IḶUAIAN 11:6 - Alkitab Singog In Mongondow Masa In Tanaa

⁶ Kon butá mita in Mesir kodongogandon in amui bo ombaḷ moropot, ná inta diápa dodai onda nobaḻí bo inta diá bidon bui mobaḻí.

IḶUAIAN 11:6 ပူးပေါင်းရင်းမြစ်များ

IḶUAIAN 11:7

Táe aka kon intau Israel, pinomayá intau ande bobiagon diábí tuyayowon. Dá kotaauandon monimu kon Akuoi, ki Tuhan, in mopoyoposibí kon intau in Mesir bo intau in Israel.’ ”

IḶUAIAN 12:30

Doḷom tua ki datu, intau mita inta nokadai kon kawasa bo bayongan intau in Mesir noibangon. Kon bayongan butá in Mesir kinodongogandon in ombaḷ bo amui inta totok in modowawá sin diá tobatúmai in baḷoi in diá kinopatoian adí ḷoḷaki tobatú.

IḶUAIAN 3:7

Bo ki Tuhan noguman, “Inontong-Kudon in roriga in umat-Ku kon Mesir, bo dinongog-Ku domandon in mosia mopoigum sin poḷúat nongkon pinononggataan kon i monia. Ain bidon kinotaauan-Ku in roriga monia.

IḶUAIAN 9:18

Ikoḷom doḷo-doḷom ná tanaa, Poangoi-Kudon in uyan eis inta totok in motoyang, ná inta diápa dodai onda in nobaḻí kon Mesir nongkon koḻipod dapot in tanaa mako.

AMSAL 21:13

Ki ine in doí mokidongog kon amui in intau inta kinodaitan diábí doman pandungonmai aka sia in mopoigum in totuḷung.

YESAYA 15:8

Kon bayongan tampat kon pinosigadan in Moab kodongogan in karak. Amui tua in kodongogan kon Eglaim bo Beer-Elim.

YESAYA 19:16

Moiangoibí in wakutunea bangusa in Mesir mobaḻí naonda bo bobay inta kakag. Mosia in mogugur popisí in moondok aka mokoontong kon i Tuhan Inta Totok in mokawasa motonggó kon ḻima-Nea sin mohukum kon i monia.

YEREMIA 31:15

Ki Tuhan in noguman, “Kon Rama kinodongogan in ombaḷ, bo amui inta takindon in ajar in gina. Ki Rahel in nongombaḷ kon i adínea mita, sia in doíbí ḻipoion sin diádon in mosia.

OMBAḶ 3:8

Akuoi in kinumarak mopoigum in totuḷung, táe ki Allah in doíbí mokidongogmai.

AMOS 5:17

Kon bayongan gobá in anggur, intau in moguangbí popisí in Akuoi in mamangoi bo mohukum kon i monimu. Akuoi, ki Tuhan, ain nosingog.”

ZEPANYA 1:10

“Kon singgai tatua,” natuata in guman i Tuhan, “kodongoganbí in ombaḷ kon Bonawang in Toyá. Singog in amui in kodongoganbí nongkon ḻipú mobagu, bo singog in koumpagan inta motoyang in modoradá mako in kon tombuḷud mita.

LUKAS 13:28

Kon wakutu in mokoontong in moiko kon i Abraham, kon i Ishak bo kon i Yakub takin nabi mita mogaid kon rame kon bonu in dunia mobagu i Allah, yo mongombaḷbí in moiko sin moajar in gina monimu sin aindon inuntun pinoḷuai!