IḶUAIAN 12:41 - Alkitab Singog In Mongondow Masa In Tanaa

⁴¹ Kon singgai imbuit in taong 430 tua, bayongan umat i Tuhan nonaḷámaidon kon butá in Mesir.

IḶUAIAN 12:41 ပူးပေါင်းရင်းမြစ်များ

KINOBAḺIAN 50:24

Gumannea kon i utatnea mita, “Wakutuku matoi nodiugdon, táe ki Allah pastibí kon umuranbí moḷukad kon i monimu bo modia kon i monimu ḷumuai nongkon butá tanaa, bo mayá in butá inta ain pinodandi-Nea takin nongibot kon i Abraham, kon i Ishak bo kon i Yakub.”

DATU MITA IMITÁNEA 6:1

Ki Salomo nomangkoi noposindog in Baḷoi Tuhan kon buḷan Ziw, tuata in buḷan nogindua, kon taong noginggopat kon pinomarentaannea, 480 notaong naonda in bangusa in Israel nonaḷámai kon Mesir.

TAWARIKH 2 14:12

Bo ki Asa takin tontara in Yohuda minayá nonubu kon tontara in Sudan. Ki Tuhan nonaḷow kon tontara in Sudan dá noḷaguidon in mosia.

MAZMUR 102:13

Táe Iko, o Tuhan, Datu inta mononoi, táe umuran sinorop dapot in adí bo ompu monag.

MAZMUR 114:1

Kon tungkuḷ in Israel iḻumuai nongkon Mesir, kon dodai in buí i Yakub nonaḷámai kon butá in intau,

MAZMUR 136:11

Israel in inatod-Nea iḻumuai nongkon Mesir; tabi-Nea in umuran mononoi;

IḶUAIAN 12:17

Kon singgai tatua bayongan in bangusamu diaan-Ku ḷumuai nongkon Mesir. Tuamai modapot kon i adí bo ompumu, muḷoi in taong, singgai tatua musti baḻíon monimu singgai moḷoben.

IḶUAIAN 12:51

Kon singgai tatua ki Tuhan nodia kon bayongan umat Israel iḻumuai nongkon Mesir.

IḶUAIAN 13:14

Aka kon singgai moiduduimai ki adímu moḻibó onu in mangaḻe in tua komintan, yo nanaa in pototubag monimu, ‘Takin kawasa inta moḷoben, ki Tuhan nodia kon i naton iḻumuai nongkon butá in Mesir, tampat pinononggataan kon i naton.

IḶUAIAN 13:16

Kabiasaan tatua musti mobaḻí tompoingat kon i naton naonda bo tomponuot inta pinopotogot kon ḻima ande kon pogot naton. Pongin natua kita umuran poponoropan kon ki Tuhan ain nopoḷuai kon i naton nongkon Mesir takin kawasa inta moḷoben.”

IḶUAIAN 13:3

Ki Musa noguman kon bangusa Israel, “Kon singgai naa ki Tuhan nopoḷuatdon kon i monimu takin kawasa-Nea inta moḷoben, nodapot in moiko nokoḷuaidon nongkon Mesir, tampat pinononggataan kon i monimu. Tuamai, tanobdon in singgai tanaa. Donaaidon mokaan kon roti inta iragian.

IḶUAIAN 13:9

Porayaan tanaa nobaḻí tompoingat kon inimu ná tomponuot inta pinopotogot kon ḻima ande kon pogotmu. Porayaan tanaa moponorop kon i monimu sinbá umuran moposingog bo monotaau kon hukum mita i Tuhan, sin ki Tuhan nopoḷuaidon kon i monimu nongkon Mesir takin kawasa-Nea inta moḷoben.

IḶUAIAN 3:10

Tanaa iko in potabá-Kudon mayá kon tayowon i datu in Mesir sinbá iko in motaau modia kon bangusa-Ku ḷumuai nongkon butá tatua.”

IḶUAIAN 3:8

Tuamai moponag in Akuoi sin mayá mopoḷuat kon i monia nongkon kawasa intau in Mesir bo modia kon i monia ḷumuai nongkon butá tatua mopobayá in butá tobatú inta moḷuas. Butánea nooyúon bo mopia totok, tanaa mako pinogutunan in bangusa Kanaan, bangusa in Het, Amori, Peris, Hewi bo Yebus.

