IBRANI 7:24 - Alkitab Singog In Mongondow Masa In Tanaa

²⁴ Táe lantaran ki Yesus in diábí mato-matoi, dá oaidan-Nea saḷaku Imang in diábí mopamping kon intau ibanea.

IBRANI 7:24 ပူးပေါင်းရင်းမြစ်များ

YOHANES 12:34

Intau mobayong kon tua noguman kon i-Nia, “Podudui kon Buk Hukum in agama nami, Datu Mopoposaḷamat tua in mobiagbí mononoi. Yo nongonu sin Iko in mogumanbí kon ki Adí Intau in poḷantudonbí kon dunia naa? Ki inebí in ki Adí Intau tatua?”

SURAT I PAULUS KON JAMAAT RUM 6:9

Sin kinotaauandon naton kon ki Kristus ain biniag nongkon kinopatoian-Nea bo Sia in diá bidon matoi bui; popatoi in diá bidon mongawasa kon i-Nia.

SURAT I PAULUS KON JAMAAT RUM 9:5

Mosia in buíbí doman in mogoguyang naton. Awak i Kristus naa in nongkon bangusabí monia tua. Táe Siabí in moḷantu-ḷantud nongkon bayongan in yagi-yagi. Dinayo-dayowdon in ki Allah modapot in kopaḷutannea! Amin.

IBRANI 13:8

Ki Yesus Kristus in diábí mobaḷu-baḷui, koḻipod, masai naa bo modapotkabí in kopaḷutannea.

IBRANI 7:28

Hukum in agama Yahudi nopobaḻí imang moḷoben kon intau diá nosompurna. Táe onda intua, nongkon hukum agama tatua inaidan i Allah in dandi inta sinakinan in ibot kon baḻíon-Neabí, Imang Moḷoben in ki Adí-Nea inta binaḻí-Nea mopoposaḷamat inta mosompurna bo inta diá mato-matoi.

WAHYU 1:18

Akuoi naa in Sia inta nobiag tua! Akuoi ain minatoi, táe indoiaika, Akuoi in nobiagbí bo diá bidon mato-matoi. Popatoi bo dunia in intau minatoi kon bonu bidon in kawasa-Ku.

SAMUEL 1 2:35

Onda intua Akuoi in momiḻídon kon imang inta mosatia kon i-Nakó bo mogaid kon onu inta pinoki aid-Ku kon inia. Kon inia tua in ogoian-Ku in buí inta umuran mopobayá in oaidan imang kon tayowon in datu mita inta piniḻí-Ku.