in kami in singgai naa, inta tugat kon inami.

LUKAS 11:3

Ogoiaidon in pomuḷoi in singgai in kaanon inta tugat kon inami.

KORINTUS 1 10:3

Mosia komintan in nokaan kon kaanon inta ain sinantú i Tuhan kaanon monia,

ULANGAN 8:16

Kon padang gurun Sia nobogoi in manna kaanonmu, kokaanon inta diábí kinotaauan in mogoguyangmu. Inaidan i Tuhan intua sin monungkuḷ kon i monimu bo motundú sinbá mokopoompá kon gina, bá kon buitnea Sia mopoaid in mopia kon i monimu.

ULANGAN 8:2

Toropdon! Opat nopuḷú notaong koonggotnea in ki Tuhan Allahmu nodia kon i monimu kon bonu in binayáan moyayú sinumaḻib kon padang gurun. Binayáan tatua imakusud i Tuhan monungkuḷ kon i monimu, sinbá koontongan-Neadon onu in kon bonu in ginamu bo indoian-Nea mongo moiko mokopotoindudui kon parenta-Nea mita.

YOSUA 24:15

Aka kuma bo moiko doí mogundoi kon i Tuhan, ponantúdon kon tosingogon in singgai naa doman ki ine in koibog monimu sumbáan: kon i ilah mita ibanea inta sinumba in mogoguyangmu kon Mesopotamia koḻipod ande kon ilah mita in intau in Amori inta butánea in pinogutunan monimu masai naa. Táe kami – akuoi bo tombonu in baḷoiku – in umuranbí mogundoi tongá kon i Tuhan.”