IḶUAIAN 12:7 - Alkitab Singog In Mongondow Masa In Tanaa

⁷ Dugúnea topiḻik in musti poḻepo kon oigi in ḷoḻingkop doyowa bo kon ngara kon dotá in ḻimonik kon baḷoi tampat pinongaanan monia.

IḶUAIAN 12:7 ပူးပေါင်းရင်းမြစ်များ

DATU MITA IMITÁNEA 6:31

Kon ngara tumuot kon bonu in Yuang Totok in Motusi tatua pinakéan in ḷoḻingkop doyowa noḷosi inta nongkon kayu zaitun. Ngara tatua dotá in ḻimonikannea in pinomia noboyuk notonggoruit kon yua-yuaknea.

IḶUAIAN 12:13

Dugú inta kon ḷoḻingkop in baḷoimu, tua in mobaḻí tomponuot kon baḷoi mita inta pinogutunanmu. Aka Akuoi mokoontong kon dugú tatua, moiko in taḻiban-Ku bo diábí yopúon-Ku kon dodai in Akuoi mohukum kon Mesir.

YEHEZKIEL 9:4

“Bayádon kon bayongan in siku in kotá bo tomboréaidon in pogot in batúan in intau inta mokorasa kon moajar in gina bo mosusa popisí in bayongan in oaid mokorongó inta inaidan kon kotá tatua.”

EPESUS 1:7

Ki Kristus in minatoidon sin mopobebas kon i naton bo mongampung kon bayongan dosa.

ULANGAN 11:20

Paisdon kon oigi in ḷoḻingkop in baḷoimu bo kon ngara moḷobenmu.

IBRANI 10:14

Dá kuruban tobatú tatua inta inaidan i Kristus noposompurnadon kon intau mita inta ain dinaritan nongkon dosa.

IBRANI 10:29

Táe umpaka natua, hukumanbí kon intau inta moritak kon i Adí i Allah in moboga-bogat, bo kon i monia doman inta nonganggap nohina in dugú dodandian i Allah, dugú inta pinodoyon kon kinopatoian i Kristus sin nondarit kon inia nongkon dosanea mita. Sia in nohojat doman kon Roho inta mobogoi in totabi.

IBRANI 11:28

Popisí in nopirisaya, dá ki Musa in nomia doman kon Paska bo nokipisik doman in dugú kon ḷoḻingkop mita in baḷoi in intau Israel sinbá diá ḻimodon in Malaekat Maut in ki adí mita monia guya-guyang.

IBRANI 9:22

Aka podudui kon hukum in agama Yahudi, yo gogió bayongan in yagi-yagi daritanbí in dugú, bo dosa mita in motaau ampungan táe musti dugúon.