IḶUAIAN 10:13 - Alkitab Singog In Mongondow Masa In Tanaa

¹³ Ki Musa in nopotonggó doman in tungkudnea bo ki Tuhan nopoangoi in tompot nongkon pomukaan bo nogirup kon butá tatua singgai bo doḷom. Aka modiugdon mobayag tompot tatua mogirup mopoangoi in pangkoḷá mita

IḶUAIAN 10:13 ပူးပေါင်းရင်းမြစ်များ

KINOBAḺIAN 41:6

Noiduduimai kon tua nobiag doman monik in batoḷ in gandum pitu ibanea, inta nokepa bo noḷaotdon sin inirup in tompot in pomukaan.

MAZMUR 105:34

Podudui in parenta-Nea, namangoidon in pangkoḷá, totuu mobarong, diádon koiapan.

MAZMUR 148:8

ei kilat bo uyan eis, salju bo goḷom, deḷang motorú inta dinumudui kon parenta i Tuhan!

MAZMUR 78:26

Pinoki pogirupan-Nea in tompot in pomukaan; pinongin kawasa-Nea tompot in toḷatan nogirup.

MAZMUR 78:46

Sia in nopoangoi in uḷod bo pangkoḷá, inta nokaan nokopodait kon bungai in boyó kon gobá.

IḶUAIAN 14:21

Bo ki Musa in notundúdon kon dagat, bo binaḻídon i Tuhan tompot in pomukaan nogirup noropot totok nodapot in tubig in dagat noondir. Tonggobii tua tompot tatua umuran nogirup, bo nomaḷui kon dagat nobaḻí butá inta noingkag.

AMSAL 30:27

Pangkoḷá, mahaḷuk inta diá in datu, táe mopipid motompia.

YUNUS 1:4

Ki Yunus in minayá in tampat inta kon ḻimonagan totok bo inumuḻid kon tua, bo nosiug noḷoḷot. Noiduduimai kon tua pinoangoidon i Tuhan in tompot moropot kon dagat, bo nobaḻídon in bokoḷ inta totok in motoyang, inta nondangat kon kapaḷ tatua dá gogiódon bo morimumud. Intau mita in kapaḷ nongoondokdon totok bo nomaḷúdon mokituḷung, kon batúannea mokituḷung kon dewanea-dewanea. Tobatú daya monggaat kon anib moitaḷom, mosia in noḷumbú kon datog in kapaḷ in kapaḷ tatua kon bonu in dagat.

YUNUS 4:8

Naonda in nomukádon in mata in singgai, ki Allah nopoangoi in tompot mopatú inta nogirup nongkon pomukáan. Ki Yunus gogió bo notambuḷoḷok popisí in inonag in singgai inta nádon onda bo momokak kon uḷunea. Noinggamádon in kamangnea bo moibogdon totok matoi. Sia in noguman, “Mopia-piabí kon matoi in akuoi dika in mobiag!”

MATIUS 8:27

Mosia in nongoherang bo noguman, “Ki inebí degá in Sia naa, sin tompot bo danow in dumuduibí kon tosingogon-Nea!”