IḶUAIAN 15:22 - Alkitab Singog In Mongondow Masa In Tanaa

²² Onda intua ki Musa nodia kon bangusa Israel nongkon Dagat in Gelagah nopobayá in padang gurun Syur. Toḷu nosinggai in koonggotnea mosia minayá nongin padang gurun bo diá nokouḻí kon tubig.

IḶUAIAN 15:22 ပူးပေါင်းရင်းမြစ်များ

KINOBAḺIAN 16:7

Malaekat i Tuhan namangoi nokipodungkuḷ kon i Hagar kon diug in bokaká kon padang gurun, kon daḷan mopobayá in padang gurun Sur.

KINOBAḺIAN 20:1

Ki Abraham nomamping nongkon Mamre minayá kon dotá in toḷatan butá in Kanaan, bo nogutun kon sigad in Kades bo Syur. Diá noonggot noiduduimai kon tua, naonda in sia nogutun kon Gerar,

KINOBAḺIAN 25:18

Buínea in nogutun kon butá inta kon sigad in Hawila bo Syur kon dotá in Pomukaan kon Mesir mopobayá in Asyur. Mosia in nobiag noyotondí nongkon buí i Abraham inta ibanea.

MAZMUR 136:16

Dinia-Nea in umat-Nea nongin padang gurun; tabi-Nea in umuran mononoi.

MAZMUR 77:20

Iko in mayá nongin bokoḷ, iḷumoḷan kon dagat, táe ḻiod-Mu diá koontongan.

MAZMUR 78:52

Bo Sia in nodia kon umat-Nea naonda bo paanan in domba, bo nodia kon i monia nongin padang gurun.

MAZMUR 78:53

Kon bonu in tongganut-Nea moaman in mosia bo diá moondok, umpaka musung monia noḷomot kon bonu in dagat.

IḶUAIAN 17:1

Onda intua bayongan umat in Israel nonaḷámaidon kon padang gurun Sin bo nomampi-mamping mako nongkon tampat tobatú mopobayá in tampat ibanea podudui in parenta i Tuhan. Nokoimontandon mosia in nononḷoḷaigan kon Rapidim, táe kon tua diá in tubig inumon.

IḶUAIAN 3:18

Umat-Ku in mokidongogbí kon tosingogonmu mita. Moiduduimai kon tua iko moyotakin in itoi mita Israel musti mayá tumayow kon i datu in Mesir bo moguman kon inia: ‘Tuhan, ki Allah intau Ibrani aindon namangoi nokipogontong kon inami. Tanaa ogoiaidon in wakutu kami mayá inta koyayúnea in toḷu nosinggai in bayáan mopobayá in padang gurun sin moposumba in kuruban kon i Tuhan, ki Allah nami.’ ”

PINOGIAPAN 33:8

Onda intua mosia nonaḷámai kon Pi-Hahirot, iḷumoḷan kon dagat bo sinumuot kon padang gurun Etam; naonda in toḷudon nosinggai kon binayáan, mosia nononḷoḷaigan kon Mara.

SAMUEL 1 15:7

Nopaḷut mako kon tua ki Saul noparang takin intau in Amalek, bo nonaḷow kon i monia kinoouputbí in daḷan nongkon Hawila nodapot kon Syur kon dotá in pomukaan kon Mesir.

SAMUEL 1 27:8

Kon bonu in wakutu tatua ki Daud takin intaunea mita mokakit in monubu kon intau in Gesur, intau in Girzi, bo intau in Amalek; bangusa mita tatua in noonggotdon in nogutun kon butá tatua. Sia in nonubu kon butá tatua nodapot in Sur, bo nomoḷat kon Mesir.