IḶUAIAN 12:11 - Alkitab Singog In Mongondow Masa In Tanaa

¹¹ Kon oras in moiko mongaan musti koyongandon nopaḷut nonoḻisí sin mayá, mogi aip in sioḷ bo kokada-kadai in tungkud. Pokoḷamemet in moiko mongaan. Tuata in porayaan Paska sin mohoromat kon i-Nakó, ki Tuhan.

IḶUAIAN 12:11 ပူးပေါင်းရင်းမြစ်များ

DATU MITA 2 23:21

Onda intua ki Datu Yosia in nomarenta kon rayat moraya kon Paska ná inta pinais kon bonu in buk Dodandian takin i Tuhan. Pinongin natua mosia in mohoromatbí kon i Tuhan, Allah monia.

IḶUAIAN 12:13

Dugú inta kon ḷoḻingkop in baḷoimu, tua in mobaḻí tomponuot kon baḷoi mita inta pinogutunanmu. Aka Akuoi mokoontong kon dugú tatua, moiko in taḻiban-Ku bo diábí yopúon-Ku kon dodai in Akuoi mohukum kon Mesir.

IḶUAIAN 12:21

Ki Musa nogoiní kon bayongan itoi intau Israel bo noguman kon i monia, “Bayádon bo pogamá kon tonsilai in tombonu in baḷoimu ki adí in domba tobatú sin pakéon kon porayaan Paska.

IḶUAIAN 12:27

Moiko in musti motubag, ‘Naa in kuruban in Paska sin mohoromat kon i Tuhan, sin baḷoi mita intau Israel kon Mesir sinaḻiban-Nea, kon tungkuḷ in sia noḻimod kon adí mita guya-guyang intau in Mesir, bo kita in pinomayá-Neadon mako in nobiag!’ ” Dá dinumokódon intau mita Israel bo nosumba.

IḶUAIAN 12:43

Ki Tuhan noguman kon i Musa bo kon i Harun, “Naadon in atorang Singgai Moḷoben kon Paska. Intau ango-angoi diá motaau mokaan kon tapú in domba inta pinosumba kon singgai in Paska.

YESAYA 52:12

Moiko in diábí ḻimika-ḻikat in mayá, bo diábí ná intau inta moḷagui. Sin ki Tuhan in modiabí kon i monimu: ki Allah in Israel in mogoḻiungbí kon i monimu nongkon bayongan tampat.

YEHEZKIEL 45:21

Kon singgai impuḷú bo opat kon buḷan imitánea, moiko in mustibí morame kon Bobutungan in Paska. Pitu nosinggai in koonggotnea bayongan in intau in musti mokaan kon roti diá iragian.

IMAMAT 23:5

Singgai Moḷoben Paska inta iramean sin mohoromat kon i Tuhan, pangkoion kon dodai mata in singgai tumoyop kon singgai impuḷú bo opat buḷan noginmitá.

PINOGIAPAN 28:16

Kon singgai impuḷú bo opat buḷan noginmitá, tua in singgai in Paska kon i Tuhan.

PINOGIAPAN 9:1

Kon buḷan imitánea kon taong nogindua naonda in bangusa Israel nonaḷámai kon Mesir, ki Tuhan noguman kon i Musa kon padang gurun Sinai. Guman i Tuhan,

LUKAS 12:35

“Umuran koḷuka-ḷukad in tumayow kon yagi-yagi. Musti umuran koabi-abit bo togámu in tatap poyongkiton,

LUKAS 15:22

Táe ki amánea nogoiní kon simpaḷnea mita bo noguman, ‘Koḻikat! Podiaaipa mangoi kon ḷambung inta totok in nopira bo popopaké kon inia. Popopakéai doman in sising kon gongguyamúnea bo ḷutudai domandon in sapatu.

LUKAS 2:41

Pomuḷoi in taong guyanga i Yesus mayámai in Yerusalem sin porayaan kon singgai moḷoben Paska.

LUKAS 7:38

Koomba-ombaḷ in sia namangoi sinimindog kon diug in sioḷ i Yesus, dá sioḷ i Yesus nobuntad in ḷuánea. Táe kon dodaipa doman tatua sioḷ i Yesus iningkagannea in buoknea tontaní, bodongka inayokannea in sioḷ i Yesus bo binutakkannea in ḷana nobondu inta kodia-dianea tatua.

KORINTUS 1 5:7

Ḷumbúpa muna in ragi inta ain nokoyongan, ná inta oaid diá mopia, sinbá mopia in nanam in kukis tatua, diá noyobaui in ragi inta nokoyongandon, tuata in aid inta diá mopia inta umuran aidan monimu koḻipod, sin kinotaauankubí kon natuata in moiko. Tuamai mobasadiadon in kita morame kon singgai in Paska, bo ki Kristus inta nobaḻí domba in Paska naton aindon pinokuruban.

EPESUS 6:15

Bo ginamu inta mobayag in mopoyaput in Habar Mopia inta mokopoangoi kon kobiagan motompia, tua in baḻídon sapatumu.

ULANGAN 16:1

“Rayaaidon in Paska kon buḷan Abib sin mohoromat kon i Tuhan Allahmu, sin kon bonu in buḷan tatua, kon dodai in doḷom, Sia in nopoḷuai kon i monimu nongkon Mesir.

YOSUA 5:10

Koyogot nononḷoḷaigan kon Gilgal kon rata kon diug in Yerikho, umat Israel noraya kon Paska kon ḷoḷabungnea singgai impuḷú boopat kon buḷan tatua.

PETRUS 1 1:13

Tuamai moiko in musti umuran mobasadia. Pokoingat bo totu-totuu poharap kon barakat inta bain ogoi kon i monimu kon wakutu in ki Yesus Kristus mamangoi bui.