IḶUAIAN 15:2 - Alkitab Singog In Mongondow Masa In Tanaa

² Ki Tuhan mototuḷungku inta moropot; Sia inta ain noposaḷamat kon inakó. Sia in ki Allahku, dayowonku in Sia, ki Allah sosumbaan in mogoguyangku, poḷantudonku in Sia.

IḶUAIAN 15:2 ပူးပေါင်းရင်းမြစ်များ

KINOBAḺIAN 17:7

Akuoi in mogintompodbí kon dandi-Ku kon inimu bo kon buímu dapot in kon singgai moiduduimai, bo dodandian tatua in mononoibí. Akuoi in mobaḻí ki Allahmu bo ki Allah in buí-Mu.

KINOBAḺIAN 49:18

O Tuhan, kasaḷamatan inta inogoi-Mu, tuata inta inoḷatku mako.

SAMUEL 2 22:3

Ki Tuhan in naonda bo poḷoḷukadan inta moropot tampat pogogadopanku. Ki Allahku in naonda bo buḷud batu, tampat pononiunganku. Naonda bo kaḻeaw in Sia mogoḻingoi kon inakó, bo moḷukad kon inakó sinbá umuran mosaḷamat.

SAMUEL 2 22:47

Ki Tuhan in nobiag! Dinayo-dayowdon in mototuḷungku! Poḷantudon in ki Allah, mopoposaḷamatku!

SAMUEL 2 22:51

Ki Allah in nobogoi in kauntungan moḷoben kon datu inta dinuí-Nea, Sia in umuranbí motabi kon intau inta piniḻí-Nea, ki Daud bo buínea in umur mononoi.

SAMUEL 2 7:24

Bangusa in Israel aindon binaḻí-Mu umat-Mu tontaní kinoouputbí in dunia, bo Iko o Tuhan, in nobaḻí Allah monia.

SAMUEL 2 7:5

“Bayá bo potaau kon i Daud mogogundoi-Ku in koyow-Ku tanaa, ‘Umpaka dá ikobí in moposindog in baḷoi kon i-Nakó.

DATU MITA IMITÁNEA 8:13

Tanaa in pinosindogkudon kon ini-Mu in baḷoi inta mogaga, inta pogutunan-Mu mononoi.”

DATU MITA IMITÁNEA 8:27

Tongá, o Allah, totuu degá kon Iko in mogutun kon butá naa? Umpaka ḷangit inta námai tua in kobanat bo kooḷadnea yo diábí tugatan kon ini-Mu, apapa doman baḷoi inta pinosindogku tanaa!

TAWARIKH 1 16:14

Ki Tuhan in Allah naton, kaputusan-Nea in popoaid kon sinangkub in dunia.

MAZMUR 109:1

Kon i itoi in mododondong. Mazmur i Daud. O Allah inta tantúku dayowon, dikabí kaasí tongá kibio-biómai.

MAZMUR 118:14

Ki Tuhan in pangkoi in ropotku bo kinoibo-ibogku, Sia in noposaḷamatdon kon inakó.

MAZMUR 118:21

Akuoi in modayow kon ini-Mu, sin Iko in notubagdon kon sambayangku; pinountung-Mudon in akuoi.

MAZMUR 118:28

Iko in ki Allahku, akuoi in mopoyaput in sukur kon ini-Mu. Allahku, akuoi in mopoḷantud kon ini-Mu.

MAZMUR 132:5

kon dodai in diápa moposadia in baḷoi kon i Allah i Yakub, pogogutunan i Tuhan Inta Totok in moropot.”

MAZMUR 140:7

O Tuhan, gumanku: Ikobí in ki Allahku, indongogaipa kaasí in sambayang oigumku.

MAZMUR 145:1

Dodayow nongkon i Daud. Akuoi in moibog mopoḷantud kon ini-Mu, o Allahku bo Datuku, bo modayow kon ini-Mu modapot in mononoi.

MAZMUR 18:46

Barani monia in noinggamádon; nourot in mosia bo iḻumuai nongkon poḷoḷukadan monia.

MAZMUR 22:10

Ikobí inta nopoḷuai kon inakó nongkon bobuḷadían, bo noodom kon dodai in sinompunuk i ináku.

MAZMUR 22:3

O Allahku, akuoi in nokuani kon tungkuḷ in singgai, táe Iko in tantúbi kibio-biómai. Akuoi in nosambayang doḷom, ginaku diá doman moodom.

MAZMUR 27:1

Mazmur i Daud. Ki Tuhan in sindarku bo kasaḷamatanku, diábí in koondokku. Ki Tuhan in nobaḻí benteng pogogadopanku, diábí in akuoi mourot.

