IḶUAIAN 13:9 - Alkitab Singog In Mongondow Masa In Tanaa

⁹ Porayaan tanaa nobaḻí tompoingat kon inimu ná tomponuot inta pinopotogot kon ḻima ande kon pogotmu. Porayaan tanaa moponorop kon i monimu sinbá umuran moposingog bo monotaau kon hukum mita i Tuhan, sin ki Tuhan nopoḷuaidon kon i monimu nongkon Mesir takin kawasa-Nea inta moḷoben.

IḶUAIAN 13:9 ပူးပေါင်းရင်းမြစ်များ

NEHEMIA 1:10

Tuhan, kami naa in mogogundoi-Mu mita, umat-Mu tontaní inta pinosaḷamat-Mu pinongin kawasa bo ropot-Mu inta motoyang.

MAZMUR 136:11

Israel in inatod-Nea iḻumuai nongkon Mesir; tabi-Nea in umuran mononoi;

MAZMUR 136:12

pinongin ḻima inta moropot bo motorindog; tabi-Nea in umuran mononoi.

MAZMUR 89:13

Ikobí in nomaḻí kon utuan bo toḷatan, Buḷud in Tabor bo Hermon moronggiow kon ini-Mu.

IḶUAIAN 12:14

Singgai tatua musti toropon monimu mobaḻí singgai moḷoben kon i Tuhan. Bo singgai tatua musti umuran toropon monimu poḷat baḻíon monimu singgai moḷoben muḷoi in taong.”

IḶUAIAN 12:41

Kon singgai imbuit in taong 430 tua, bayongan umat i Tuhan nonaḷámaidon kon butá in Mesir.

IḶUAIAN 13:14

Aka kon singgai moiduduimai ki adímu moḻibó onu in mangaḻe in tua komintan, yo nanaa in pototubag monimu, ‘Takin kawasa inta moḷoben, ki Tuhan nodia kon i naton iḻumuai nongkon butá in Mesir, tampat pinononggataan kon i naton.

IḶUAIAN 13:16

Kabiasaan tatua musti mobaḻí tompoingat kon i naton naonda bo tomponuot inta pinopotogot kon ḻima ande kon pogot naton. Pongin natua kita umuran poponoropan kon ki Tuhan ain nopoḷuai kon i naton nongkon Mesir takin kawasa inta moḷoben.”

IḶUAIAN 13:3

Ki Musa noguman kon bangusa Israel, “Kon singgai naa ki Tuhan nopoḷuatdon kon i monimu takin kawasa-Nea inta moḷoben, nodapot in moiko nokoḷuaidon nongkon Mesir, tampat pinononggataan kon i monimu. Tuamai, tanobdon in singgai tanaa. Donaaidon mokaan kon roti inta iragian.

IḶUAIAN 3:20

Táe Akuoi mopomakébí in kawasa-Ku, bo mohukum kon Mesir takin mopoangoi in bayongan inta mokoondok kon tua. Mopaḷut mako in tua, ogoineadon in moiko mobuat nongkon tua.

IḶUAIAN 7:4

Tuamai Akuoi in mobogoi in hukuman mobogat kon Mesir, onda intua diaan-Kudon bayongan in bangusa Israel, umat-Ku, ḷumuai nongkon butá tatua.

AMSAL 1:9

sin totundú mita monia in mokodugang kon kopopia in dodiamu naonda bo ḷambá in uḷu bo boboḷ inta mokodugang kon koḷoḷunatmu.

AMSAL 3:21

Tuamai, kadaidon kon hikmat bo kon pororai inta modaḷom, adíku! Dika mokoimontanmai in umukat kon inia,

AMSAL 7:23

topiḻikpa bo piot in moiḷambai kon poatnea. Naonda bo ḷagapan inta iḷumayug nopobayá in poyogaḷap, natuata in tayow mobiag tatua diá nonotaau kon nyawanea tua in mopobayádon in popatoi.

DONDONG MOḶANTUD 8:6

Baḻídon in akuoi batoḷ in dodobmu, dikabí mokoyot kon i ineka koḻikudbí in akuoi; sin tabi tua in ná koropot in popatoi, bo ibog in awak mongawasa naonda bo popatoi. Dokotnea naonda bo dokot in tuḷú inta modokot moborambang totok.

YESAYA 27:1

Kon dodai intua ki Tuhan in momakébí in pitow-Nea inta moropot bo moḷanit sin mohukum kon Lewiatan, uḷag inta ḷumandai bo iḻimibo-ḻibod tua, bo moḻimod kon naga in dagat.

