IḶUAIAN 10:24 - Alkitab Singog In Mongondow Masa In Tanaa

²⁴ Bo ki datu in nogoiní kon i Musa bo noguman, “Moiko in motaaubí mayá moibada kon i Tuhanmu. Intau mita bobay bo adí mita in motaaudon tumakin. Táe sapi, domba, bo bembému in diábí motaau diaan.”

IḶUAIAN 10:24 ပူးပေါင်းရင်းမြစ်များ

KINOBAḺIAN 34:23

Bain bayongan paanan bobiagon monia bo bayongan kapunyaan monia mobaḻí doman kapunyaan naton. Dá koḻigai bá duduiandon naton onu in pinoigum monia tua sinbá mosia in mogutundon moyotakin naton.”

IḶUAIAN 10:25

Ki Musa in notubag, “Aka natua ki Tuangku mustibí mobogoi in bobiagon kon inami sin posumba mobaḻí kuruban tubáan kon i Tuhan, ki Allah nami.

IḶUAIAN 8:25

Onda intua ki datu nogoiní kon i Musa bo kon i Harun poḷat noguman, “Bayádon pobogoi in sosumba kuruban kon i Allahmu, táe tongádon kon butá tanaa.”

IḶUAIAN 8:28

Ki datu in noguman, “Mopia, ogoikudon moiko mayá in padang gurun sin moposumba in kuruban kon i Tuhan, Allahmu, asaḷbí bo moiko in diá mayá moyayú. Bo toropdon, sambayangai doman in akuoi!”

IḶUAIAN 8:8

Datu nogoiní kon i Musa bo kon i Harun, bo noguman, “Posambayangdon kon i Tuhan sinbá Sia in monginggamádon kon tumpaḷak mita tanaa, bá ogoikudon in bangusamu mayá sin moposumba in kuruban kon i Tuhan.”

IḶUAIAN 9:28

Posambayangdon kon i Tuhan; totokdon in moyoyiga in kami popisí in gotup bo uyan eis tanaa. Pomayákudon mako in moiko mayá. Donaaidon mogutun kon naa in moiko.”