IBRANI 9:15 - Alkitab Singog In Mongondow Masa In Tanaa

¹⁵ Tuamai ki Kristus in nobaḻí tonsigad kon tobatú dodandian inta nobagu, sinbá intau inta inoinídon i Allah in motarimadon kon barakat mita mononoi inta ain pinodandi i Allah. Tua komintan in mobaḻíbí sin oyúon in minatoi; Siata in ki Kristus. Kinopatoian-Nea tatua in nopobebasbí kon intau mita nongkon taḷá mita inta pinomia monia wakutu in dodandian inta muna pinaképa.

IBRANI 9:15 ပူးပေါင်းရင်းမြစ်များ

MAZMUR 37:18

Ki Tuhan in noḷukad kon kobiagan in intau motoḷutui, kapunyaan budel monia in umuranbí mononoi.

DANIEL 9:26

Kon imbuit in sempo tatua itoi inta piniḻí i Allah tatua in hukumonbí, bokaka diábí in sia kotaḷá. Dá namangoidon in tobatú tontara i datu inta moropot, bo nonurub kon Yerusalem takin Baḷoi i Tuhan. Singgai tumi tua in mamangoibí naonda bo ḷunud inta nodia kon parang bo korimumudan, ná inta ain sinantú i Allah.

MATIUS 19:29

Bo pomuḷoi intau inta nonaḷámai kon baḷoinea, kon i utatnea ḷoḷaki bo bobay, kon i amá bo kon i inánea, kon i adínea mita andeka nonaḷámai kon gobánea sin dumudui kon i-Nakó, yo sia tua in motarima bui kon moiḻiu kon tua. Bo sia in mokodungkuḷ domandon kon kobiagan mopia bo mononoi.

MATIUS 22:3

Sia in nopotabá kon bobantungnea mita mogoiní kon intau mita inta aindon sinoko oiní kon rame ponikaan tatua, táe intau mita tatua in doí mamangoi.

MATIUS 25:34

Bo Datu tatua in moguman kon i monia inta kon dotá in koḷanan-Nea, ‘Igai, in moiko inta binarakatan i Amá-Ku, tuotdon kon dodatuan inta aindon sinadia kon i monimu kon wakutupa in dunia naa bagupa binaḻí.

MATIUS 25:36

Wakutu in Akuoi diá koḷambung; inogoian monimu in Akuoi in pakeang; wakutu in Akuoi notakit, sinompia monimu; wakutu in Akuoi kon bonu in ponjara, inangoi inindoian monimu.’

MARKUS 10:17

Wakutu in ki Yesus nongingguput kon bobayáan bui, oyúon in intau tobatú noribatuk nopoangoi kon i-Nia. Intau tatua sinumungkud kon tayowon i Yesus bo noḻibó, “Guru inta mopia, onu in musti aidanku sinbá akuoi in motarima kon kobiagan inta mopia bo mononoi?”

LUKAS 18:18

Oyúon tobatú itoi intau Yahudi in noḻibó kon i Yesus, “Pak Guru, Inta mopia totok, onu in musti aidanku sinbá mokouḻí in akuoi kon kobiagan mononoi?”

LUKAS 22:20

Natua doman, naonda in nopaḷut mako nongaan, Sia in nobogoi in palo pongonginuman kon anggur tatua kon i monia poḷat noguman, “Pongonginuman tanaa in dodandian i Allah inta mobagu inta ain sinoḻiuan in dugú-Ku. Dugú inta ain pinobutak sin kopontingan monimu.”]

YOHANES 10:28

Mosia tua in ogoian-Kubí in kobiagan mononoi, bo nopasti bidon kon diábí moputu-putú. Diábí tobatúmai intau in mokoagow kon i monia nongkon ḻima-Ku.

OUMAN IN RASUL MITA 20:32

Bo tanaa mako in posarakankudon moiko kon i Tuhan sinbá Sia in moḷukad kon i monimu bo bá moiko in umuran kumadai mako kon totabi-Nea. Ki Allah in nopuḻing kawasa inta mokorigon kon i monimu bo Sia in mobogoi kon i monimu in barakat mita inta ain sinadia-Nea kon bayongan umat-Nea.

SURAT I PAULUS KON JAMAAT RUM 5:10

Sin tungkuḷpa in nobaḻí saturu i Allah in kita, kita pinoyodamedon takin-Nea inta pinodoyon kon kinopatoian i Adí-Nea, apa doman in tanaa naonda in hubungan naton takin i Allah notompiadon bui, tantú kita in posaḷamatonbí doman bui pongin kinobiagan i Kristus.

SURAT I PAULUS KON JAMAAT RUM 5:6

Wakutu in kita diádon kodaya, ki Kristus in pinokurubandon sin kopontingan naton pinotombubung kon wakutu inta ain sinantú i Allah; bokaka kita in intau mita inta noyayú nongkon i Allah.

