IḶUAIAN 16:10 - Alkitab Singog In Mongondow Masa In Tanaa

¹⁰ Koyogotpa in ki Harun nosingog kon i monia komintan, mosia nobobui kon padang gurun bo daḻídon inontong in sindar i Tuhan kon bonu in goḷom.

IḶUAIAN 16:10 ပူးပေါင်းရင်းမြစ်များ

IḶUAIAN 16:11

Guman i Tuhan kon i Musa,

IḶUAIAN 16:7

Ikoḷom doḷo-doḷom moiko in mokoontongdon kon sindar koangoian i Tuhan. Dinongogdon i Tuhan kon moiko sinumorú kon i-Nia; Oo kon i Tuhan, sin kami naa i tongábí nogaid kon onu in pinarenta-Nea.

IḶUAIAN 24:16

Sindar kinoangoian i Tuhan noiangoidon kon tudu in buḷud tatua bo inontong intau Israel intua naonda bo tuḷú inta dinumokot kon tudu in buḷud. Onom nosinggai koonggotnea goḷom tatua nongoḷob kon buḷud tatua, bo kon singgai noginpitu nongkon goḷom tatua ki Tuhan nogoiní kon i Musa.

IMAMAT 9:23

Onda intua ki Musa bo ki Harun sinumuot kon bonu in Ḷoḷaigan i Tuhan. Nopaḷut mako kon tua mosia iḻumuai bo nomarakat kon umat. Bo bayongan umat Israel nokoontong kon sindar kinoangoian i Tuhan.

IMAMAT 9:6

Bo ki Musa in noguman, “Ki Tuhan nopotabá nokiaid in naa kon i monimu sinbá moiko mokoontong kon sindar koangoian i Tuhan.”

PINOGIAPAN 14:10

Bayongan umat nonontot kon mogarab in batu kon i monia dapot in matoi. Táe daḻídon intau mita tatua nokoontong kon sindar i Tuhan nomuká kon ḻimonik in Ḷoḷaigan-Nea.

PINOGIAPAN 16:19

Onda intua ki Korah nosipun kon bayongan umat bo mosia sinimindog noyogintayow i Musa bo i Harun kon tayowon in Ḷoḷaigan i Tuhan. Daḻíbí in bayongan umat nokoontong kon sindar i Tuhan inta mokotuḷow.

PINOGIAPAN 16:42

Koyogot in mosia noyosipun sin moḷawang kon i Musa bo kon i Harun, mosia nobobui kon Ḷoḷaigan i Tuhan, bo nokoontong kon goḷom inta noikoḷob kon Ḷoḷaigan tatua, bo kinoontongandon in sindar kinoangoian i Tuhan.

MATIUS 17:5

Koyogotpa in ki Petrus nosingog kon tua, daḻi-daḻí noikoḷubung magí kon i monia in goḷom inta mobunod bo kinodongogan nongkon goḷom tatua in singog inta noguman, “Naadon in Adí-Ku inta kinotabi-Ku, Sia tanaa inta kinoibog-Ku, indongogaidon in Sia.”