IḶUAIAN 15:8 - Alkitab Singog In Mongondow Masa In Tanaa

⁸ Dagat inirup-Mu, naonda bo pompang, nodapot in dagat motaaudon bayáan.

IḶUAIAN 15:8 ပူးပေါင်းရင်းမြစ်များ

SAMUEL 2 22:16

Omonaganmai totok in dagat inontong bo aip in butá nobukat kon tungkuḷ in ki Tuhan nongguak kon musung-Nea takin torú.

AYUB 4:9

Naonda bo deḷang, natuata in torú i Allah momutú kon i monia dapot in moyopú!

MAZMUR 33:7

Bayongan in tubig kon dagat sinobatú-Nea kon tampat tobatú, baḷangon sinipun-Nea kon bonu in bandungan.

MAZMUR 78:13

Binotak-Nea in dagat, bodongka nopoḷoḷan kon i monia; tubig pinosindog-Nea naonda bo dinimpot.

IḶUAIAN 14:29

Táe naonda intau Israel iḷumoḷan kon dagat, mosia in minayá kon apad in dagat inta noingkag, bo tubig nobaḻí dinding kon dotá in koḷoigi bo koḷanan.

YESAYA 11:4

Intau bogá ihakimnea kinoadil, intau inta diá kodaya dinuḷuannea takin gina motuḻid; intau kotaḷá ihukum podudui in parentanea, intau moraat iyompatnea.

YESAYA 37:7

Ki Tuhan in mopobaḻíbí kon i datu in Asyur monondudut kon habar in tompot dá sia in mobui kon butánea tontaní, bo kon tua ḻimodon in sia.”

HABAKUK 3:10

Nokoontongmai kon ini-Mu, buḷud mita in nodandú nongkon ḷangit noḷabú in uyan naonda bo pinopobutak. Tubig kon ḻimonag in butá moboḷontung in singognea, bokoḷnea in molitodanmai bo monomburá.

HABAKUK 3:15

Takin kabaḷo-Mu iritakan-Mu in baḷangon bo dagat inta nobudó in nonomburá.

TESALONIKA 2 2:8

bain tua bo koontongandon in intau moraat tatua. Sahingga in aka ki Tuhan Yesus mamangoi yo ḻimodon-Nea in intau moraat tatua takin tompot inta pogirup-Nea, bo yoyangon-Nea wakutu in Sia mamangoi takin kamuliaan-Nea.

YOSUA 3:13

Bain aka imang mita inta momotaan kon Poti Dodandian i Tuhan mopotobogdon in sioḷnea kon tubig in Ongkag in Yordan tatua, dá tubignea in mobontowdon; tubig inta nongkon uḷuannea in mobutongdon kon tampat tobatú.”

YOSUA 3:16

dá kon dodaipa doman tuata torú in tubig tatua nobontow. Nongkon uḷuan in tubig noyayú in kinosipunan tubig, tubig nosipun kon Adam, kon kotá tobatú inta kon ḻimako in kotá in Sartan. Tubig inta kon sioḷan inta noiḻig ná Laut Mati nobontowdon, dá umat in Israel iḷumoḷandon kon butá noingkag noyogintayowan in kotá in Yerikho. Imang mita inta nomotaan kon Poti Dodandian tatua umuranpabí sinimindog mako kon yua-yuak in ongkag tatua nodapot in bayongan umat in Israel noiḷoḷandon komintan.