IḶUAIAN 16:32 - Alkitab Singog In Mongondow Masa In Tanaa

³² Ki Musa in noguman, “Ki Tuhan noguman kon i naton kon doyowa noliter in manna sin tagúon kon buí naton, sinbá mosia mokoontong doman kon kaanon inta inogoi Tuhan kon i naton kon tungkuḷ in kita kon padang gurun, kon tungkuḷ in kita dinia-Nea iḻumuai nongkon Mesir.”

IḶUAIAN 16:32 ပူးပေါင်းရင်းမြစ်များ

MAZMUR 105:5

Ei buí i Abraham, mogogundoi-Nea, bo buí i Yakub, intau inta piniḻí-Nea, toropdon in bayongan inta mokoherang inta inaidan-Nea, dika mokoḻiong kon inta ain sinantú-Nea mita.

IḶUAIAN 16:16

Ki Tuhan nomarenta sinbá komintan intau mosipun kon inta tugat pakéonnea, batúan in tombonu in baḷoi tododoyowa noliter.”

IḶUAIAN 16:31

Kaanon tatua in sinangoian manna pinonangoi in intau Israel. Batangannea in naonda bo batoḷ mita mongointok bo nongobudó, nanamnea in naonda bo kukis inta binauian in biluk.

IḶUAIAN 16:33

Ki Musa noguman kon i Harun, “Gamádon in kuyon tobatú, bo bonuaidon in manna doyowa noliter bo poukatdon kon tayowon i Tuhan sin tagúon kon buí naton.”

YEREMIA 7:23

Akuoi in tongábí nomarenta kon i monia dumudui kon i-Nakó sinbá Akuoi in mobaḻí Allah monia, bo mosia in mobaḻí umat-Ku. Akuoi in nopotabá kon i monia mobiag podudui in parenta-Ku mita sinbá mosia in mobiag motompia.

HOSEA 11:4

Takin ḻimbatú in tabi-Ku, pinodiug-Ku in sia kon i-Nakó. Bayongan in roriganea ininggaanan-Ku, bo takin pia in gina inogoian-Ku in kaanon in sia.

LUKAS 22:19

Onda intua ki Yesus in nogamá kon roti. Bo naonda in sinambayangan-Nea mako, binonsi-bonsig-Nea in roti tatua bo inogoi kon i monia poḷat noguman, “Naadon in awak-Ku [inta pinosarakan kon i monimu. Aidai doman in naa, saḷaku tanda kon moiko in umuran monorop kon i-Nakó.”

IBRANI 2:1

Manangka intua, mustidon totu-totuu in kita kumadai kon totundú mita inta ain dinongog naton, sinbá diá mobaḷui in pirisaya naton.

IBRANI 9:4

Kon bonu in yuang tatua oyúon in tobatú meja pototubáan kon sosumba, meja inta pinomia nongkon buḷawan. Oyúon doman in poti Dodandian inta komintan inoḻitan in buḷawan. Kon bonu in poti tatua oyúon in kuyon buḷawan inta binonuan in manna, tungkud i Harun inta ain nomoḻimping, bo batu doyowa inta pinomaisan kon parenta i Allah inta mopuḷú.