MAZMUR 28:8

Ki Tuhan in nobogoi in ropot kon umat-Nea, Sia in noduḷu bo noposaḷamat kon datu inta piniḻí-Nea.

MAZMUR 30:1

Mazmur i Daud. Dondong pongimpaḷutan kon baḷoi i Allah.

MAZMUR 34:3

Akuoi in moibog yumunggagá sin oaidan i Tuhan; igumon mako kodongogan in intau inta dinorot bo moḷunganga in ginanea.

MAZMUR 48:14

Taridiai in dindingnea, pirikisadon in bentengnea, sinbá motaau in moiko mongonguman kon buímu:

MAZMUR 59:17

Táe akuoi in mopodondong in ropot-Mu; pomuḷoi in doḷo-doḷom moḷangon in dondongku mopodondong in tabi bo kososatia-Mu. Sin Ikobí in pososingayowanku, pononiunganku kon dodai in mosusa.

MAZMUR 68:20

Dayowdon in ki Tuhan, sin Siabí in ki Allah inta noposaḷamat kon inaton; pomuḷoi in singgai momotaan in Sia kon dodiaan naton.

MAZMUR 99:5

Poḷantudon in ki Tuhan Allah naton, dokódon kon tayowon in pomomarentaan-Nea. Mokudusbí in Sia!

MAZMUR 99:9

Poḷantudon in ki Tuhan Allah naton, bo sumbadon in Sia kon buḷud-Nea inta motusi, sin mokudusbí in ki Tuhan Allah naton.

IḶUAIAN 14:13

Ki Musa in noguman, “Dika moondok! Korigonon in gina! Ontongonbí monimu onu in aidan i Tuhan sin moposaḷamat kon i monimu. Intau in Mesir inta inontong monimu tanaa, diá bidon ontongon bui monimu.

IḶUAIAN 3:6

Akuoi naa ki Allah in mogoguyangmu, ki Allah i Abraham, i Ishak bo i Yakub.” Dá ki Musa in nogoḻingoi kon pogotnea, sin moondok in sia moindoi kon i Allah.

IḶUAIAN 4:22

Bo pogumandon kon i datu tatua kon Akuoi, ki Tuhan, nongoyow nanaa: ‘Israel in ki adí-Ku inta guya-guyang,

IḶUAIAN 40:34

Onda intua noikoḷubungdon monag in goḷom tatua kon Ḷoḷaigan i Tuhan, bo Ḷoḷaigan tatua nobayagdon totok sin ki Tuhan namangoi.

IḶUAIAN 6:7

Moiko in diaan-Ku mayá in butá inta pinodandi-Ku takin nongibot kon i Abraham, kon i Ishak bo kon i Yakub; butá tatua in ogoi-Ku kon inimu mobaḻí kapunyaanmu tontaní. Akuoi naa in ki Tuhan.”

YESAYA 12:2

Totuu, ki Allah tua in mopoposaḷamatku, akuoi in mopirisaya kon i-Nia. Akuoi in diábí moondok, sin Sia in moginropot kon inakó. Mopoposaḷamatku in ki Allah, Kon i-Nia in popoyaputanku in dondong.

YESAYA 25:1

Tuhan, Ikobí in ki Allahku, poḷantudonku in Iko bo dayowonku in tangoi-Mu. Sin oaidan-Mu mita totok in mokoherang; Nongkon dungkuḷmai Iko in nonomayá, bo umuran mosatia in Iko in nogaid kon tua.

YESAYA 45:17

Táe Israel in pinosaḷamat i Tuhan; kasaḷamatannea in motantúbí. Moiko in diábí pokopooyáanmai bo singkuḻeon modapot in mononoi.’ ”

YESAYA 49:6

Ki Tuhan in noguman kon inakó, “Oaidan inta moḷobe-ḷoben in mogoḷat mako kon inimu, ei mogogundoi-Ku; iko in diábí tongá mopobui in ki agat in buí i Yakub bo mopoguḻit kon koḷoḷoben in suku mita in Israel, táe baḻíon-Ku doman bayag in bangusa mita, sinbá sinangkub in dunia posaḷamaton.”

YESAYA 66:1

Ki Tuhan in noguman, “Ḷangit in ḷoḻitúan-Ku pomarentaan, bo butá in tosindogan-Ku. Dá baḷoibí naonda in posindogonmu kon i-Nakó, bo tampat onu in pomiaanmu sin pogutunan-Ku?

YEREMIA 3:23

Diábí in mangaḻenea kami in noyotakin nosumba kon berhala mita kon tudu mita in buḷud! Totuḷung kon umat in Israel in tongábí mamangoi nongkon i Tuhan Allah nami.

