IḶUAIAN 14:16 - Alkitab Singog In Mongondow Masa In Tanaa

¹⁶ Sintak in tungkudmu bo potundú kon dagat. Dá tubig in mosilai doyowa bo intau Israel motaau maya-mayá kon yuaknea inta ain noingkag.

IḶUAIAN 14:16 ပူးပေါင်းရင်းမြစ်များ

DATU MITA 2 4:29

Ki Elisa in nobobui kon i Gehazi bo noguman, “Koḻikat! Gamá in tungkudku bo ḷagidon bayá kon baḷoi i iná tanaa. Dikadon mogogai bo momahasa kon i ineka in moyodungkuḷmu kon daḷan. Aka oyúon in intau momahasa kon inimu yo dikadon mokopoonggot in motubag kon tua. Naonda in yaputmu, ukatdon in tungkudku kon awak in adí tatua.”

IḶUAIAN 14:15

Guman i Tuhan kon i Musa, “Nongonu sin iko in mokuanibí mokituḷung? Potabádon intau Israel mongingguput kon bobayáan monia!

IḶUAIAN 14:26

Guman i Tuhan kon i Musa, “Potundúdon in ḻimamu kon dagat, dá tubig in buidon moyobui, bo moḷomot kon intau mita in Mesir, kon kereta mita bo mododianea.”

IḶUAIAN 17:5

Guman i Tuhan kon i Musa, “Oinídon in tongonumai itoi intau Israel bo bayádon poyotakin monia umuna kon bangusa tatua. Dia doman in tungkud inta pinakému pinomobak kon Ongkag in Nil.

IḶUAIAN 17:6

Akuoi in simindog kon tayowonmu kon tudu in batu moḷoben tobatú kon Buḷud in Sinai. Porotdon in batu tatua, dá tubig in ḷumuai bo intau mita motaaudon monginum.” Inaidan i Musa in natua koonto-ontong in itoi mita Israel.

IḶUAIAN 4:17

Diadon in tungkud tatua, iko in mogaidbí kon onu mita inta mokoherang takin mopomaké in tungkud tatua.”

IḶUAIAN 4:2

Ki Tuhan in noḻibó kon i Musa, “Onu in kokada-kadaimu nion?” Tubag i Musa, “Tungkud”.

IḶUAIAN 4:20

Dá ki Musa in nonongganut kon i buḷoinea bo kon i adínea mita bo pinotakoineadon in mosia kon keledai bodongka nobuat takin i monia minayá in Mesir. Podudui in parenta i Allah, ki Musa in nodia doman kon tungkudnea.

IḶUAIAN 7:19

Ki Tuhan noguman kon i Musa, “Potabádon in ki Harun mogamá kon tungkudnea bo potonggó kon bayongan tubig in Mesir, kon got mita bo kon tabang mita inta kon butá in Mesir. Tubignea in mobaḻídon dugú, bo kon bayongan butá tatua in komintandon oyúon dugú, nodapot in tubig mita kon bonu in pononionan mita kon tubig inta pinomia nongkon kayu bo tampayang mita inta nongkon batu.”

IḶUAIAN 7:9

“Aka datu mopoigum kon i monimu mogaid kon ki inta mokoherang mobaḻí bukti, yo potabádon ki Harun mogamá kon tungkudnea bo mopogarab in tungkud tatua kon butá kon tayowon i datu. Tungkud tatua in mobaḷuibí mobaḻí uḷag.”

YESAYA 10:26

Akuoi Ki Tuhan Inta Totok in mokawasa, in mosambokbí kon i monia in sambok uwoi, ná Akuoi nosambok kon intau in Midian kon Buḷud in batu Oreb. Asyur in hukumon-Kubí, ná Akuoi nohukum kon Mesir.

HABAKUK 3:8

O Tuhan, popisí degá in dagat bo sinumorú in Iko? Ongkag mita degá in nokopopisí kon ini-Mu sinumorú? Sinakoian-Mu in goḷom naonda bo kabaḷo bo kereta in parang, kon dodai in umat-Mu pinountung-Mu.

PINOGIAPAN 20:11

Bo ki Musa notonggó kon tungkud tatua bo nomorot kon buḷud batu tatua kodua. Dá noiroputdon magí in tubig norogot totok, dá bayongan intau bo bobiagon nonginumdon kon tua.

YOSUA 8:18

Onda intua ki Tuhan noguman kon i Yosua, “Tonggó in tungkudmu bo popotundú kon Ai; kotá tatua in ogoi-Kudon kon inimu in tanaa mako.” Inaidan i Yosua onu in pinarenta i Tuhan kon inia.