IBRANI 7:28 - Alkitab Singog In Mongondow Masa In Tanaa

²⁸ Hukum in agama Yahudi nopobaḻí imang moḷoben kon intau diá nosompurna. Táe onda intua, nongkon hukum agama tatua inaidan i Allah in dandi inta sinakinan in ibot kon baḻíon-Neabí, Imang Moḷoben in ki Adí-Nea inta binaḻí-Nea mopoposaḷamat inta mosompurna bo inta diá mato-matoi.

IBRANI 7:28 ပူးပေါင်းရင်းမြစ်များ

MAZMUR 110:4

Takin ibot ki Tuhan ain nodandi, diábí gamáan-Nea bui, “Ikobí in imang modapot in mononoi, naonda bo ki Melkisedek.”

IMAMAT 4:3

Aka inta dinosa tatua bo Imang Moḷoben, modapot in bangusa Israel in moitakin doman moitaḷá, dá sia musti mopokuruban in sapi koḷakian batánea tobatú inta mopia kon i Tuhan sinbá dosanea ampungandon.

LUKAS 13:32

Táe ki Yesus in noguman kon i monia, “Bayádon bo poguman kon intau tatua inta moibog momoguyaat kon tomayá i Allah, ‘Singgai naa bo ikoḷom akuoi in moguntun kon dimukud moraat bo mongundam kon intau mita notakit, táe kon singgai intoḷunea, Akuoi in mongingguputdon kon oaidan-Ku.’

YOHANES 19:30

Ki Yesus in nonginsip kon anggur boil tatua bo noguman, “Ain nopaḷut!” Bo kinumuyungdon in Sia bo poḷat minatoi.

IBRANI 1:2

Táe kon singgai tumi naa in ki Adí-Neadon tontaní in pinotabá-Nea nopoyaput in singog-Nea tatua kon i naton. Ki Adí-Nea doman tanaa inta pinopodoyonan i Allah in nomia kon dunia naa. Sia in sinantú domandon i Allah motarima kon bayongan kapunyaan-Nea.

IBRANI 2:10

Totuu kon patus bidon in ki Allah inta nomia kon bayongan in yagi-yagi mopobayá in onu inta imakusud-Nea tontaní. Binaḻí-Nea in ki Yesus mopoposaḷamat inta nosompurna pinodoyon kon daḷan inta totok in moyoyiga. Tua in daya i Allah sinbá mobayong intau in motaau oiníon-Nea mayá in tampat inta mopia totok takin i Yesus. Sin Siabí in nobuká kon daḷan kon i monia sinbá mosia in motaau posaḷamaton.

IBRANI 2:17

Mangaḻenea kon naa kon bayongan in yagi-yagi Sia in musti mobaḻí naonda bo ki utat-Nea mita, sahingga notaau in Sia nobaḻí Imang Moḷoben inta motoindudui kon i Allah bo kototabi. Tua in pomiaan-Nea sinbá ampungandon dosa in intau.

IBRANI 3:1

Utat mita tumpaḷa Keresten inta ain inoiní i Allah! Raika monimu koako-ako in soaḷ ki Yesus naa! Sia ain pinotabá mangoi i Allah sinbá mobaḻí Imang Moḷoben kon agama inta dinuduian naton.

IBRANI 3:6

Táe ki Kristus in mosatiabí saḷaku Adí inta motanggung jawab kon Baḷoi Allah. Bo kitabí naa in Baḷoi Allah aka umuran moḷoben in ibog naton kumadai bo moyakin in mokouḻí kon onu inta harapon mako naton.

IBRANI 4:14

Manangka intua, musti umuran in kita kumadai kon onu inta ain ináku bo pinirisaya naton sin oyúondon in Imang naton momulia bo inta moḷoben. Sia ain sinumuot dapot kon tayowon i Allah, Sia tuata in ki Yesus ki Adí i Allah.

IBRANI 5:5

Bo natua doman in ki Kristus. Diábí in Sia inumaḻi tontaní Imang Moḷoben. Ki Allahbí in nopobaḻí kon i-Nia sin nanaa in singog i Allah kon i-Nia, “Iko nion in ki Adí-Ku; Singgai doman naa Akuoi in mobaḻí ki Amá-Mu.”

IBRANI 7:21

Táe ki Yesus in nobaḻí Imang pinakéanbí in ibot, nanaa in singog i Allah kon i-Nia, “Ki Tuhan in nongibotdon bo diábí baḷuian-Nea onu inta ain siningog-Nea: ‘Iko nion in Imang inta mononoi.’ ”

IBRANI 7:24

Táe lantaran ki Yesus in diábí mato-matoi, dá oaidan-Nea saḷaku Imang in diábí mopamping kon intau ibanea.

IBRANI 7:3

Diá in katarangan mongo oyúon in ki amá ande ki inánea, ande mogoguyangnea. Diá doman in katarangan soaḷ kinolahirannea andeka kinopatoiannea. Sia in nádon onda bo ki Adí i Allah. Sia in nobaḻí Imang inta mononoi.