IḶUAIAN 15:9 - Alkitab Singog In Mongondow Masa In Tanaa

⁹ Musung noguman, ‘Mosia in aḷowanku bo domokon, rabutonku in pitow, bo rataanku in mosia. Bo bayongan kaoyúonan monia agowonku, sila-silaionku bo pakéonku modapot in moorop.’

IḶUAIAN 15:9 ပူးပေါင်းရင်းမြစ်များ

KINOBAḺIAN 49:27

Ki Benyamin in serigala inta morogi. Kon wakutu in doḷo-doḷom sia modomok kon kokaanonnea. Onda in doḷom silaionnea intua magí-mako.”

SAMUEL 2 22:38

Inaḷowanku in musungku bo sinaḷowku in mosia, bo diábí umundok modapot in mosia moyopú.

DATU MITA IMITÁNEA 19:2

Dá ki Izebel in nokidia in habar tanaa kon i Elia, “Igumon mako dewa mita in mohukum, poḷat bo moḻimod kon inakó, aka ikoḷom kon oras ná tanaa akuoi in diá mopoaid kon inimu ná inta pinopoaidmu kon nabi mita in Baal tatua.”

DATU MITA IMITÁNEA 20:10

“Ki datu nami in mopotabádon mangoi in tontara inta mobayong totok sin morimumud kon kotámu, modapot in ḷobud kinogoguyaatan in kotámu tatua koakutan monia modait tongábí momaké in ḻima monia. Sia in nongibot sinbá dewa mita mohukum, nodapot doman in moḻimod kon inia, aka diá in sia momia kon tua!”

IḶUAIAN 14:5

Naonda in ki datu in Mesir nokodongogdon kon bangusa Israel noḷaguidon, sia bo pogawainea mita inangoiandon in manasaḷ bo poḷat noguman, “Onu in pomiaan naton? Nongonu sin pomayábí mako naton intau mita Israel tatua mayá modapot in kita kobuḻiandon in ata mita?”

AMSAL 16:19

Maníka bo moompá in dodia bo diá kokaoyunan, bo dika in dumudui kon intau moḷoḷatú bo mokaan kon kaoyúonan inta inagow monia.

YESAYA 36:20

Dewa degá táonda in nokoimontan nopoḷuat kon ḻipúnea nongkon kawasaku? Umpaka dá ki Tuhan in mokoposaḷamat kon Yerusalem!’ ”

YESAYA 53:12

Nobayagbí in ginanea in nobogoi in kobiagannea bo pinoyoiap intau moraat. Sia in nomotaan kon dosa in intau mobayong bo nosambayang sinbá mosia in ampungan. Dá inogoian-Ku in sia in intau mobayong nobaḻí tombuinag, bo sia in nokouḻí kon tonsilai noyotakin in intau mita mobanar.”

YEREMIA 46:17

Tontangoiaidon in tangoi mobagu in ki datu in Mesir. ‘Ki inta motontamá inta nonaḷámai kon kasampatan.’

HABAKUK 3:14

Piot-Mu mita noiḷambai kon itoi in tontara in musung kon tungkuḷ in tontaranea namangoi ná koropot in deḷang, sinbá kami in porariton. Mosia in kinumosing takin ḷunganga in gina naonda bo intau inta umado-adop mondorot kon intau inta bogá.

LUKAS 11:22

Táe aka oyúon in moiḻiu in ropot kon inia in mamangoi monubu bo monaḷow kon inia, dá daitonbí agowon in intau moropot tatua in bayongan pakakatnea inta mobaḻí kinodoyonan in ropotnea poḷukad kon baḷoinea. Onda intua daitonnea bo sila-silaion mako in barang in intau inta pinogagowannea tatua.

HAKIM MITA 5:30

“Mosia in koyogot mosilai kon onu inta inagow monia kon parang, kon batúan in tontara, tobatú ande doyowa in mongodeaga. Kon i Sisera, bahan ḷambung inta totok in mongomahaḷ, kon i bokí, in aḷuang inta sinujian in noyagi-yagimai in batangannea.”

SAMUEL 1 30:8

Onda intua noḻibódon in ki Daud kon i Tuhan, “Musti degá batukonku in banselang mononubu tatua? Mokobatuk degá in akuoi kon i monia?” Ki Tuhan notubag, “Oo, batukdon; kobatukanmubí in mosia bo poḷuatonmu in intau mita inta sinoko domok tua.”