IḶUAIAN 12:14 - Alkitab Singog In Mongondow Masa In Tanaa

¹⁴ Singgai tatua musti toropon monimu mobaḻí singgai moḷoben kon i Tuhan. Bo singgai tatua musti umuran toropon monimu poḷat baḻíon monimu singgai moḷoben muḷoi in taong.”

IḶUAIAN 12:14 ပူးပေါင်းရင်းမြစ်များ

DATU MITA 2 23:21

Onda intua ki Datu Yosia in nomarenta kon rayat moraya kon Paska ná inta pinais kon bonu in buk Dodandian takin i Tuhan. Pinongin natua mosia in mohoromatbí kon i Tuhan, Allah monia.

MAZMUR 111:4

Ki Tuhan tua in motabi bo mopia in gina, Sia in nogaid kon inta mokotongaw mita, sinbá umuran kotoropan naton intua.

MAZMUR 135:13

O Tuhan, Iko in umuranbí potaa-taau mako, bo tangoi-Mu in sinorop in bayongan in buí,

IḶUAIAN 12:17

Kon singgai tatua bayongan in bangusamu diaan-Ku ḷumuai nongkon Mesir. Tuamai modapot kon i adí bo ompumu, muḷoi in taong, singgai tatua musti baḻíon monimu singgai moḷoben.

IḶUAIAN 12:24

Moiko takin ki adímu mita musti motoindudui kon parenta tatua modapot in kopaḷutannea.

IḶUAIAN 12:43

Ki Tuhan noguman kon i Musa bo kon i Harun, “Naadon in atorang Singgai Moḷoben kon Paska. Intau ango-angoi diá motaau mokaan kon tapú in domba inta pinosumba kon singgai in Paska.

IḶUAIAN 12:6

Biag tatua in tagúonpa monimu kon tua dapot in tanggal mopuḷú bo opat. Kon singgai tatua, moḷolabungmai bayongan umat Israel musti moratá kon ki adí in domba tatua.

IḶUAIAN 23:15

Kon bonu in buḷan Abib, podudui in wakutu inta ain sinantú, moiko musti mogaid kon porayaan inta sinangoian Pesta Roti Diá Ragi ná inta ain pinoguman-Ku kon inimu, sin kon buḷan in tatuata moiko nonaḷámai kon Mesir. Donaai mokaan kon roti inta iragian kon bonu in porayaan pitu nosinggai tatua. Kon batúannea in moiko in mamangoi mosumba kon i-Nakó, moiko musti modia kon sosumba.

IḶUAIAN 27:21

Ki Harun bo ki adínea mita musti umuran moindoi kon togá tatua nongkon ḷoḷabungnea dapot in doḷo-doḷom kon tampat inta koangoian-Ku, kon ḷuai in kaeng inta noibambé kon tayowon in Poti Dodandian. Parenta tatua in mobaḻí parenta inta mononoi kon intau in Israel bo kon bayongan in buí monia.”

IḶUAIAN 5:1

Onda intua ki Musa bo ki Harun minayá kon tayowon i datu in Mesir bo noguman, “Nanaa in parenta i Tuhan, ki Allah Israel, ‘Ogoiaidon in kasampatan bangusa-Ku mayá sinbá mosia in motaau moibada kon i-Nakó kon padang gurun.’ ”

YEHEZKIEL 46:14

Koḻikud intua, pomuḷoi in doḷo-doḷom musti moposumba doman in gandum doyowa nokilo bo ḷana in zaitun toliter sin popobauk kon gandum tatua. Tuata in kuruban gandum inta pomuḷoi in singgai musti posumba kon i Tuhan; atorang tatua in pakéon modapot in mononoi.

IMAMAT 23:6

Mobangon monik, kon singgai mopuḷú bo ḻima, momangkoidon in Singgai Moḷoben Roti diá in Ragi, bo kon bonu in pitu nosinggai moiko in diábí motaau mokaan kon roti inta iragian.

ZAKHARIA 6:14

Mahkota tatua in tagúon kon Baḷoi-Ku sin monorop kon i Heldai, kon i Tobia, kon i Yedaya, bo kon i Yosia.

PINOGIAPAN 10:8

Torompet mita tatua musti irupon in imang mita, adí mita i Harun. Tuata in atorang inta musti umuran duduian monimu.

PINOGIAPAN 15:15

Bayongan hukum bo atorang notongkaibí in kon i monimu bo kon intau mita ango-angoi inta nogutun kon sigad monimu, sin moiko bo mosia in notongkaibí kon tayowon i Tuhan. Bo tua in umuranbí pakéon.

PINOGIAPAN 16:40

Tua in nobaḻí tompoingat kon bangusa Israel kon koḻikud in buí i Harun, diábí in tobatúmai in intau motaau mamangoi kon mezbah i Tuhan sin motubá kon dupa posumba kon i Tuhan. Intau inta ḻimimpat kon atorang tatua in yopúonbí ná ki Korah bo dumoduduinea mita. Bayongan tua inaidan pinodudui kon ná inta pinarenta i Tuhan kon i Eleazar pinongin i Musa.

PINOGIAPAN 18:8

Ki Tuhan noguman kon i Harun, “Pokotorop! Bayongan in sosumba inta ain sinantú kon i-Nakó inta diá sinubá yo tua in kon inimu. Tuata in nobaḻí tonsilaimu inta ain sinantú modapot kon adí bo ompu. Tua in ogoi-Ku kon inimu bo kon buímu.

MATIUS 26:13

Poguman-Ku kon i monimu! Kon ondakabí in popotaauan in Habar Mopia tanaa, yo onu inta inaidan in bobay tanaa kotangoianbí doman sinbá kotoropan in sia.”

LUKAS 22:19

Onda intua ki Yesus in nogamá kon roti. Bo naonda in sinambayangan-Nea mako, binonsi-bonsig-Nea in roti tatua bo inogoi kon i monia poḷat noguman, “Naadon in awak-Ku [inta pinosarakan kon i monimu. Aidai doman in naa, saḷaku tanda kon moiko in umuran monorop kon i-Nakó.”

ULANGAN 16:1

“Rayaaidon in Paska kon buḷan Abib sin mohoromat kon i Tuhan Allahmu, sin kon bonu in buḷan tatua, kon dodai in doḷom, Sia in nopoḷuai kon i monimu nongkon Mesir.

ULANGAN 16:11

Kon tayowon i Tuhan Allahmu, kon tampat inta piniḻí-Nea, moiko musti moposanang in gina moyotakin i adímu mita, bobantungmu mita bo intau in Lewi, intau ango-angoi, adí uno-unon bo intau mita inta dongkadon boba-bobay inta nogutun kon kotámu mita.

ULANGAN 6:8

Popobogot kon kokaḷmu bo popopaké kon pogotmu sin toro-toropon.

YOSUA 4:7

dá moiko in musti moguman kon i monia kon tubig in Ongkag in Yordan nobontow kon dodai in Poti Dodandian i Tuhan dinia iḷumoḷan kon ongkag tatua. Batu mita tatua umuran moponorop kon bangusa Israel kon onu inta nobaḻí kon naa.”

SAMUEL 1 30:25

Onda intua soaḷ tatua binaḻí i Daud atorang tobatú, bo dinuduian kon Israel dapot in tanaaya.