IḶUAIAN 6:26

Taya dua minayá kon tayowon i datu in Mesir sinbá sia mopoḷuatdon kon intau israel.

IḶUAIAN 6:6

Moiko in baḻíon-Ku umat-Ku, bo Akuoi in mobaḻí ki Allahmu. Dá kotaauandon monimu kon Akuoi naa in ki Tuhan, Allahmu, inta nopoḷuat kon i monimu nongkon pinononggataan kon Mesir.

IḶUAIAN 7:4

Tuamai Akuoi in mobogoi in hukuman mobogat kon Mesir, onda intua diaan-Kudon bayongan in bangusa Israel, umat-Ku, ḷumuai nongkon butá tatua.

DANIEL 9:24

Pitu pokali kon pitu nopuḷú notaong in sempo inta ain sinantú i Allah sin mopoḷuat kon bangusamu bo kotámu inta motusi tatua nongkon dosa bo aid moraat. Bayongan in dosa in ampunganbí bo kooadil inta mononoi in posindogonbí, dá oontongon bo toḻindap tatua in moniatadon, bo Baḷoi Tuhan inta motusi tatua in posumba bui kon i Tuhan.

IMAMAT 23:43

sinbá buímu monotaau kon ki Tuhan nopotabá kon bangusa Israel mogutun kon bonu in pondok mita, kon wakutu in Akuoi nodia kon i monia iḻumuai nongkon Mesir. Sia tuata in ki Tuhan Allahmu.

HABAKUK 2:3

Paisdon intua, sin deemanpabí orasnea in naa. Táe oras tatua in ḷagi bidon moiangoi, bo onu inta poponiata-Ku kon inimu in notantú bidon kon mobaḻíbí. Umpaka koontongan in ná moonggotpa, táe oḷatdon mako! Oras tatua in notantúbí kon moiangoibí bo diá bidon pampingon.

PINOGIAPAN 23:22

Ki Allah in nodia kon i monia iḻumuai nongkon Mesir; naonda bo bantong kaḻig Sia in noparang sin motuḷung kon i monia.

PINOGIAPAN 33:1

Naonda in bangusa Israel nonaḷámai kon Mesir, kon pipidan podudui in suku bangusa monia kon bonu in tongganut i Musa bo i Harun, mosia nongandu-ngandup mako kon tongonumai in tampat.

YOHANES 7:8

Bayádon tontaní in moiko kon poramean tatua. Akuoi in diápabí mayá, sin deemanpabí wakutu-Ku.”

OUMAN IN RASUL MITA 1:7

Ki Yesus in notubag, “Diábí paraḷu kotaauanmu in sempo andeka wakutunea, sin tua in ki Amá-Kubí in monantú podudui in kawasa-Nea.

OUMAN IN RASUL MITA 7:36

Ki Musabí tuata inta nodia kon bangusa in Israel iḻumuai nongkon Mesir takin nogaid kon soaḷ mita inta totok in mokoherang bo soaḷ mita inta diá in poḻiuan kon Mesir, bo kon Dagat Nopuya bo kon padang gurun kon bonu in opat nopuḷú notaong.

ULANGAN 16:1

“Rayaaidon in Paska kon buḷan Abib sin mohoromat kon i Tuhan Allahmu, sin kon bonu in buḷan tatua, kon dodai in doḷom, Sia in nopoḷuai kon i monimu nongkon Mesir.

ULANGAN 4:37

Popisí in motabi in Sia kon mogoguyangmu, dá moiko aindon piniḻí-Nea; takin kawasa-Nea inta moḷoben moiko dinia-Neadon iḻumuai nongkon Mesir.

YOSUA 24:5

Onda intua Akuoi nopotabá kon i Musa bo kon i Harun, bo nopoḷabú in bodito moḷoben kon butá in Mesir, bo pinoḷuai-Ku in moiko nongkon tua.

YOSUA 5:14

“Deemanbí yobayat, bo deemanbí doman musung,” tubag in intau tatua. “Akuoi namangoi in naa saḷaku Itoi in tontara i Tuhan.” Naonda in nokodongogmai kon tua, ki Yosua baḷú sinumungkud nosumba kon intau tatua. Ki Yosua noguman, “Akuoi naa in mogogundoi i Tuang. Onu in motaau aidanku kon i Tuang?”