IḶUAIAN 15:7 - Alkitab Singog In Mongondow Masa In Tanaa

⁷ Takin kawasa-Mu inta moḷoben iyompat-Mu in bayongan inta momusung kon ini-Mu. Torú-Mu nodokot ná tuḷú, bo nomokak kon i monia naonda bo pangkoi in payoi.

IḶUAIAN 15:7 ပူးပေါင်းရင်းမြစ်များ

AYUB 9:4

Ki Allah tua in totokbí in moarip bo mokawasa; ki ine in mokotongod in moḷawang kon i-Nia?

MAZMUR 148:13

Biódon mako in mosia komintan modayow kon tangoi Tuhan, sin tangoi-Nea in moḷantu-ḷantud nongkon bayongan in tangoi; koḷoḷantud-Nea in nonigad kon ḷangit bo butá.

MAZMUR 59:13

Sin mosia in binaradosa pinongin tosingogon monia; biódon mako in mosia moibaaḷ kon bonu in ḷoḷatúnea, sin mosia in moibog mogodi-godi bo monguboḷ.

MAZMUR 68:33

Podondongdon kon i Allah, ei bayongan in dodatuan, podondongdon in dodayow kon i Tuhan,

MAZMUR 83:13

popisí in mosia in nogumandon, “Igai ḻitúandon naton in butá pinogutunan i Allah.”

IḶUAIAN 14:27

Bo ki Musa nopotundú domandon in ḻimanea kon dagat bo kon tungkuḷ in doḷo-doḷomdon, tubig nobuidon ná kaadaannea inta muna. Intau mita in Mesir moramuji moposaḷamat in awak monia, táe iḷomot i Tuhan in mosia kon bonu in dagat.

IḶUAIAN 5:12

Dá minayádon intau Israel noḻibu kon bayongan butá in Mesir sin mosipun kon wawa.

IḶUAIAN 9:16

Táe pinomayá-Kupa mako moiko in nobiag, sinbá Akuoi in motaaupa mopoontong in kawasa-Ku kon inimu, sinbá tangoi-Ku totokdon kotaauan in bayongan intau kon dunia naa.

YESAYA 37:17

Tuhan, indoiaipa kaasí in onu inta koyogot mobaḻí kon inami. Indongogaidon in bayongan singkuḻe i Sanherib kon ini-Mu, Allah inta nobiag.

YESAYA 37:23

Kinotaauanmu degá mongo ki ine in sinibáan bo siningkuḻemu tua? Akuoi, ki Allah in Israel, Allah inta motusi.

YESAYA 37:29

bo kinodongogan-Kudon in torú bo ḷoḷatúmu tatua. Tanaa in pinopoḷutudan-Ku in kokaud kon ngiungmu bo baḷaḷá kon bibigmu, sinbá iko in uguton-Ku mobui mongin daḷan inta binayáanmu kon dodai in iko namangoi.”

YESAYA 37:36

Doḷom doman tua malaekat i Tuhan namangoi kon pinononḷoḷaigan in intau in Asyur bo noḻimod kon 185.000 in tontara. Nobangon monik doḷo-doḷom mayat mita monia noiukat magí mako.

YESAYA 37:38

Kon singgai tobatú, kon tungkuḷ in sia koyogot in nosambayang kon bonu in kuil i Dewa Nisrokh, sia in iḻimod in pitow i Adramelekh bo i Sarezer, ki adínea mita ḷoḷaki. Nopaḷut mako kon tua mosia in noḷagui kon Ararat. Dá ki Esarhadon, ki adínea ḷoḷaki ibanea, in nobaḻí datu nomaḷui kon inia.

YESAYA 47:14

Indoiai, mosia in naonda bo wawa inta kinaan in tuḷú; diábí in mosia mokoposaḷamat kon awak monia tontaní! Dokot in tuḷú tatua totuubí mopatú kon i monia, deemanbí tuḷú mointok inta mopia ponayangan.

YESAYA 5:16

Táe ki Tuhan Inta Totok in mokawasa nopoontong in koḷoḷoben-Nea pinongin nogaid kon onu inta nobanar. Sia in mopoontongbí in kototusi-Nea pongin monisig kon bangusa-Nea.

YESAYA 5:24

Moiko in nondoídon kon totundú i Tuhan Inta Totok in mokawasa, bo noningkuḻe kon parenta i Allah inta mokudus in Israel. Tuamai, ná onda bo wawa bo bonok noingkag nodait nopokak kon bonu in tuḷú, natua doman in uakatmu mita mobongkogdon, bungangmu mita moingkag bo modait irupon in tompot.

YEREMIA 10:6

Ki Tuhan inta momulia, Iko in diábí in popotongkaian, tangoi-Mu in moḷantud bo nopuḻing in kawasa.

MIKHA 4:11

Nobayong in bangusa in nosipundon sin monubu kon inimu, ei Yerusalem! Mosia in noguman, “Yerusalem in mustibí rimumudon! Kami in mokoontongbí kon kotá tatua in mobaḻídon apug!”

ZAKHARIA 14:3

Bo ki Tuhan in mayá bo moparang monayow kon bangusa mita tatua, ná inta pinomia-Nea dungkuḷmai.

ZAKHARIA 14:8

Kon singgai tatua, tubig modarit in moiḻig nongkon Yerusalem; tongobotak nongkon tubig tatua in moiḻig ná Laut Mati bo tongobotaknea doman in moiḻig ná Dagat Toyuak. Tubig tatua in moiḻig kinoouput in taong, pinomayá kon sempo in pongonguyan andeka sempo in poninggai.

ZAKHARIA 2:8

Ki ine in monubu kon i monimu, in monububí kon batoḷ in dodob-Ku.” Dá Ki Tuhan Inta Totok in mokawasa in nopotabá kon inakó mopotaau in koyow tanaa kon bangusa mita inta ain nogagow kon umat-Nea,

MALEAKHI 4:1

Guman i Tuhan Inta Totok in mokawasa, “Moiangoibí in wakutunea bayongan in intau inta moḷoḷatú bo inta moraat in tubáan naonda bo wawa. Kon singgai tatua mosia in tubáan modait, bo diá in tonggagatan in kon i monia.

MATIUS 3:12

Digu ain kokada-kadai-Nea mako. Tampat posipunan kon gandum toko daritan-Neadon, gandum sipunon-Nea bo uaban, inta mopia tagúonnea kon tampatnea, táe bayongan pangkoinea in tubáan-Nea kon tuḷu inta diá mopio-piong.”

OUMAN IN RASUL MITA 9:4

Dá noumpag in sia kon butá bo dinongognea in singog noguman nanaa kon inia, “Saulus, Saulus! Nongonu sin momogutúbí in iko kon i-Nakó?”

ULANGAN 33:26

“Ei Israel! Diábí in ilah ná ki Allahmu; Sia in minayá kon ḷangit diá in poḻiuan bo nongin goḷom sin motuḷung kon i monimu.

ULANGAN 4:24

sin ki Tuhan Allahmu naonda bo tuḷú inta mokopokak. Sia in doíbí potongkaion in onukadon.

IBRANI 12:29

Sin ki Allah naton in naonda bo tuḷu inta mokopokak.