IḶUAIAN 10:23 - Alkitab Singog In Mongondow Masa In Tanaa

²³ Intau in Mesir diádon mokoontong kon onu bo onu kon bonu in toḷu nosinggai tatua bo diádon tobatúmai intau minaya-mayá mako. Táe kon baḷoi intau mita Israel tantúbí nobayag.

IḶUAIAN 10:23 ပူးပေါင်းရင်းမြစ်များ

IḶUAIAN 14:20

kon sigadon in tontara mita in Mesir bo intau mita Israel. Goḷom tatua nokopomukádon kon sindip, dá tonggobii tua doyowa nopaanan tatua diá motaau mosidiugan.

IḶUAIAN 7:25

Pitudon nosinggai noitaḻib naonda in ki Tuhan nopouma in bodito kon Ongkag in Nil.

IḶUAIAN 8:18

Mososihir mita moramuji doman mopomaké in sinotaau monia sin mopoangoi doman in yongit mita, táe diá nokoaid in mosia. Kon bayongan tampat komintan oyúon in yongit,

IḶUAIAN 8:19

dapot in mososihir mita tatua noguman kon i datu, “Naa in aidbí i Allah.” Táe ki datu tatua nokopotogatpa doman bui kon gina, bo ná inta ain muna pinoguman i Tuhan, ki datu tatua doí mopandungmai kon tosingogon i Musa bo i Harun.

IḶUAIAN 8:22

Táe taḻiban-Kubí butá in Gosyen, tampat pinogutunan in umat-Ku. Kon tua in diábí popoangoian-Ku in ḷangow, sinbá kotaauan monimu kon Akuoi, ki Tuhan, in nomia kon tua.

IḶUAIAN 9:26

Tongádon butá in Gosyen, tampat pinogutunan intau mita Israel, in diá kinoonagan in uyan eis.

IḶUAIAN 9:4

Poyoposion-Ku in bobiagon intau Israel bo bobiagon in intau Mesir. Bobiagon intau Israel in diá tobatúmai in matoi.

YESAYA 42:16

Bangusa-Ku inta bilog in kapiton-Ku pongin daḷan inta diá kinotaauan monia; mosia in diaan-Ku kon daḷan mita inta diá kinotaauan monia. Sindip baḻíon-Ku bayag kon i monia, bo daḷan inta notangkaḻembong in tondodaion-Ku. Tuata in aidan-Ku kon i monia, bo notantú bidon kon aidan-Ku.

AMOS 4:7

Diá pinoonag-Ku in uyan kon tungkuḷ in pinomuḷamu moparaḷudon kon tubig. Akuoi in nopoonag in uyan kon kotá tobatú bo diábí in kon kotá ibanea. Gobá tobatú in inonag in uyan, táe gobá ibanea in noingkag.

MALEAKHI 3:18

Umat-Ku in mokoontongbí doman kon yoposi in ukur in intau mopia bo intau moraat, kon sigad in intau inta mogundoi kon i-Nakó bo inta diá.”

KOLOSE 1:13

Pinilatan-Neadon in kita nongkon kawasa inta nosindip bodongka pinamping kon bonu in dodatuan i Adí-Nea inta kinotabi-Nea.

YOSUA 24:7

mosia in nokuani kon i-Nakó mopoigum in totuḷung. Dá tampat kon sigad monia bo in intau mita in Mesir tua binaḻí-Ku sinimindip, bo intau mita in Mesir tatua kinoḷoban-Ku in tubig in dagat nodapot in mosia noḷomot komintan. Kinotaauan bidon monimu komintan in onu inta inaidan-Ku kon intau in Mesir. Noonggot totok in mosia nogutun kon padang gurun.

PETRUS 1 2:9

Táe moiko nion in bangusa inta kinopiḻían, imang mita inta mobantung kon datu, bangusa inta mokudus, umat inta kapunyaan i Allah. Ain piniḻí bo inoiní i Allah in moiko iḷumuai nongkon sindip bo mayá tumuot kon bayag-Nea inta momulia, takin makusud bá moiko in mopotaa-taau mako in habar in bayongan inta pinomia i Allah inta diá in poḻiuan tua.