IḶUAIAN 13:2 - Alkitab Singog In Mongondow Masa In Tanaa

² “Posumbadon in bayongan adí ḷoḷaki inta guya-guyang kon i-Nakó. Bayongan in adí ḷoḷaki guya-guyang Israel, bo bayongan in bobiagon koḷakian inta muna pinogadí, tua in Akuoi in kitogi.”

IḶUAIAN 13:2 ပူးပေါင်းရင်းမြစ်များ

NEHEMIA 10:36

Kami in modiabí kon adí nami ḷoḷaki inta guya-guyang kon imang mita inta kon Baḷoi Tuhan sin posarakan kon i Allah, podudui in atorang in hukum. Kami in mobogoi doman in ki adí in sapi, ki adí in domba andeka ki adí in bembé nami inta dungkuḷ totok pinononggadí.

NEHEMIA 10:37

Kami in mogatod doman kon imang mita kon Baḷoi Tuhan in pomiaan kukis nongkon gandum inta muna-munamai kinoyut pomuḷoi in taong, bo sosumba doman mita ibanea ná anggur, ḷana in zaitun bo bayongan in ayop. Sosumba mopuḷú noporosen nongkon bungai in boyó kon gobá nami in diaan nami kon intau mita in Lewi inta nogamá kon sosumba mita mopuḷú noporosen kon kotá mita inta monononggobá.

IḶUAIAN 13:1

Ki Tuhan noguman kon i Musa,

IḶUAIAN 22:28

Dika mogodi-godimai kon i Allah bo kon itoi in bangusamu.

IḶUAIAN 23:19

Pomuḷoi in taong moiko in musti modia mangoi kon baḷoi i Tuhan Allahmu in gandum inta muna-munamai iratab monimu. Tapú in adí in domba ande tapú in adí in bembé diábí motaau poyodungúon takin tubig in teté i inánea.”

IḶUAIAN 4:22

Bo pogumandon kon i datu tatua kon Akuoi, ki Tuhan, nongoyow nanaa: ‘Israel in ki adí-Ku inta guya-guyang,

YEHEZKIEL 16:20

Onda intua pinosumbamu in ki adí mita naton, ḷoḷaki bo bobay, nobaḻí kuruban kon berhala mita. Diápa doman degá tugat in diá kotoinduduimu kon i-Nakó?

YEHEZKIEL 16:21

Musti doman degá gamáanmu in ki adí-Ku mita bo mopokuruban kon i monia kon berhala mita?

IMAMAT 27:26

Biag inta muna pinogadí in mobaḻíbí kapunyaan i Tuhan, dá diábí motaau posumba mobaḻí kuruban ibog tontaní. Adí in sapi, adí in domba ande adí in bembé inta muna pinogadí in kapunyaanbí i Tuhan.

PINOGIAPAN 18:15

Bayongan inta muna pinononggadí kon sigad in intau andeka bobiagon inta pinosumba in intau Israel kon i-Nakó, tua in nobaḻí silaimu. Táe musti tobuton monimu in adímu mita inta guya-guyang, bo adí mita in bobiagon inta haram inta pinogadí muna.

PINOGIAPAN 3:12

“Tanaa in intau mita in Lewi piniḻí-Ku nobaḻí Akuoi in kitogi. Kon tungkuḷ nodait-Ku iḻimod in adí guya-guyang in bangusa Mesir, sinondí-Kudon kon i-Nakó in bayongan adí guya-guyang ḷoḷaki in bangusa Israel bo bayongan in bobiagon monia inta pinogadí muna. Tua komintan in Akuoibí in kitogi. Nobaḻí toḻiu in adí ḷoḷaki guya-guyang in intau Israel, dá ginamá-Kudon intau in Lewi; mosia in mobaḻí kapunyaan-Ku. Akuoi in ki Tuhan.”

LUKAS 2:23

Sin oyúon pinais kon bonu in hukum i Tuhan, nanaa, “Komintan adí ḷoḷaki guya-guyang mustibí posarakan kon i Tuhan.”

ULANGAN 15:19

“Adí in sapi bo bembé domba koḷakian inta muna pinogadí mustibí posumba kon i Tuhan Allahmu. Sapi tatua in diábí motaau in pakéon pomajeko, bo domba in diábí motaau in gonsingan.

IBRANI 12:23

Moiko in sinumakin kon tobatú pinoyodungkuḷan inta morame totok – pinoyodungkuḷan in adí mita guya-guyang i Allah, inta pinaisdon in tangoi monia kon bonu in soroga. Moiko in namangoi sinumayow kon i Allah hakim in bayongan intau naa. Moiko in sinumayow kon roho mita intau mopia inta ain sinompurna.