IḶUAIAN 14:8 - Alkitab Singog In Mongondow Masa In Tanaa

⁸ Totuubí kon pinopotontogatdon i Tuhan in gina, nodapot in inaḷowanneadon in intau mita Israel inta kon bonu in binayáan monaḷá kon butá in Mesir takin koḷuka-ḷukad i Tuhan.

IḶUAIAN 14:8 ပူးပေါင်းရင်းမြစ်များ

MAZMUR 105:43

Dá inatod-Nea in umat-Nea takin pia in gina, intau mita inta piniḻí-Nea takin giow sanang in gina.

MAZMUR 86:13

Sin Iko in tantúbí notabi kon inakó takin tabi moḷoben; Iko in noposaḷamatdon kon nyawaku nongkon bubú in poḷoḷobongan.

IḶUAIAN 10:27

Pinopotontogatpa doman i Tuhan gina i datu sahingga diá doman inogoinea minayá in bangusa Israel.

IḶUAIAN 13:16

Kabiasaan tatua musti mobaḻí tompoingat kon i naton naonda bo tomponuot inta pinopotogot kon ḻima ande kon pogot naton. Pongin natua kita umuran poponoropan kon ki Tuhan ain nopoḷuai kon i naton nongkon Mesir takin kawasa inta moḷoben.”

IḶUAIAN 13:18

Tuamai ki Allah in nodia kon i monia nongin daḷan inta noḻibu nongin padang gurun nopobayá in Dagat in Gelagah. Kon dodai in nonaḷámai kon Mesir, intau mita Israel tatua nodia kon abit naonda bo mayá moparang.

IḶUAIAN 13:9

Porayaan tanaa nobaḻí tompoingat kon inimu ná tomponuot inta pinopotogot kon ḻima ande kon pogotmu. Porayaan tanaa moponorop kon i monimu sinbá umuran moposingog bo monotaau kon hukum mita i Tuhan, sin ki Tuhan nopoḷuaidon kon i monimu nongkon Mesir takin kawasa-Nea inta moḷoben.

IḶUAIAN 14:17

Potogaton-Ku in gina Intau in Mesir bá umuran aḷowan monia in intau in Israel, bo poontong-Kudon in kawasa-Ku kon i datu in Mesir, kon tontaranea, kon keretanea mita bo mododianea.

IḶUAIAN 14:4

Baḻíon-Ku in sia motogat in gina sinbá aḷowanneadon in moiko. Táe poontong-Kudon in kawasa-Ku kon i datu in Mesir bo tontaranea mita, bá kotaauandon monia kon Akuoi naa in ki Tuhan.” Bo inaidandon intau in Israel onu inta ain pinarenta i Tuhan kon i monia.

IḶUAIAN 14:7

Sia in nobuat takin bayongan kereta parangnea, noitakin domandon in 600 in kereta inta totok in motompiḻí, inta dinia in porwiranea mita.

IḶUAIAN 15:9

Musung noguman, ‘Mosia in aḷowanku bo domokon, rabutonku in pitow, bo rataanku in mosia. Bo bayongan kaoyúonan monia agowonku, sila-silaionku bo pakéonku modapot in moorop.’

IḶUAIAN 4:21

Ki Tuhan noguman kon i Musa, “Akuoi ain nobogoi in kawasa kon inimu mogaid kon inta mokoherang mita. Dá aka iko mobuidon kon Mesir, yo aidaidon in bayongan inta mokoherang tatua kon tayowon i datu Mesir. Táe baḻíon-Kubí in sia motontogat in gina, dapot in diábí ogoinea in bangusa tatua mayá.

IḶUAIAN 6:1

Ki Allah in noguman kon i Musa, kai-Nia, “Akuoi naa in ki Tuhan.

IḶUAIAN 9:12

Táe ki Tuhan nopotontogat doman in gina i datu, bo ná doman inta ain pinoguman i Tuhan, datu in doíbí mopandungmai kon tosingogon i Musa bo i Harun.

OMBAḶ 3:65

Kutukdon in mosia, bo biódon mako in mosia in mobiag kon bonu in diádon in kamang.

IMAMAT 26:13

Akuoi, ki Tuhan Allahmu, inta nodia kon i monimu iḻumuai nongkon butá in Mesir sinbá moiko in diádon mobaḻí ata bui. Kawasa inta mondorot kon i monimu pinutoḷan-Kudon, bo moiko in binaḻí-Kudon intau inta noiḷuat kon roriga.”

PINOGIAPAN 33:3

Bangusa Israel nonaḷámai kon Mesir kon singgai impuḷú bo ḻima buḷan imitánea, tosinggai kon naonda in nopaḷut mako in Paska inta muna-munamai. Kon bonu in totuḷung i Tuhan mosia nonaḷámai kon kotá in Rameses, koonto-ontong in bangusa Mesir,

OUMAN IN RASUL MITA 13:17

Ki Allahbí in intau Israel inta nomiḻí kon mogoguyang naton bo inta nobogoi in buí mobayong kon i naton sahingga in nobaḻí bangusa inta moḷoben wakutu in nogutunpa kon Mesir in mosia saḷaku mokokiangoi. Onda intua takin kawasa moḷoben ki Allah nopoḷuai kon i monia nongkon butá in Mesir tatua.

ULANGAN 26:8

Takin kawasa bo ropot inta moḷoben Iko nopoḷuai kon i nami nongkon Mesir. Iko nogaid kon mujizat mita bo inta mokoherang mita poḷat nopomuká in aid mita inta nokodoḻiok kon musung.

ULANGAN 32:27

Táe doíbí in Akuoi aka musung in Israel dumodia; dika-dika bo moitaḷá mosangka bo moguman kon mosia in nonaḷow kon umat-Ku,’ bokaka Akuoibí in nogaid kon tua.

YOSUA 11:20

Binaḻí i Tuhan in mosia motontogat in gina bo momarang kon intau in Israel, sinbá mosia yopúon, bo ḻimodon takin diá in ampung podudui in parenta i Tuhan kon i Musa.

HAKIM MITA 4:7

Bain baḻíon-Ku in ki Sisera, panglima in parang i Yabin tua, mamangoi kon i monimu kon Ongkag in Kison takin tontaranea bo kereta mita in parangnea sin momarang kon i monimu. Táe popountung-Kubí in moiko kon poparangan tatua.’ ”