IḶUAIAN 14:11 - Alkitab Singog In Mongondow Masa In Tanaa

¹¹ Guman monia kon i Musa, “Eta degá diá in poḷobongan kon Mesir, dá diniamu mangoi kon naa in kami sinbá matoi kon tampat tanaa? Indoiaika bungai in oaidanmu tatua!

IḶUAIAN 14:11 ပူးပေါင်းရင်းမြစ်များ

KINOBAḺIAN 43:6

Guman i Yakub, “Nongonu sin moiko in mokoposusabímai kon inakó takin minayá bo noguman kon intau tatua kon oyúonpa in ki ai-ai monimu?”

IḶUAIAN 13:17

Naonda in datu in Mesir nobogoidon kon bangusa Israel minayá, ki Allah in diábí nodia kon i monia sinumaḻib nongin daḷan inta moitaḻib kon butá intau in Pilistin, umpaka tua in daḷan inta totok in modiug. Ki Allah in norai nanaa, “Dika-dikabo intau mita tatua momanasaḷ aka mosia in musti moyogintayow in parang modapot in mosia mobui mayá in Mesir.”

IḶUAIAN 32:1

Kon tungkuḷ in noonggotdon in pinogoḷatan mako in bangusa Israel kon i Musa mosiḻig nongkon buḷud tatua, sin dodai intua sia umuranpabí kon tudu in buḷud tatua, dá mosia in namangoi kon i Harun bo noguman, “Diádon kinotaauan naton mongo onu in nobaḻí kon i Musa, intau inta ain nodia kon i naton iḻumuai nongkon Mesir; dá pomiaaidon in kami kon ilah inta modia kon inami.”

IḶUAIAN 5:21

Dá mandor mita tatua in noguman, “Kinotaauanbí i Tuhan in oaidmu nion! Hukumondon i Tuhan in moiko! Popisídon in moiko dá kami in kinodoídon i datu bo pogawainea, dapot in mosia moḻimodon kon inami.”

IḶUAIAN 5:22

Bo ki Musa minayá kon tayowon i Tuhan bui bo noguman, “Tuhan, nongonu sin bangusa Israel pomiaan-Mubí námai tua in kororaatnea? Nongonu sin pinotabá-Mubí mangoi kon naa in akuoi?

PINOGIAPAN 11:1

Kon singgai tobatú bangusa tatua momangkoidon mogamui kon i Tuhan sin yoyiga mita monia. Nokodongogmai kon amui mita tatua, ki Tuhan sinumorú bo nopouma in tuḷú kon i monia. Tuḷú tatua iḷumekep nopobayá kon i monia bo nomokak kon tosilai in ḷoḷaigan monia.

PINOGIAPAN 11:15

Aka umuran nanaa in pomiaan i Tuhan kon inakó, yo ampungaidon kaasí in akuoi; bo maníka ḷagidon akuoi ḻimod sinbá diádon in akuoi momotaan kon yoyiga ná tanaa.”

PINOGIAPAN 14:22

tongá kon sigad in intau mita tanaa diádon tobatúmai in mosia in mobiagpa bo motaau tumuot kon butá inta pinodandi-Ku kon mogoguyang monia. Sin mosia in diá motoindudui kon i-Nakó, bo umuran monungkuḷ kon i-Nakó. Bokaka mosia ain nokoontong kon sindar nongkon i-Nakó, bo inta mokoherang mita inta pinomia-Ku kon Mesir bo kon padang gurun.

PINOGIAPAN 16:41

Nopoikoḷomai kon singgai bayongan umat in Israel kitoru-torúmai kon i Musa bo kon i Harun. Mosia nosingog, “Moiko ain noḻimod kon umat i Tuhan.”