SURAT I PAULUS KON JAMAAT RUM 5:8

Táe ki Allah in noponiatadon in tabi-Nea kon i naton, kon dodai in ki Kristus pinokuruban sin kopontingan naton, kon dodai in kita binaradosapa.

SURAT I PAULUS KON JAMAAT RUM 6:23

Sin aka bungai in dosa tua in popatoibí, táe kobiagan mopia bo mononoi in moyotakin i Kristus Yesus, Tuhan naton, tua in inogoibí i Allah pinomorosen.

SURAT I PAULUS KON JAMAAT RUM 8:28

Kinotaauanbí naton kon ki Allahbí in nonoinut kon bayongan yagi-yagi, sahingga in mokopoangoi kon onu inta mopia kon intau mita inta motabi kon i-Nia bo inta inoiní-Nea podudui in tomayá-Nea.

SURAT I PAULUS KON JAMAAT RUM 8:30

Natuadon in pinogogoiní i Allah kon i monia inta aindon sinantú-Nea muna. Mosia inta inoiní-Nea tua, inogoi-Nea mopopiaan bui takin-Nea. Mosia inta sinarima-Nea mopopiaan bui takin i Allah, nogamá kon silai kon bonu in kobiagan i Allah tontaní.

SURAT I PAULUS KON JAMAAT RUM 9:24

Kitabí naa inta ain inoiní-Nea. Deemanbí tongá intau in Yahudi, táe bangusabí doman mita ibanea.

KORINTUS 2 3:6

Bo Siabí doman tua in nobogoi in komampuan kon inami nobaḻí mogogaid mita kon oaidan i Allah kon tobatú dodandian nobagu; dodandian inta noyotogot in Roho i Allah, táe deemanbí kon hukum inta pinais. Sin hukum inta pinais tua in modiabí kon popatoi, táe aka Roho i Allah yo mobogoibí in kobiagan.

GALATIA 3:20

Tuamai mustibí oyúon in posibotak bain tua bo baraguna in intau mononigad. Táe ki Allah in diábí nomaké in mononigad, Siabí tontaní in namangoi.

EPESUS 1:7

Ki Kristus in minatoidon sin mopobebas kon i naton bo mongampung kon bayongan dosa.

TESALONIKA 2 2:14

Tuata in mangaḻe pinogoinían i Allah kon i monimu inta pinodoyon kon pirisaya kon habar mopia inta pinoyaput nami kon i monimu. Ki Allah in nogoiní kon i monimu sin ibogon-Nea mokorasa in moiko kon kokokawasa i Tuhan naton ki Yesus Kristus.

TIMOTIUS 1 2:5

Sin tongábí totobatú in ki Allah bo tongábí doman tobatú in mononigad kon intau bo kon i Allah, Sia tuata in ki Kristus Yesus.

TIMOTIUS 2 2:10

Tuamai akuoi in notababí in notanggung kon tua komintan lantaran kopontingan in intau mita inta ain piniḻí i Allah, sinbá mosia in mokouḻí doman kon kasaḷamatan inta inaidan i Kristus Yesus bo takin kamuliaan inta mononoi.

TITUS 1:2

Totundú tatua in pinodoyonbí kon harapan kon kita in motarimabí kon kobiagan inta mopia bo mononoi. Kobiagan tatua in pinodandi bidon i Allah kon tungkuḷ in dunia naa diápa pinomia. Ki Allah in diábí monguboḷ.

TITUS 3:7

sinbá saḷaku intau mita inta ain nokouḻí kon totabi i Yesus dá mokouḻí doman kon kobiagan mononoi ná inta harapon mako naton.

IBRANI 10:34

Bo moiko in noitakin doman nokorasa kon koajar in gina monia inta kinurung kon ponjara. Bo wakutu in kapunyaan monimu nodait inagow, diá noyaat in gina monimu, sin kinotaauandon monimu kon oyúonpabí in mopia-pia nongkon tua bo inta mononoi totok.

IBRANI 10:36

Mokoposabarbí in moiko, sinbá motaaupa mogaid kon onu inta kinoibog i Allah, sahingga in tarimaanbí monimu in onu inta pinodandi i Allah tua.

IBRANI 11:13

Bayongan in intau tatua in umuran nopirisaya umaai in minatoi. Mosia in diábí notarima kon onu inta pinodandi i Allah, táe tongá nokoontong bo notamad nongkon noyayú. Aid monia tua in noponiata kon mosia tua in tongábí intau mokokiangoi inta tongá doman noiandupmai kon dunia naa.

IBRANI 12:24

Moiko in namangoi sinumayow kon i Yesus, tonsigad in dodandian inta mobagu tua; moiko in sinumayow kon dugú pinomisik inta nojamin kon soaḷ mita inta mopia-pia nongkon onu inta jinamin in dugú i Habel.

