IBRANI 9:27 - Alkitab Singog In Mongondow Masa In Tanaa

²⁷ Bo sinantú domandon i Allah, kon intau in tongábí komintan matoi, onda intua adilondon i Allah.

IBRANI 9:27 ပူးပေါင်းရင်းမြစ်များ

KINOBAḺIAN 3:19

Iko totok in rumoriga in mogaid modapot in uḷatan sinbá butá mobogoi in boyó kon inimu, modapot in iko mobui mobaḻí butá, sin iko in pinomiabí nongkon butá. Iko in pinomia nongkon butá, bo bui mobaḻí butá.”

SAMUEL 2 14:14

Kita komintan in matoibí; kita naa in naonda bo tubig inta noibutak kon butá bo diábí motaau sipunon bui. Ki Allah in diábí doman momiag bui kon intau inta ain minatoi; tuamai in igumon mako ki Tuang in moḷongasi sinbá intau inta iḷumbú mokobuidon mangoi.

AYUB 14:5

Umur in intau ain sinantú-Mu; kobayong in buḷannea ain sinigadan-Mu. Ain doman sinantú-Mu in kodapotan in kobiagannea; diábí doman in sia ḻimimpat kon tua.

AYUB 19:25

Kinotaauanku kon soroga oyúon in mototuḷungku; kon imbuitnea mamangoi in Sia motuḷung kon inakó.

AYUB 30:23

Kinotaauanku, dinia-Mu in akuoi kon bonu in dunia in intau minatoi, tampat pinosipunan kon bayongan inta nobiag.

MAZMUR 89:48

Toropdon in akuoi totuubí mopoḷok in kobiaganku naa, binaḻí-Mu in intau saḷaku mahaḷuk inta mato-matoi.

MOHOHUTUBA 11:9

Paké kopia in wakutumu kon dodai in iko mobagupa! Pokosanangbí kon dodai in iko bagupa ede in tayowmobiag. Duduiaibí in bayongan ibog in dimukudmu, aidai in bayongan niat in ginamu. Táe pokotorop, ki Allah inta kon soroga, in monantúbí kon bayongan in oaidmu.

MOHOHUTUBA 12:14

Ki Allah in mongadilbí kon bayongan in oaid naton; inta mopia bo inta moraat, nodapot in inta noibuni doman.

MOHOHUTUBA 12:7

Awak naton in mobuidon, mobaḻí ḷobud kon butá. Tompot kobiagan naton in mobuidon kon i Allah. Sia in nobogoi noponotabi.

MOHOHUTUBA 3:2

Ki Allah in nonantú kon wakutu mononggadí bo wakutu matoi, wakutu momuḷa bo wakutu morabut kon inta pinomuḷa,

MOHOHUTUBA 3:20

Mosia in tumpaḷabí mayá in tampat inta notongkai. Mosia in nongkon ḷobudbí bo buibí mobaḻí ḷobud.

MOHOHUTUBA 9:10

Aidaibí in bayongan oaidanmu podoyon kon bayongan ropotmu. Sin moiangoibí in kodaitan raian andeka oaidan. Diábí in ilimu andeka pandoi kon dunia in intau minatoi. Bo kon tuata in bayáanmu.

MOHOHUTUBA 9:5

Intau inta nobiag nonotaaubí kon singgai kopatoian in nogoḷatbí mako kon inia, táe intau minatoi in diábí nonotaau kon onu bo onu. Diábí in tondan andeka tontuḻínea bo tangoinea in kinoḻiongandon.

LUKAS 20:32

Pangabisannea bobay tatua in minatoi doman.

OUMAN IN RASUL MITA 17:31

Sin ain bidon sinantú-Nea in wakutu pongadilan kon bayongan intau kon dunia naa. Oaidan tatua aidan in tobatú intau inta ain piniḻí i Allah tontaní. Bo bá totu-totuu mopirisaya in bayongan intau kon soaḷ tatua, dá biniag bui i Allah in Sia nongkon kinopatoian-Nea!”

SURAT I PAULUS KON JAMAAT RUM 2:5

Táe moiko totok motogat in gina bo doí momaḷui kon gogutú. Dá mangaḻenea kon tua moiko bidon tontaní in modugang kon roriga in hukuman kon i monimu kon Singgai Tumi, aka popoontongdon i Allah in torú-Nea bo hukuman inta moadil.

SURAT I PAULUS KON JAMAAT RUM 5:12

Dosa in sinumuot kon dunia naa nongin intau tobatú, bo nongkon dosa tatua nomuká domandon in popatoi. Akibatnea popatoi tatua in nongawasadon kon bayongan intau, sin bayongan intau in nogaid domandon kon dosa.

KORINTUS 1 4:5

Popisí in deemanpabí wakutunea dá dika ḻimika-ḻikat in mohakim kon intau, kotaḷá andeka diá. Oḷatdon dapot moiangoi in ki Tuhan. Bambí Sia in mobuká kon onu inta nongoibuni kon sindip bo mobuká kon onu inta kon bonu in gina mita in intau. Bain kon wakutu in tuata bo duíon i Allah in intau mita podudui in oaid mita monia.

KORINTUS 2 5:10

Sin notantúbí kon kita in diaanbí kon tayowon pongadilan i Kristus, bo pomuḷoi intau in motarimabí kon inta patus tarimaannea podudui in oaidannea kon wakutu in kon duniapa naa – oaid mopia andeka moraat.

TIMOTIUS 2 4:1

Ki Kristus Yesus in mamangoi bui kon dunia naa sin monantúdon kon taḷá in intau mita inta nobiagpa bo inta ain minatoi. Bo mamangoidon in Sia momarenta saḷaku Datu. Tuamai kon tayowon i Allah bo i Yesus Kristus, poigumonkudon totok kon inimu.

IBRANI 10:27

Dongka bidon tobatú in sinadia kon i naton, tuata in tumayow kon pongadilan i Allah bo tuḷu in torú-Nea inta momokak kon intau mita inta moḷawang kon i-Nia!

IBRANI 6:2

ande totundú inta pinodoyon kon baptisan andeka soaḷ momarakat kon intau ande soaḷ kobiagan bui naonda in matoi, andeka doman soaḷ kobiagan mononoi.

YOHANES 1 4:17

Tabi in binaḻídon nosompurna kon i naton, sinbá oyúondon in kabaranian naton kon Singgai Ponantúan. Oyúon in kabaranian naton, sin kobiagan naton kon dunia naa in notongkaidon ná kobobiag i Kristus.

YUDAS 1:15

sin mohakim kon bayongan intau. Ki Tuhan in mohukum kon intau mita moraat popisí in oaid mita monia inta moromú. Bo hukumon-Neabí in intau mita baradosa bo inta modurhaka inta umuran mopoyaput in singog pohojat kon i Tuhan.”

WAHYU 20:11

Nopaḷut mako kon tua, akuoi in nokoontong kon tobatú tampat pomomarentaan inta nobudó bo inta noḷoben bo Sia in iḻimitú kon tua. Ḷangit bo butá noinggamá nongkon tayowon-Nea, sahingga in diádon bui koontongan.