YESAYA 40:10

Indoiai, ki Tuhan Allah in namangoi takin kawasa sin mogaid kon oaidan pongin ropot-Nea. Sia in sinakinan in intau mita inta ain pinoḷuat-Nea.

YESAYA 44:5

Mopobatu-batúandon inta mongaku kon Akuoi in kitogi kon inia, bo mamangoi dumugang kon buí i Yakub. Mopobatu-batu in momais kon ḻimanea: Kapunyaan i Tuhan, bo tumangoi noituot kon umat i Allah.”

YESAYA 49:16

Yerusalem, Akuoi in umuranbí mokotorop kon inimu; tangoimu in kinurig-Ku kon paḷad in ḻima-Ku.

YESAYA 51:9

Sindogdon o Tuhan, tuḷungaidon in kami, posaḷamatdon in kami in kawasa-Mu. Sindogdon ná kon tungkuḷ intua kon tungkuḷ in iko nomutuk kon i Rahab bo nonumbuk kon naga in dagat tatua nodapot in minatoi.

YESAYA 59:21

Akuoi in momia kon dodandian takin i monimu: Moiko in ogoian-Ku in kawasa-Ku bo totundú-Ku modapot in mononoi. Tundúdon kon i adímu mita sinbá mosia in motaau doman motundú kon tua kon adí bo ompu tanaa mako modapot in mononoi.”

YEREMIA 22:24

Ki Tuhan in noguman kon i Datu Yoyakhin, ki adí ḷoḷaki i Yoyakin datu in Yohuda, “Podoyon kon i-Nakó, Allah inta nobiag, poguman-Ku kon umpaka iko nion aka kon i-Nakó naonda bo sising meterai kon ḻima koḷanan-Ku, táe iko in rabuton-Kubí

DANIEL 9:15

Oo Tuhan, Allah nami, Iko in nopoontongdon in kawasa-Mu pinongin nodia kon umat-Mu iḻumuai nongkon Mesir, bo kawasa-Mu tatua in umuranpabí toro-toroponmai. Kami in binaradosadon bo nogaid kon noitaḷá.

YOËL 2:11

Singog i Tuhan naonda bo gotup, nobogoi in tomponuot, kon tontaranea inta moparang. Totuu modamaḷ in tontaranea! Totuu moropot in tontara inta nopobayá in parenta-Nea! Totuu mokoondok bo motoyang in Singgai i Tuhan! Diá tobatúmai in intau in mokotongod kon koangoian in singgai i Tuhan tatua.

PINOGIAPAN 15:39

Ḷambe-ḷambé mita in nobaḻí tompoingat: Pomuḷoi in moiko mokoontong kon tua, kotoropan monimu in bayongan parenta-Ku bo dumudui. Bo popisí intua diábí in moiko mokoḻiong kon i-Nakó sin dumudui kon ibogmu tontaní.

MATIUS 23:5

Onu inta inaidan monia in tangábí popoontong kon intau. Mosia in momaké in tali moḷoben inta pakéonmai mosambayang bo inta rumbainea mongoḷanggó mita!

SURAT I PAULUS KON JAMAAT RUM 10:8

Nanaa in makusudnea, “Habar inta nongkon i Allah tua in nodiug totok kon inimu, kon bibig bo kon bonu in ginamu.” Tuata in habar inta pinoyaput magí-mako nami; habar kon intau in musti mopirisaya.

ULANGAN 30:14

Dika moḻibó natua, sin parenta tatua nodiugdon kon inimu. Kinotaauandon monimu bo kinohapalan bidon monimu, dá dongka bidon mopoaid.

ULANGAN 5:15

Toropdon kon moiko in koḻipod in sinonggata doman kon Mesir, bo pinoḷuat i Tuhan Allahmu takin ropot inta moḷoben. Tuamai moiko parentaan-Ku sinbá morame kon singgai in Sabat.

ULANGAN 6:21

Dá musti tubagan monimu nanaa, ‘Koḻipod in kita nobaḻí ata i datu in Mesir, bo ki Tuhan in nopoḷuat kon i naton takin ropot inta moḷoben.

ULANGAN 6:6

Dika mokoimontanmai in mokoḻiong kon parenta mita inta inogoiku kon i monimu singgai in naa.

ULANGAN 6:8

Popobogot kon kokaḷmu bo popopaké kon pogotmu sin toro-toropon.

WAHYU 18:8

Popisí in soaḷ tatuata, dá kon bonu in tosinggai tua sia koantugan in bodito – takit, kuyang in gina, bo malarat in kaanon. Bo sia in pokakon in tuḷu. Sin mokawasabí in ki Tuhan Allah inta mohakim kon inia tua.”