YEREMIA 31:33

Naa in dodandian mobagu inta bain pomiaan-Ku takin umat in Israel: Hukum-Ku mita in tagúon-Ku kon bonu in gina monia, bo paison-Ku kon gina monia. Akuoi in mobaḻí Allah monia, bo mosia in mobaḻí umat-Ku.

YEREMIA 32:38

Mosia in mobaḻí umat-Ku bo Akuoi in mobaḻí Allah monia.

HABAKUK 3:13

Iko in minayá inumuna sin mopoḷuat kon umat-Mu bo moposaḷamat kon datu inta piniḻí-Mu. Binout-Mu nodapot in noḷabú in itoi in intau moraat, nodait-Mu iyompat in bayongan dumoduduinea.

ZAKHARIA 13:9

Tongádon 1/3 nea in mosaḷamat. Bo mosia tua in potusion-Ku naonda bo saḷaka inta pinomurni in tuḷú. Mosia in ujion-Kubí naonda bo intau moguji kon buḷawan. Bo mosia in mosambayang kon i-Nakó, bo tubagan-Ku in mosia. Akuoi in moguman kon i monia kon mosia in umat-Ku, bo akúon doman monia kon Akuoibí in ki Tuhan Allah monia.”

LUKAS 1:77

Bo iko in mopotaau kon umat-Nea, kon mosia in posaḷamaton i Allah aka taḷá mita monia bo ampungan-Neadon.

LUKAS 2:30

Sin mataku tontaní inta ain nokoontong kon mopoposaḷamat inta nongkon ini-Mu.

YOHANES 4:22

Moiko intau in Samaria mosumba kon i inta diá kinotaauan monimu, táe aka kami intau in Yahudi nosumba kon i-Nia inta kinotaauan nami, sin kasaḷamatan in namangoi nongkon intau in Yahudi.

YOHANES 5:23

Pinomia i Amá intua sinbá bayongan in intau mohoromat kon i Adí ná mosia in mohoromat kon i Amá. Intau inta diá mohoromat kon Adí in diábí doman mohoromat kon i Amá inta nopotabá mangoi kon i Adí.

OUMAN IN RASUL MITA 4:12

Diábí in kasaḷamatan kon ibanea mako koḻikudbí in kon i Yesus tontaní, sin kon dunia naa in diábí in intau ibanea in inogoian i Allah in kawasa moposaḷamat kon i naton.”

KORINTUS 2 5:19

Kami nopotaau kon ki Kristus in binaḻí bidon i Allah tonsigad sinbá intau in motaaudon mamangoi moyodame takin-Nea. Tua komintan inaidan i Allah sin diá bidon pinononggina-Nea mako in bayongan taḷá inta ain inaidan in intau kon i-Nia. Bo Siabí doman tua in nobogoi in oaidan kon inami mopoyaput in habar mita tatua.

EPESUS 2:22

Popisí in nobiag notobatú i Kristus, dá moiko doman in koyogot posindogon moyotakin in intau mita ibanea, mobaḻí tobatú baḷoi kon i Allah; inta pogutunan in Roho-Nea.

ULANGAN 10:21

Dayowdon in Sia sin Sia in ki Allahmu. Moikodon tontaní in nokoontong kon onu in pinomia-Nea inta motoyang bo mokoondok inta pinomia-Nea sin motuḷung kon i monimu.

PILIPI 2:11

Bo akúonbí monia komintan kon ki Yesus Kristus tua in Tuhanbí; takin natua dá ki Allah, ki Amá naton in pinomuliadon.

PILIPI 4:13

Kawasa inta inogoi i Kristus kon inakó umuran mobogoi in ropot kon inakó in tumayow kon kaadaan noyagi-yagimai.

KOLOSE 2:9

Sin bayongan in onu inta oyúon kon i Allah in tuadon komintan kon i Kristus, inta kon bonu in kaadaan-Nea saḷaku intau.

WAHYU 15:3

Bo mosia in nopodondong in dondong i Musa, mogogundoi i Allah, bo dondong i Adí in Domba. Nanaa in dondong tatua, “Tuhan, Allah Inta Totok in Mokawasa, totuu moḷoben bo mokoherang in bayongan inta inaidan-Mu! Datu in bayongan bangusa, totuu moadil bo mobanar in bayongan oaid-Mu!

WAHYU 19:1

Nopaḷut mako kon tua, akuoi in nokodongog kon naonda bo giow in intau mobayong inta nongkon soroga, noguman, “Dayowdon in ki Allah! Ki Allah naton inta mopoposaḷamat; Sia in Allah inta Moḷoben bo Mokawasa!

HAKIM MITA 5:21

Ongkag in Kison noḷunud noḷoben noḷomot kon musung. Pomaju, pomajudon takin kotorindog, ei ginaku!