IḶUAIAN 10:25 - Alkitab Singog In Mongondow Masa In Tanaa

²⁵ Ki Musa in notubag, “Aka natua ki Tuangku mustibí mobogoi in bobiagon kon inami sin posumba mobaḻí kuruban tubáan kon i Tuhan, ki Allah nami.

IḶUAIAN 10:25 ပူးပေါင်းရင်းမြစ်များ

KINOBAḺIAN 8:20

Ki Nuh noposindog in mezbah tobatú kon i Tuhan. Sia in nogamá kon tumongo batu nongkon sigad in ḷagapan bo mahaḷuk mita ibanea inta halal, bodongka pinosumbanea saḷaku kuruban inta sinubá kon tudu in mezbah tatua.

IḶUAIAN 10:24

Bo ki datu in nogoiní kon i Musa bo noguman, “Moiko in motaaubí mayá moibada kon i Tuhanmu. Intau mita bobay bo adí mita in motaaudon tumakin. Táe sapi, domba, bo bembému in diábí motaau diaan.”

IḶUAIAN 10:26

Bayongan bobiagon nami mustibí diaan nami; tobatúmai diábí in motaau taḷaan nami. Nongkon bobiagon tatua piḻíon nami mongo onda in posumba kon i Tuhan ki Allah nami. Bain kon tua bo kotaauan nami mongo bobiagon táonda in posumba nami.”

IḶUAIAN 20:24

Pomiaidon in Akuoi kon mezbah tobatú nongkon butá, bo pobogoidon in sosumba kon tua domba bo sapimu mobaḻí kuruban inta sinubá bo kuruban pondamean. Kon bayongan in tampat inta sinantú-Ku kon inimu mobaḻí tampat poibadaan kon i-Nakó, Akuoi in mamangoibí bo momarakat kon i monimu.

IMAMAT 16:9

Bembé inta piniḻí kon i Tuhan musti posumba mobaḻí kuruban potobut kon dosa.

IMAMAT 9:22

Naonda in mopaḷut mako noposumba in bayongan kuruban tatua, ki Harun nobingkat kon ḻimanea pinotayow kon bayongan umat Israel bo nomarakat kon i monia, bodongka sia moponag.