IḶUAIAN 15:11 - Alkitab Singog In Mongondow Masa In Tanaa

¹¹ Ilahbí mita kon onda in mokoḻimonik kon ini-Mu, o Tuhan Inta Momulia bo motusi? Ki Ine in mokoaid kon inta mokoherang mita bo oaidan moḷoben ná inaidan i Tuhan?

IḶUAIAN 15:11 ပူးပေါင်းရင်းမြစ်များ

SAMUEL 2 7:22

Iko in totu-totuubí kon mokawasa, o Tuhan Allah! Tongábí Iko in Allah, diábí in notongkai-Mu. Kinotaauanbí nami intua sin ain pinotaau nongkon tungkuḷpabí intua.

DATU MITA IMITÁNEA 8:23

bodongka nosambayang, “Tuhan, Allah in Israel! Kon ḷangit andeka kon butá diábí in ná Iko! Iko in nogintotuu kon dandi-Mu bo nopoontong in tabi-Mu kon umat-Mu inta mosatia bo motoindudui takin ḻimbatú in gina kon ini-Mu.

TAWARIKH 1 16:25

Sin moḷobenbí in ki Tuhan bo dinayow totok; Sia in mustibí koondok moiḻiu kon bayongan in dewa.

TAWARIKH 2 2:5

Ibogonku sinbá Baḷoi Tuhan inta bain posindogonku tatua mobaḻí baḷoi inta momulia, sin ki Allah nami in momuli-mulia nongkon ilah mita inta taondaka.

TAWARIKH 2 6:14

“Tuhan, Allah in Israel! Kon ḷangit andeka kon butá diábí in ná Iko! Iko in nogintompod kon dandi-Mu bo nopoontong in tabi-Mu kon umat-Mu inta mosatia bo motoindudui takin ḻimbatú in gina kon ini-Mu.

MAZMUR 113:5

Ki ine in ná ki Tuhan Allah naton? Sia in nomarenta kon tampat moḷantud.

MAZMUR 119:120

Akuoi in mourot popisí in moondok kon ini-Mu, ginaku in moondok kon atorang-Mu.

MAZMUR 136:4

Tongábí Sia in mogaid kon inta mokoherang mita moḷoben; tabi-Nea in umuran mononoi.

MAZMUR 145:17

Ki Tuhan in moadil kon bayongan onu in oaidan-Nea bo nopuḻing in tabi kon bayongan in aid-Nea.

MAZMUR 22:23

Aid-Mu in oumanonkubí kon i utatku mita; kon bonu in poyodungkuḷan in umat-Mu akuoi in modayow kon ini-Mu.

MAZMUR 35:10

Takin ḻimbatú in gina akuoi in moguman, “Tuhan, diábí in motaau popotongkaian kon ini-Mu! Iko in nopoḷuat kon inta moyangkó nongkon i inta moropot, inta nobogá bo nororiga nongkon i inta nondorot kon inia.”

MAZMUR 60:2

kon tungkuḷ in sia nomarang kon in Aram-Mesopotamia bo intau in Aram-Zoba, bo kon dodai in ki Yoab nobui bo nonaḷow kon 12.000 in intau in Edom kon Ḷopá in Asin.

MAZMUR 66:5

Angoidon bo indoiaidon in aid i Allah, totuu mokotongaw in bayongan inta inaidan-Nea kon sigad in intau!

MAZMUR 77:11

Bo akuoi in noguman, “Naabí in mokonakit kon ginaku, kon ki Inta Totok in moḷantud diádon nongawasa bui.”

MAZMUR 77:14

O Allah, bayongan in aid-Mu in motusi, ki inebí in ná koḷoben i Allah nami?

MAZMUR 77:19

Gotup mondoradá, kilat in moburiang mako, butá modandú bo mourot.

MAZMUR 86:10

Sin Iko in motorindog bo nogaid kon inta mokoherang mita, tongábí Iko in Allah.

MAZMUR 86:8

O Tuhan, diábí in ilah in ná Iko, diábí in nokoaid kon ná inta inaidan-Mu.

MAZMUR 89:18

Iko in nopountung kon inami nádomai tua, popisíbí in kopopia-Mu tua dá nountung in kami.

MAZMUR 90:11

Ki ine in nonotaau kon kototoyang in torú-Mu, andeka nomangaḻe kon bungai in torú-Mu?

IḶUAIAN 18:11

Naa in kinotaauankudon kon ki Tuhanbí in mokawa-kawasa nongkon bayongan ilah, sin tua komintan inaidan-Nea kon dodai intau in Mesir dinumodiadon totok kon intau mita Israel.”

IḶUAIAN 20:3

Dika mosumba kon ilah mita ibanea. Tongá Akuoi in sumbáan.

IḶUAIAN 3:20

Táe Akuoi mopomakébí in kawasa-Ku, bo mohukum kon Mesir takin mopoangoi in bayongan inta mokoondok kon tua. Mopaḷut mako in tua, ogoineadon in moiko mobuat nongkon tua.

IḶUAIAN 8:10

Tubag i datu tatua, “Sambayangaidon akuoi in ikoḷom.” Guman i Musa, “Aidankubí onu in poigumon i Tuangku. Dá kotaauandon i Tuangku kon diábí in ki Allah ibanea ná ki Tuhan, ki Allah nami.

IḶUAIAN 8:6

Dá ki Harun nopotonggó domandon in tungkudnea kon tombutung in bayongan tubig, bo noitukatdon in tumpaḷak mita nomuḻing kon bayongan butá tatua.

IḶUAIAN 9:14

Sin tanaa Akuoi in mopoangoidon bui in bodito inta deemandon tongá kon pogawai mita bo rayat, táe kon inimu domandon, sinbá kotaauanmu kon diábí in mokoḻiu monik kon i-Nakó in kon dunia naa.

