IḶUAIAN 12:23 - Alkitab Singog In Mongondow Masa In Tanaa

²³ Kon dodai in ki Tuhan modondaḷoi kon butá tanaa sin moḻimod kon intau mita in Mesir, ki Tuhan in mokoontong kon dugú inta kon oigi ḷoḻingkop doyowa bo kon ngara kon dotá in ḻimonik; dá tongá taḻiban-Nea mako natua bo diá ogoi-Nea in Malaekat Maut tumuot kon baḷoimu sin moḻimod kon i monimu.

IḶUAIAN 12:23 ပူးပေါင်းရင်းမြစ်များ

SAMUEL 2 24:16

Malaekat i Tuhan inta nodia kon popatoi tatua ain noiyaput in tampat poḷoḻidokan kon gandum kapunyaan i Arauna, intau in Yebus. Naonda in inontong i Tuhan kon malaekat tatua nosadiadon moyompat kon Yerusalem, ki Tuhan in nomaḷui kon kaputusan-Nea, bo nogogaidon in Sia nohukum kon bangusa tatua. Guman-Nea kon malaekat tatua, “Tugatdon! Pogogaidon!”

AYUB 14:13

Bunidon in akuoi kon bonu in dunia in intau minatoi; oḻiungaidon in akuoi modapot in Iko diádon tumorú bui. Táe tantúdon in wakutu kon monorop kon inakó.

IḶUAIAN 11:4

Ki Musa in noguman kon i datu, “Nanaadon guman i Tuhan, ‘Degá moonggotmai kon doḷom Akuoi in moḻibu kon butá in Mesir.

IḶUAIAN 12:7

Dugúnea topiḻik in musti poḻepo kon oigi in ḷoḻingkop doyowa bo kon ngara kon dotá in ḻimonik kon baḷoi tampat pinongaanan monia.

YESAYA 26:20

Tuotdon kon bonu in baḷoimu, ei bangusaku, bo ḻingkopaidon in ngara. Pogadopdon motoyong modapot in torú i Tuhan mooyongdon.

YESAYA 37:36

Doḷom doman tua malaekat i Tuhan namangoi kon pinononḷoḷaigan in intau in Asyur bo noḻimod kon 185.000 in tontara. Nobangon monik doḷo-doḷom mayat mita monia noiukat magí mako.

YEHEZKIEL 9:4

“Bayádon kon bayongan in siku in kotá bo tomboréaidon in pogot in batúan in intau inta mokorasa kon moajar in gina bo mosusa popisí in bayongan in oaid mokorongó inta inaidan kon kotá tatua.”

YEHEZKIEL 9:6

Ḻimodon bayongan in intau ḷoḷaki bo bobay, noguyang bo noguod, guyanga bo adí mita. Táe dika ḻiaion in tobatúmai in inta ain sinomboréan kon pogotnea. Pangkoidon kon naa, nongkon Baḷoi-Ku tanaa.” Dá nomangkoidon in mosia nopobayá in oaidan monia takin noḻimod kon itoi mita in Israel inta simindog mako kon Baḷoi Tuhan.

KORINTUS 1 10:10

Kita in dikabí umuran mokarana; ná inta inaidan in tongonumai intau kon sigad monimu koḻipod, sahingga in iḻimod in Malaekat inta Momomatoi.

IBRANI 11:28

Popisí in nopirisaya, dá ki Musa in nomia doman kon Paska bo nokipisik doman in dugú kon ḷoḻingkop mita in baḷoi in intau Israel sinbá diá ḻimodon in Malaekat Maut in ki adí mita monia guya-guyang.

IBRANI 12:24

Moiko in namangoi sinumayow kon i Yesus, tonsigad in dodandian inta mobagu tua; moiko in sinumayow kon dugú pinomisik inta nojamin kon soaḷ mita inta mopia-pia nongkon onu inta jinamin in dugú i Habel.

WAHYU 7:3

Malaekat tatua in noguman: “Donaaipa momoguyaat kon butá andeka kon dagat, ande pangkoi mita in kayu aka diápa kinompitan nami in meterai in pogot mita in intau inta ain nogaid kon oaidan mita i Allah naton.”

WAHYU 9:4

Mosia tua in diábí inogoi momoguyaat kon bonok, ande kayu mita, ande pinomuḷa ibanea mako. Táe ogoibí in mosia mogaḷow kon intau mita inta diá kinompitan in meterai i Allah kon pogotnea.