IḶUAIAN 12:8 - Alkitab Singog In Mongondow Masa In Tanaa

⁸ Doḷom doman tuata tapúnea musti angagon bo kaanon takin kuyat pait bo roti diá iragian.

IḶUAIAN 12:8 ပူးပေါင်းရင်းမြစ်များ

TAWARIKH 2 35:13

Bo intau mita in Lewi nogangag kon kuruban in Paska tatua kon tudu in tuḷú podudui in atorang, bo notuon kon kuruban mita inta ain sinantú kon bonu in kawaḻi, dandang bo kuyon, onda intua tapúnea in ḷagidon sinilai kon intau mita.

MAZMUR 22:14

Mosia in sinumayow kon inakó takin bibig monia noibukádon mako, naonda bo singa inta noganggor bo modomok.

IḶUAIAN 1:14

bo kobobiag intau Israel pinosagedon totok monia. Mosia in pinakisa totok mogaid kon oaidan mita moposindog in bangunan bo mogaid doman kon gobá mita takin diádon in totabi monia.

IḶUAIAN 12:9

Ki adí in domba tatua musti angagon komintan, takin uḷu, sioḷ bo bonu in siannea. Kaandon in tapú inta ain inangag tatua, donaai kaanon diá moḷutú ande tuonon.

IḶUAIAN 13:3

Ki Musa noguman kon bangusa Israel, “Kon singgai naa ki Tuhan nopoḷuatdon kon i monimu takin kawasa-Nea inta moḷoben, nodapot in moiko nokoḷuaidon nongkon Mesir, tampat pinononggataan kon i monimu. Tuamai, tanobdon in singgai tanaa. Donaaidon mokaan kon roti inta iragian.

IḶUAIAN 13:7

Kon bonu in pitu nosinggai moiko diá motaau mokaan kon roti inta iragian, bo kon bayongan in butámu diábí motaau oyúon in ragi ande onukadon inta iragian.

IḶUAIAN 23:18

Donaai moposumba in roti inta iragian kon dodai in moiko mopokuruban in bobiagon monimu kon i-Nakó. Ḷongó in biag inta pinokuruban monimu kon i-Nakó kon dodai in porayaan mita tatua diábí motaau in taḷaan modapot in mobangon monik.

IḶUAIAN 34:25

Kon tungkuḷ in moiko moposumba in biag iratá, dika moposumba in onuka inta pinomia nomaké in ragi. Biag inta iratá inta pakéon pokuruban kon porayaan Paska musti kodaiton doḷom doman tua; diá motaau in tonggagatan dapot in mobangon monik.

YESAYA 53:10

Ibogbí i Tuhan sia in kotugatan in roriga, bo moposarakan in kobiagan nobaḻí kuruban potobut kon dosa. Dá moumur in kobiagannea bo mokoontong kon buínea pongin inia ibog i Tuhan in koaidan.

AMOS 4:5

Kumudungdon in moposumba in roti saḷaku sukurmu kon i-Nakó, bo kumudungdong in umambungangaḷ kon moiko in nodugangdon nodia kon sosumba! Notantú bidon kon tuata in kinoibog monimu aidan!

ZAKHARIA 12:10

Onda intua buí i Daud takin intau mita inta nogutun kon Yerusalem ogoian-Kudon in gina inta kototabi bo moibog mosambayang. Mosia in imindoibí kon inia inta ain sinumbuk monia bo ombaḷan monia naonda bo intau mongombaḷ kon kinopatoian i adínea tuḷong. Mosia in mongombaḷbí imibo-ibog, naonda bo intau inta ain kinobuḻian i adínea guya-guyang.

MATIUS 16:12

Bain tua bo kinomangaḻean monia kon deemanbí makusud-Nea sinbá mokopoingat kon ragi in roti, táe mokopoingatbí kon onu inta sinundú in intau in Parisi bo Saduki.

MATIUS 26:26

Bo kon dodai in mosia koyogot nongaan ki Yesus in nogamá kon roti bo nomarakat poḷat binonsi-bonsig bo inogoi kon murí-Nea mita, bo noguman: “Gamádon bo kaandon, naa in awak-Ku.”

GALATIA 5:9

Nanaa kain singog in intau, “Ragi topiḻik nokokutad kon bayongan topong inta pomiaan kukis.”

ULANGAN 16:7

Tuondon in ponoyá tatua bo kaan kon tampat inta ain piniḻí i Tuhan Allahmu, bo pobuidon kon baḷoimu mobangon monik doḷo-doḷom.

TESALONIKA 1 1:6

Moiko in dinumuduidon kon onu inta inontong monimu inaidan nami bo inta inaidan i Tuhan. Umpaka moiko nobiag nororiga sin pinogutú totok in intau ibanea, táe Habar Mopia inta pinoyaput nami kon i monimu in sinarimabí monimu takin sanang in gina. Sanang in gina tatua in Rohobí i Allah in nobogoi.