YESAYA 30:11

Bayádon, bo pongin daḷandon ibanea. Dika ponuyayow kon inami in Allah mokudus in Israel.”

YESAYA 40:18

Dá ki ine in popotongkaianmu kon i Allah? Ki ine in inanggapmu notombatangan-Nea?

YESAYA 40:25

Ki ine in inanggapmu notombatangan i Allah Inta Totok in mokudus? Ki ine i popotongkaianmu kon i-Nia?

YESAYA 46:9

Toropdon in inta nongobaḻí dungkuḷmai; Akudon kon Akuoi in Allah, bo diábí in ibanea mako, Akuoi in Allah, bo diábí in ná Akuoi.

YESAYA 57:15

Sin nanaa in guman i Allah, Inta Totok in moḷantud bo mokudus, inta nongawasa modapot in mononoi, “Akuoi in nogutun kon tampat inta moḷantud bo inta motusi, táe kon yua-yuakbí doman in intau mita inta moompá in dodia bo inta nomanasaḷ in nogaid kon dosanea mita, sin mopoguḻí bui kon ibog bo kamang monia.

YESAYA 6:3

Mosia in nosigumanan tobatú bo tobatú: “Kudus, kudus, kudus. Mokudusdon in ki Tuhan Inta Totok in mokawasa. Butá nopuḻing in kinoangoian-Nea inta momulia.”

YEREMIA 10:16

Ki Allah i Yakub in diábí notongkai in berhala mita tatua; Sia in momomaḻí kon bayongan in yagi-yagi. Tangoi-Nea in ki Tuhan Inta Totok in mokawasa; Sia in nomiḻídon kon Israel nobaḻí umat-Nea.

YEREMIA 49:19

Naonda bo singa inta noitukat magí nongkon kayuon moromon kon diug in Ongkag in Yordan bo namangoi in rawang pinopokaanan kon domba, natuata in Akuoi mamangoi bo baḻíon-Ku in intau in Edom baḷú moḷagui nongkon butá monia. Bo piḻíon-Ku in itoi tobatú sin momarenta kon bangusa tatua. Ki ine degá in motaau potongkaion kon i-Nakó? Ki ine in mokobaḻí mopelekara takin-Ku? Degá oyúon in itoi in motaau moḷawang kon i-Nakó?

IMAMAT 19:2

mopotaau kon bangusa Israel in parenta tanaa, “Moiko in musti motusi, sin Akuoi ki Tuhan Allahmu in motusi.

MIKHA 7:18

Diábí in Allah ná Iko, o Tuhan, inta mongampung kon dosa in umat inta piniḻí-Mu inta ki agatneapa. Diábí modapot in mononoi tumorú in Iko; táe, mopiabí in gina-Mu in moponiata in tabi-Mu inta diá in obotnea tatua.

LUKAS 12:5

Naa in poguman-Kudon kon i monimu mongo ki ine in musti koondok monimu. Kotoguondokbí kon i Allah! Sin aka Sia yo mopaḷut mako moḻimod, yo oyúon doman in kawasa-Nea mopogarab kon bonu in naraka! Popirisayadon, Siabí tua in musti koondok monimu.

ULANGAN 1:30

Ki Tuhan Allah in modiabí kon i monimu bo moposaḷamat kon i monimu ná inta ain inontong monimu tontaní kon Mesir

ULANGAN 3:24

O Tuhan inta Totuu Moḷantud, kinotaauanku kon onu inta pinoontong-Mu kon inakó naa in tongápabí pomangkoian in bayongan oaidan-Mu mita inta moḷoben bo mokoherang. Diábí in toḻindua in Tuhan in kon ḷangit ande kon butá inta ná Iko inta mokoaid kon inta motoyang.

ULANGAN 33:26

“Ei Israel! Diábí in ilah ná ki Allahmu; Sia in minayá kon ḷangit diá in poḻiuan bo nongin goḷom sin motuḷung kon i monimu.

ULANGAN 4:34

Dodai in onda in oyúon in ilah tobatú inta nobarani nogamá kon bangusa tobatú nongkon bangusa mita inta oyúon bodongka binaḻí umatnea tontaní, ná inta inaidan i Tuhan Allahmu kon inimu kon Mesir? Inontongdon monimu tontaní naonda in ki Allah takin ropot inta moḷoben nopoangoi in bodito bo parang, nomia kon inta mokoherang mita bo nomia kon soaḷ mita inta motoyang totok.

WAHYU 13:4

Mosia in nosumba kon naga tatua, sin sia in nobogoi in kawasa kon mahaḷuk tatua. Mosia in nosumba doman kon mahaḷuk tatua takin noguman, “Diábí in notongkai mahaḷuk tanaa! Diábí in monahang in tumayow moparang takinnea naa!”

WAHYU 15:4

Ki inebí in diá moondok kon ini-Mu, Tuhan? Ki inebí in doí mopotaau in kamuliaan-Mu? Tongábí Iko i motusi. Bayongan in bangusa mamangoibí mosumba kon ini-Mu sin aid-Mu mita inta moadil ain inontong in bayongan intau.”

WAHYU 4:8

Mahaḷuk opat tatua komintan onom in koḻikipnea, kon ḻibunea bo kon dotá in bonunea nopuḻing in mata. Doḷom singgai mahaḷuk mita tatua diá mogoga-gogai in modondong nanaa: “Kudus, kudus, mokudusdon in ki Tuhan, Allah Inta Totok Mokawasa; inta oyúon, inta koyongandon oyúon, bo inta umuranbí oyúon.”

SAMUEL 1 2:2

Diábí inta motusi ná ki Tuhan! Tongábí Sia in pononiungan.