IḶUAIAN 16:2 - Alkitab Singog In Mongondow Masa In Tanaa

² Kon padang gurun tatua nongunsingogdon in mosia komintan kon i Musa bo kon i Harun.

IḶUAIAN 16:2 ပူးပေါင်းရင်းမြစ်များ

KINOBAḺIAN 19:4

Táe kon wakutu in mokokiangoi mita tatua mayádon mosiug, intau mita in Sodom namangoi nonubu kon baḷoi tatua. Bayongan in intau ḷoḷaki kon kotá tatua, pinomayá inta ain nogurang ande inta batáneapa, namangoibí komintan kon tua in mosia.

MAZMUR 106:13

Táe ḷagibí kinoḻiongan monia in aid i Tuhan bo mogaid takin diádon mopoigum in tonggina-Nea.

MAZMUR 106:25

Mosia in nonggomong-gomot kon bonu in ḷoḷaigan monia bo doí mokidongog kon singog i Tuhan.

MAZMUR 106:7

Kon tungkuḷ in kon Mesir mogoguyang nami diá nomangaḻe; mia-Mu inta mokotongaw diábí kinomangaḻean monia. Kinoḻiongan monia in tabi-Mu inta moḷoben totok, bo kon diug in Dagat in Gelagah mosia in nomarontak kon i Inta Totok in Moḷantud.

IḶUAIAN 14:11

Guman monia kon i Musa, “Eta degá diá in poḷobongan kon Mesir, dá diniamu mangoi kon naa in kami sinbá matoi kon tampat tanaa? Indoiaika bungai in oaidanmu tatua!

IḶUAIAN 15:24

Dá intau mita tatua in nongunsingogdon kon i Musa bo noḻibó, “Onu in inumon naton?”

IḶUAIAN 17:3

Táe intau mita tatua totokdon in moyogang bo umurandon in mosia mongunsingog kon i Musa. Guman monia, “Nongonu sin diniamubí in kami nongkon Mesir? Degá, bá matoi in rogang in ki adí mita nami takin bobiagon mita nami?”

IḶUAIAN 5:21

Dá mandor mita tatua in noguman, “Kinotaauanbí i Tuhan in oaidmu nion! Hukumondon i Tuhan in moiko! Popisídon in moiko dá kami in kinodoídon i datu bo pogawainea, dapot in mosia moḻimodon kon inami.”

PINOGIAPAN 14:22

tongá kon sigad in intau mita tanaa diádon tobatúmai in mosia in mobiagpa bo motaau tumuot kon butá inta pinodandi-Ku kon mogoguyang monia. Sin mosia in diá motoindudui kon i-Nakó, bo umuran monungkuḷ kon i-Nakó. Bokaka mosia ain nokoontong kon sindar nongkon i-Nakó, bo inta mokoherang mita inta pinomia-Ku kon Mesir bo kon padang gurun.

KORINTUS 1 10:10

Kita in dikabí umuran mokarana; ná inta inaidan in tongonumai intau kon sigad monimu koḻipod, sahingga in iḻimod in Malaekat inta Momomatoi.