IḶUAIAN 11:4 - Alkitab Singog In Mongondow Masa In Tanaa

⁴ Ki Musa in noguman kon i datu, “Nanaadon guman i Tuhan, ‘Degá moonggotmai kon doḷom Akuoi in moḻibu kon butá in Mesir.

IḶUAIAN 11:4 ပူးပေါင်းရင်းမြစ်များ

SAMUEL 2 5:24

Aka kodongoganmudon in singog in sapatu naonda bo intau inta nopipid kon ḷuntung in pangkoi mita tatua, dá pomajudon, sin Akuoi in mayábí kon munamu sin monaḷow kon tontara in Pilistin.”

AYUB 34:20

Moonggot kon doḷom, mosia in motaaubí in daḻí matoi. Ki Allah in mohukum kon pongawasa bo moyopú in mosia; Diábí in roriga-Nea in moḻimod kon intau motorindog.

MAZMUR 60:10

Táe Moab in pomomataan-Ku kon sioḷ; Akuoi in monggiow kon kinountungan kon Pilistea. Edom in pinopogambatan-Ku in aip in sioḷ-Ku nobaḻí tomponuot kon sia in Akuoi in kitogi.”

MAZMUR 81:5

Sin tua in tobatú atorang kon Israel, tobatú parenta nongkon i Allah i Yakub.

IḶUAIAN 12:12

Kon doḷom tatua moḻibudon in Akuoi kon bayongan butá in Mesir, bo momatoi kon bayongan adí ḷoḷaki inta guya-guyang, pinomayá intau, ande biag. Akuoi in mohukumdon kon bayongan inta sumbaanmai monia kon Mesir, sin Akuoibí in ki Tuhan.

IḶUAIAN 12:23

Kon dodai in ki Tuhan modondaḷoi kon butá tanaa sin moḻimod kon intau mita in Mesir, ki Tuhan in mokoontong kon dugú inta kon oigi ḷoḻingkop doyowa bo kon ngara kon dotá in ḻimonik; dá tongá taḻiban-Nea mako natua bo diá ogoi-Nea in Malaekat Maut tumuot kon baḷoimu sin moḻimod kon i monimu.

IḶUAIAN 12:29

Pongantog in doḷom tua ki Tuhan noḻimod kon bayongan adí mita ḷoḷaki in bangusa Mesir inta guya-guyang, pinangkoi kon i adí i datu, nodapot kon i adí in intau mita inta kon ponjara. Bayongan bobiagon inta muna pinogadí pinoyoḻimod doman.

YESAYA 42:13

Ki Tuhan in mayá in muna moparang naonda bo pahlawan tobatú, naonda bo tontara tobatú inta moibog totok moparang. Sia in modidí in kokow in parang, bo mopoontong in kotoyang-Nea kon musung.

AMOS 4:10

Akuoi in mopotabá mangoi in yampoi in takit kon inimu naonda bo inta pinoangoi-Ku kon Mesir. Intau mita inta nongoguodpa in yopúon-Ku kon poparangan, bo kabaḷomu mita in agowon. Akuoi in momonu kon ḷoḷaiganmu in mayat mita inta bónea in mokonakit kon ngiung. Umpaka natua, moiko in doí doman mobui mangoi kon i-Nakó.

AMOS 5:17

Kon bayongan gobá in anggur, intau in moguangbí popisí in Akuoi in mamangoi bo mohukum kon i monimu. Akuoi, ki Tuhan, ain nosingog.”

MIKHA 2:13

Bukáan-Kubí in daḷan bo modia kon i monimu ḷumuai nongkon pinoḷumbúan. Moiko in mondangatbí kon bonawang mita bo mayá takin diá in ḷambo-ḷamboinea. Akuoi, ki Tuhan tontaní, in Datumu, bo Akuoi in modia kon i monimu ḷumuai.”

MATIUS 25:6

Naonda in noonggotdon kon doḷom dinongogmai oyúon in singog noguman nanaa, ‘Nonikaan niondon! Tontomudon in sia!’