IḶUAIAN 12:10 - Alkitab Singog In Mongondow Masa In Tanaa

¹⁰ Dika taḷaan topiḻikmai in tapú tatua modapot in doḷo-doḷom; aka oyúon in kiagatnea, musti tubáan kopayongon.

IḶUAIAN 12:10 ပူးပေါင်းရင်းမြစ်များ

IḶUAIAN 16:19

Ki Musa in noguman kon i monia, “Ki inekabí diábí motaau motagú kon kaanon tatua tongákabí topiḻik sin kaanon mopoikoḷomai kon singgai.”

IḶUAIAN 23:18

Donaai moposumba in roti inta iragian kon dodai in moiko mopokuruban in bobiagon monimu kon i-Nakó. Ḷongó in biag inta pinokuruban monimu kon i-Nakó kon dodai in porayaan mita tatua diábí motaau in taḷaan modapot in mobangon monik.

IḶUAIAN 29:34

Aka mobangon monik bo oyúonpa in ki agat in ponoyá ande roti tatua, dá kiagatnea tatua musti tubáan modait, bo diábí motaau kaanon, sin ain pinotontaní.

IḶUAIAN 34:25

Kon tungkuḷ in moiko moposumba in biag iratá, dika moposumba in onuka inta pinomia nomaké in ragi. Biag inta iratá inta pakéon pokuruban kon porayaan Paska musti kodaiton doḷom doman tua; diá motaau in tonggagatan dapot in mobangon monik.

IMAMAT 19:6

Tapúnea musti kaanon kon singgai pinoratáan ande mobangon monik. Tapúnea inta ki agatnea nodapot kon singgai nogintoḷu musti daiton tubáan,

IMAMAT 22:30

Kaandon in kuruban tatua kon singgaipa doman tatua, bo dikadon tonggagatanmu dapot kon mobangon monik.

PINOGIAPAN 9:12

Dika tonggagatan in kaanon tatua modapot in mobangon monik, bo dika momutoḷ kon tobatúmai in tuḷan in mahaḷuk inta posumba kon i-Nakó. Rayaaidon in Paska tatua podudui kon bayongan atorangnea.