IBRANI 13:20

Ki Allah in nomiagdon bui kon i Yesus Kristus Tuhan naton nongkon kinopatoian-Nea. Popisíbí in popatoi-Nea tatua, dá masai naa Sia in nobaḻídon Gombala Momulia kon i naton inta domba-Nea mita. Kinopatoian-Nea tatua in noposah bidon kon dodandian mononoi inta inaidan i Allah takin inaton.

IBRANI 2:14

Lantaran intau mita inta sinangoi-Nea adí tua, tongábí intau ilo-ilow inta mato-matoipabí, dá ki Yesus sinumongkaidon kon i monia bo nobiag naonda bo kaadaan intau. Tua pinomia-Nea, sinbá kinopatoian-Nea tua mokorimumud kon Ibilis inta nongawasa kon popatoi.

IBRANI 3:1

Utat mita tumpaḷa Keresten inta ain inoiní i Allah! Raika monimu koako-ako in soaḷ ki Yesus naa! Sia ain pinotabá mangoi i Allah sinbá mobaḻí Imang Moḷoben kon agama inta dinuduian naton.

IBRANI 6:13

Sin wakutu in ki Allah nodandi kon i Abraham, nongibot in Sia kon totu-totuubí mobaḻí in onu in pinodandi-Nea tatua. Bo lantaran diábí in moḷantu-ḷantud nongkon i-Nia, dá nongibot in Sia pinodoyon kon tangoi-Nea tontaní.

IBRANI 6:15

Nosabar in ki Abraham in nogoḷat kon dandi tatua, sahingga nouḻínea in onu inta pinodandi tatua i Allah.

IBRANI 7:22

Tuamai in ki Yesus nobaḻí jaminan in tobatú dodandian inta totuu mopia.

IBRANI 8:13

Naonda in pinomiadon in dodandian nobagu tua, dá binaḻídon i Allah nokoyongan bo noitontumi in dodandian inta muna; bo onu inta noonggot tua in ḷagidon moyoyang.

IBRANI 9:12

Ki Kristus in sinumuot kon Yuang Totok in Motusi kon ḷoḷaigan tatua tongábí komintan, diá bidon mopobui-buimai. Dodai intua Sia in diábí nodia kon dugú in bembé koḷakian andeka dugú adí in sapi sin posumba, táe dugú-Neabí tontaní in dinia-Nea. Bo dugú-Neabí tatua in nopobebas kon i naton dapot in kopaḷutannea.

IBRANI 9:16

Aka oyúon in surat warisan, yo mustibí doman oyúon in bukti kon intau inta nomia kon surat tatua in minatoidon.

IBRANI 9:28

Natua doman in ki Kristus, tongábí komintan pinosumba saḷaku kuruban pinotobut kon dosa in intau mobayong. Sia in mamangoipabí bui, táe deeman bidon mamangoi mogimpaḷut kon persoalan dosa, táe dongka bidon moposaḷamat kon intau mita inta mogoḷat mako kon koangoian-Nea bui.

YAKOBUS 1:12

Kosanangdon in intau inta motaba wakutu in kinoantugan in sobaan. Sin aka sia bo mokotahangdon kon sobaan tatua, yo tarimaanneabí in bungainea. Bungainea tua in kobiagan inta ain pinodandi i Allah kon intau inta motabi kon i-Nia.

PETRUS 1 3:18

Sin ki Kristus tontaní in tongábí doman komintan minatoi popisí in dosa mita intau. Tobatú intau inta diá kotaḷá; minatoi popisí in intau inta kotaḷá. Ki Kristus in nogaid kon tua sinbá kita in motaau-Nea diaan mayá kon i Allah. Sia in iḻimod kon kaadaan saḷaku intau, táe biniag bui kon bonu in Roho.

PETRUS 1 5:10

Táe naonda in moiko nokorasa kon roriga motoyong, yo ki Allah tontaní in moposompurna kon i monimu. Potorindogon-Nea bo iropotan in moiko. Sin Sia in Allahbí inta totok mopia in gina, inta ain nogoiní kon i monimu sinbá moitakin doman mokorasa kon kopia-Nea inta mononoi pongin i Kristus.

YOHANES 1 2:25

Bo naa in pinodandi i Kristus tontaní kon i naton: kobiagan motompia bo mononoi.

WAHYU 5:9

Mosia nopodondong in tobatú dondong mobagu, nanaa: “Iko in patus mogamá kon buk tatua bo moḷosi kon meterainea mita. Sin Iko ain iḻimod, bo dugú-Mu tatua, in pinoguboḻi-Mu kon intau nongkon bayongan suku, bahasa, negara bo bangusa sin ogoi kon i Allah.