IḶUAIAN 12:3 - Alkitab Singog In Mongondow Masa In Tanaa

³ Potaaudon in parenta tanaa kon bayongan bangusa Israel: Kon tanggal mopuḷú buḷan tanaa, intau mita ḷoḷaki in musti moratá kon ki adí in domba tobatú sin kaanon moyotakin in intau kon bonu in baḷoi.

IḶUAIAN 12:3 ပူးပေါင်းရင်းမြစ်များ

KINOBAḺIAN 22:8

Ki Abraham in notubag, “Ki Allahbí in moposadia in tua.” Bo taya dua in nogingguputdon kon bobayáan.

KINOBAḺIAN 4:4

Bo ki Habel in nogamá doman kon ki adí in dombanea inta guya-guyang, iratánea bodongka pinosumbanea kon i Tuhan in onu inta totok in nopira. Nopia in gina i Tuhan kon i Habel takin sosumbanea tatua,

TAWARIKH 2 35:7

Sinbá intau mita inta moiangoi kon poramean kon Paska tatua motaaudon moposumba in kuruban Paska, ki Datu Yosia in nobogoi in bobiagonnea tontaní in 30.000 in domba, ki adí in domba, bo bembé batánea, bo 3.000 in sapi koḷakian.

IḶUAIAN 12:2

“Buḷan tanaa nobaḻí buḷan dungkuḷ kon batúan taong.

IḶUAIAN 12:21

Ki Musa nogoiní kon bayongan itoi intau Israel bo noguman kon i monia, “Bayádon bo pogamá kon tonsilai in tombonu in baḷoimu ki adí in domba tobatú sin pakéon kon porayaan Paska.

IḶUAIAN 12:4

Aka tombonu in baḷoi tua moyakag dapot in diádon mokodait kon ki adí in domba tobatú, dá mosia tua takin topodiugmai inta totok in modagin in motaaudon moyotakin mokaan kon ki adí in domba tatua. Ki adí in domba tatua musti silaion podudui in kobayong in intau inta mokaan.

IḶUAIAN 12:6

Biag tatua in tagúonpa monimu kon tua dapot in tanggal mopuḷú bo opat. Kon singgai tatua, moḷolabungmai bayongan umat Israel musti moratá kon ki adí in domba tatua.

IḶUAIAN 14:15

Guman i Tuhan kon i Musa, “Nongonu sin iko in mokuanibí mokituḷung? Potabádon intau Israel mongingguput kon bobayáan monia!

IḶUAIAN 20:19

Guman monia kon i Musa, “Ikodon tontaní in moguman kon inami, kami in mokidongogbí; táe donaaidon ki Allah in moguman kon inami, sin matoi in kami.”

IḶUAIAN 4:30

Ki Harun nopotaau kon i monia in bayongan inta pinoguman i Tuhan kon i Musa, bo ki Musa in nogaid kon bayongan inta mokoherang kon tayowon intau mita tatua.

IḶUAIAN 6:6

Moiko in baḻíon-Ku umat-Ku, bo Akuoi in mobaḻí ki Allahmu. Dá kotaauandon monimu kon Akuoi naa in ki Tuhan, Allahmu, inta nopoḷuat kon i monimu nongkon pinononggataan kon Mesir.

YEHEZKIEL 40:1

Kon singgai impuḷúnea kon buḷan imitánea, kon taong indoyowa nopuḷú bo ḻima kon pinoḷumbúan kon inami, mopuḷú bo opat notaong naonda in Yerusalem sinaḷow, kawasa i Tuhan in nongawasa kon inakó, bo dinia-Nea in akuoi minayá.

IMAMAT 1:2

inta musti duduian in intau Israel. Aka intau tobatú moposumba in biag mobaḻí kuruban inta tubáan kon i Tuhan, sia in motaaubí moposumba in sapi, domba ande bembénea.

IMAMAT 5:6

Bo inta mobaḻí tontobut in dosanea tatua, dá sia in musti modia kon domba tobatú ande bembé kobaayan sin ogoi kon i Tuhan. Bo ki imang in musti moposumba in kuruban tatua sinbá ampungandon in dosa intau tatua.

PINOGIAPAN 15:11

Tuata in posumba poyotakinon in batúan in sapi koḷakian, domba koḷakian, domba andeka bembé.

YOHANES 1:29

Nopoikoḷomai kon singgai, indoianmai Yohanes ki Yesus namangoi kon inia. Bo ki Yohanes in noguman, “Indoiai, tuata in ki Adí in Domba i Allah inta momopat kon dosa in dunia.

YOHANES 1:36

Naonda inontongnea in ki Yesus noitaḻib, Sia in noguman: “Indoiai! Tuata in Adí Domba i Allah.”

YOHANES 12:1

Onompa nosinggai kon poramean kon Singgai Moḷoben in Paska, ki Yesus in minayá in Betania. Ḻipú inta pinogutunan i Lazarus, inta ain biniag bui i Yesus nongkon kinopatoiannea.

YOHANES 12:12

Nopoikoḷomai kon singgai intau moantó inta ain namangoi sin morame kon Singgai Moḷoben Paska in nokodongogdon kon ki Yesus niondon kon daḷan mopoangoi in Yerusalem.

KORINTUS 1 5:7

Ḷumbúpa muna in ragi inta ain nokoyongan, ná inta oaid diá mopia, sinbá mopia in nanam in kukis tatua, diá noyobaui in ragi inta nokoyongandon, tuata in aid inta diá mopia inta umuran aidan monimu koḻipod, sin kinotaauankubí kon natuata in moiko. Tuamai mobasadiadon in kita morame kon singgai in Paska, bo ki Kristus inta nobaḻí domba in Paska naton aindon pinokuruban.

YOSUA 7:14

Tuamai, Yosua, potaaudon kon i monia kon ikoḷom doḷo-doḷom mosia in tokopirikisaan kon batúan in suku. Aka tundúon-Ku in suku tobatú, dá bayongan inanakan kon bonu in suku tatua musti mamangoi in muna tumongo inanakan. Bo aka Akuoi motundú kon toinanakan, dá bayongan motoḷuadí kon inanakan tatua mamangoi in muna tumongo motoḷuadí. Bo aka Akuoi motundú kon motoḷuadí tobatú, dá kon batúandon intau in mamangoi.

WAHYU 13:8

Mahaḷuk tatua sumbáanbí in bayongan intau inta nobiag kon dunia naa. Intau mita inta diápa kinopaisan in tangoi monia kon bonu in buk kobiagan inta kapunyaan i Adí in Domba inta ain iratá, pinangkoipamai kon dunia naa diápa pinomia.

SAMUEL 1 7:9

Tuamai in ki Samuel noratá kon ki adí in domba inta batáneapa, bodongka pinosumba nobaḻí sosumba payongon kon i Tuhan. Nopaḷut mako kon tua nosambayang in sia nopoigum sinbá ki Tuhan in motuḷung kon intau in Israel, bo inindogogan i Tuhan in sambayangnea tatua.