IḶUAIAN 1:20 - Alkitab Singog In Mongondow Masa In Tanaa

^20-21 Dá ki Allah nomarakat kon mototuḷung kon ponononggadían mita tua bo nobogoi in buí kon i monia, sin mosia in mohoromat kon i Allah. Bo intau Israel nodugangdon totok in kobarong monia bo moropot doman.

IḶUAIAN 1:20 ပူးပေါင်းရင်းမြစ်များ

MAZMUR 103:11

Táe ná sigad in ḷangit bo butá, natua in koḷoben in tabi-Nea kon intau inta motoguondok kon i-Nia.

MAZMUR 111:5

Sia in nobogoi in rijiki kon intau inta motoguondok, bo inta umuran mokotorop kon dodandian-Nea.

MAZMUR 145:19

Sia in mopoḷungangabí in gina in intau inta motoguondok; Indongogan-Neabí in kuani monia bo moposaḷamat kon i monia.

MAZMUR 61:5

Biódon mako in akuoi kinoouput in kobiaganku mogutun kon ḷoḷaigan-Mu, sinbá moaman kon bonu in oḻiung in koḻikip-Mu.

MAZMUR 85:9

Akuoi in moibog mokidongog kon tosingogon i Tuhan Allah; Sia in nopodandi in kobiagan motompia kon inaton, umat-Nea, asaḷ bo kita in diá bui mogaid kon dosa.

IḶUAIAN 1:12

Tongá naonda in kodugang-kodugang in ponononggata intau in Mesir, yo kodugang-kodugang doman totok in kobayong intau Israel, bo mosia totokdon in moibaya-bayá mako kon bayongan butá tatua, dá intau in Mesir noondokdon kon i monia.

IḶUAIAN 1:19

Tubag monia, “Bobay mita in Ibrani diábí ná bobay mita in Mesir. Mosia in morotonbí in mononggadí. Kon dodai in kami diápa moiangoi adí mita monia koyongandon noiḷotang.”

IḶUAIAN 1:7

Táe buí monia, inta intau mita Israel, in nononggadí bo nononggompu mobarong totok, bo motoyong totok in kinododugang monia, dá butá in Mesir notoimpaḷotdon kon i monia.

AMSAL 11:18

Kauntungan in intau moraat in kauntunganbí inta diá in mangaḻenea, kauntungan in intau inta nogaid kon inta mopia in kauntungan inta moḷoben in mangaḻenea.

AMSAL 19:17

Motuḷung kon intau bogá notongkaibí in nopoḷuan kon i Tuhan; bain ki Tuhan doman in motuḻí kon tua.

MOHOHUTUBA 8:12

Umpaka mogatut in aid moraat in inaidan in intau baradosa, umuranbí in sia mobiag bo modapotbí in moonggot in kobiagannea. Kain intau, ki ine in motoindudui kon i Allah, notantúbí kon kobobiagnea in komintan mogampang.

YESAYA 3:10

Ki Tuhan in noguman, “Poyaputdon kon intau inta motoindudui kon i-Nakó kon mosia in mopiabí bo mosaḷamat. Mosia in mokaanbí kon bungai in siniḷopíannea.

MATIUS 10:42

Bo ki ine in mobogoi in tubig noanai inumon, umpakabí tongá topalo kon intau inta bogá naa, sin sia in dumodudui-Ku, poguman-Ku kon i monimu, popirisayabí kon sia tua in mokouḻíbí kon boḻi in pinogaidannea!”

MATIUS 25:40

Datu tatua in motubag kon i monia, ‘Bá poguman-Kudon kon i monimu: onu inta aindon inaidan monimu kon i utat-Ku mita inta totok in bogá tanaa, yo tua in notongkaibí in pinogaid monimu kon i-Nakó!’

LUKAS 1:50

Sia umuran mobogoi in totabi-Nea kon bayongan intau inta moondok kon i-Nia.

IBRANI 6:10

Sin ki Allah in moadilbí. Diábí koḻiongan-Nea in onu inta ain inaidan monimu kon i-Nia, bo tabi inta pinoontong monimu kon i-Nia wakutu in notuḷung kon utat mita inta tumpaḷa mopirisaya kon i Kristus tungkuḷ intua bo masa in tanaa.