IḶUAIAN 16:23 - Alkitab Singog In Mongondow Masa In Tanaa

²³ Guman i Musa kon i monia, “Naa in parenta i Tuhan: Ikoḷom in singgai husus pogogaian, singgai in Sabat, singgai inta posumbaan kon i Tuhan. Onu in koibog monimu angagon singgai naa, yo angagdon, bo onu inta koibog monimu tuonon, yo tuondon. Inta moiḻiu kon pakéon singgai naa, yo potontanídon bo tagúdon sin pakéon ikoḷom.”

IḶUAIAN 16:23 ပူးပေါင်းရင်းမြစ်များ

NEHEMIA 9:13

Nongkon ḷangit noponag in Iko kon tudu in Buḷud in Sinai, bo nongonguman in Iko takin umat-Mu tontaní. Inogoian-Mu in hukum, atorang bo parenta inta moadil, mobanar bo oyúon in mangaḻenea.

NEHEMIA 9:14

Singgai in Sabat inta mokudus mustibí rameon monia, bo pinongin i Musa hukum-Mu inogoi-Mu.

IḶUAIAN 16:19

Ki Musa in noguman kon i monia, “Ki inekabí diábí motaau motagú kon kaanon tatua tongákabí topiḻik sin kaanon mopoikoḷomai kon singgai.”

IḶUAIAN 23:12

Kon todiminggu, onom nosinggai motaau pakéon monimu mogaid, táe kon singgai noginpitu musti in moiko mogogai, sinbá bobiagonmu, atamu mita bo intau mita ango-angoi inta nogaid kon i monimu mogogaipa doman.

YEREMIA 17:22

Dika mogaid andeka modia kon pakakat onuka in ḷumuai kon baḷoimu kon singgai in Sabat. Potondídon in singgai tatua kon i-Nakó ná inta ain pinarenta-Ku kon mogoguyangmu.

IMAMAT 23:3

Onom nosinggai in wakutu pogaidan, singgai in Sabat, in singgai pogogaian inta sinantúdon kon i Tuhan. Kon singgai tatua moiko musti momia kon poyodungkuḷan sin poibadaan bo diábí in motaau mogaid.

PINOGIAPAN 11:7

Manna tua in naonda bo batoḷ mita inta mointok, batangannea in nobudó noḻin dara-darag.

PINOGIAPAN 11:8

Kon dodai in doḷom manna tatua moḷabú moyotakin in oḷú kon tampat inta pinononḷoḷaigan. Doḷo-doḷom intau mayá magí mako sin mosipun kon manna tatua, bo mogiḻing andeka mododok baḻíon topong, bo pomiaan monia kukis moḻimbung inta nonipit. Nanamnea naonda bo kukis inta inangag takin ḷana in zaitun.

LUKAS 23:56

Onda intua, nobui in mosia bo nosadia kon toyokayu mita inta biasamai pakéon pomondu kon mayat. Mosia in nosadia doman kon ḷana mobondu sin poḷana kon mayat i Yesus. Kon singgai in Sabat mosia in nogogai nogaid podudui in hukum agama.

ULANGAN 5:12

Porameaibí in singgai in Sabat bo horomatbí mobaḻí singgai inta motusi, sin Akuoi ki Tuhan Allahmu inta nobogoi in parenta kon inimu.

WAHYU 1:10

Kon Singgai i Tuhan, akuoi in kinawasaan in Roho i Allah, bodongka nokodongog in akuoi kon singog moropot – naonda bo singog in torompet – nosingog kon tumikumai.