IBRANI 7:22 - Alkitab Singog In Mongondow Masa In Tanaa

²² Tuamai in ki Yesus nobaḻí jaminan in tobatú dodandian inta totuu mopia.

IBRANI 7:22 ပူးပေါင်းရင်းမြစ်များ

KINOBAḺIAN 43:9

Akuoidon in nobaḻí potaru kon inia, bo motaaubí tuntuton i amá kon inakó in sia. Aka sia bo diá diaanku mangoi takin kaadaan mosaḷamat, yo tanggungonku in hukumannea kon bonu in akuoi mobiagpa.

KINOBAḺIAN 44:32

Apa doman akuoi naa ain nodandi kon i amáku kon akuoi in mobaḻí jaminan kon adí tatua. Akuoi noguman kon inia, kon aka akuoi diá modia bui mangoi kon adí tatua kon inia, dá akuoidon in motanggung kon hukuman kon bonu in mobiagpa kon dunia naa.

MAZMUR 119:122

Podandidon kon Iko in motuḷungbí kon inakó, dikabí pomayá mako in akuoi in doroton in intau mita mododia.

AMSAL 20:16

Ki ine in moibog moguboḻi kon boḻi in intau ibanea, motaaubí gamáan in kaoyúonannea mobaḻí tontagú kon dandinea.

AMSAL 6:1

Adíku, degá iko nokoimontandon in nodandi kon intau tobatú kon moguboḻi kon boḻinea.

YESAYA 38:14

Singogku in motoyokdon bo moyangkó, naonda bo ḷagapan tarangkuku mogamui. Mataku in moḷopí popisí in ḷumangag kon ḷangit, Tuhan, poḷuatdon in akuoi nongkon roriga tanaa.

DANIEL 9:27

Datu tatua in momiabí kon dodandian moropot takin mobayong in intau pitu notaong in koonggotnea. Kon ruak in wakutu inta sinantú tatua, sia in mopogogaibí in mobogoi in kuruban bo sosumba. Onda intua inta mokokoningkim inta sinangoian Aid moraat inta mokorimumud in ukatonbí kon Baḷoi Tuhan bo umuranbí kon tua modapot in sia inta nogukat kon tua koḷabúan in koyopúan inta ain sinantú i Allah kon inia.”

MATIUS 26:28

Sin naadon in dugú-Ku, dugú dodandian, inta noibutak sin pinongampung kon taḷá in intau moantó.

MARKUS 14:24

Bo ki Yesus in noguman, “Naadon in dugú-Ku inta mopototuu kon dodandian i Allah, dugú inta pinobutak sin kopontingan in intau mobarong.

LUKAS 22:20

Natua doman, naonda in nopaḷut mako nongaan, Sia in nobogoi in palo pongonginuman kon anggur tatua kon i monia poḷat noguman, “Pongonginuman tanaa in dodandian i Allah inta mobagu inta ain sinoḻiuan in dugú-Ku. Dugú inta ain pinobutak sin kopontingan monimu.”]

KORINTUS 1 11:25

Ná doman tua, naonda in nopaḷutdon mako nongaan, Sia in nogamá kon palo kobonu-bonu in anggur bo noguman, “Anggur tanaa in dodandianbí mobagu i Allah, bo dugú-Ku in mobaḻí tanda. Tuamai in pomuḷoi monginum kon nanaa, nonginumbí sin monorop kon i-Nakó.”

IBRANI 12:24

Moiko in namangoi sinumayow kon i Yesus, tonsigad in dodandian inta mobagu tua; moiko in sinumayow kon dugú pinomisik inta nojamin kon soaḷ mita inta mopia-pia nongkon onu inta jinamin in dugú i Habel.

IBRANI 13:20

Ki Allah in nomiagdon bui kon i Yesus Kristus Tuhan naton nongkon kinopatoian-Nea. Popisíbí in popatoi-Nea tatua, dá masai naa Sia in nobaḻídon Gombala Momulia kon i naton inta domba-Nea mita. Kinopatoian-Nea tatua in noposah bidon kon dodandian mononoi inta inaidan i Allah takin inaton.

IBRANI 7:23

Tobatú soaḷ inta moponting: Imang mita ibanea in mobayongbí sin mosia tua in mato-matoipabí sahingga in diádon motaau mogingguput kon oaidan monia.

IBRANI 8:13

Naonda in pinomiadon in dodandian nobagu tua, dá binaḻídon i Allah nokoyongan bo noitontumi in dodandian inta muna; bo onu inta noonggot tua in ḷagidon moyoyang.