IBRANI 6:18 - Alkitab Singog In Mongondow Masa In Tanaa

¹⁸ Doyowa nopasaḷ tatua in diábí mobaḷu-baḷui: Totuuonbí i Allah in dandi bo ibot-Nea tatua. Sia in diábí monguboḷ. Manangka intua kita inta umuran umoḻiung kon i-Nia, umuran-Nea inogoian in ropot bá umuran kumadai kon onu inta i harap mako kon tayowon naton.

IBRANI 6:18 ပူးပေါင်းရင်းမြစ်များ

KINOBAḺIAN 19:22

Koḻikat, poḷaguidon! Sin diápabí akuoi momia kon onuka aka iko diápa moyaput kon tampat tatua.” Popisí in ki Lot nonangoi kon kotá mointok tatua, dá tuamai kotá tatua sinangoian Zoar.

DATU MITA IMITÁNEA 2:28

Dinongogdon i Yoab in bayongan inta ain nobaḻí tatua. Inagían in ondok in sia sin sia in nomihak kon i Adonia. Táe, koḻipod sia in diábí nomihak kon i Absalom. Dá noḷagui in sia minayá in Ḷoḷaigan i Tuhan bo nokadai kon popod mita in mezbah.

MAZMUR 110:4

Takin ibot ki Tuhan ain nodandi, diábí gamáan-Nea bui, “Ikobí in imang modapot in mononoi, naonda bo ki Melkisedek.”

MAZMUR 46:1

Mazmur in inanakan i Korah. Kon i itoi in mododondong. Pinongin dondong Alamot.

MAZMUR 62:8

Siabí in ki Allah inta nobogoi kon inakó in kasaḷamatan bo kahoromatan, Sia tua in mogogoḻiungku bo mododuḷuku inta moropot.

AMSAL 3:18

Intau inta kumadai motantú kon hikmat in mokouḻíbí kon kobiagan inta moitutui bo mosanang.

AMSAL 4:13

Tantú torop in totundú inta ain sinarimamu kon inakó. Ḷukadai intua kopira, sin pongin totundú tatua kodapotanmu onu in sinayakmu.

YESAYA 27:5

Táe aka musung mita in umat-Ku mokiḷukad kon i-Nakó, pomayádon mako in mosia moyodame takin-Ku, oo, moyodame takin-Ku.”

YESAYA 51:12

Ki Tuhan in noguman, “Akuoibí inta noḻipoi kon i monimu. Nongonu sin moondokbí in iko kon intau inta mato-matoi, kon intau inta iḷumbú naonda bo bonok?

YESAYA 56:4

Ki Tuhan in noguman kon i monia, “Aka moiko mohoromat kon singgai in Sabat, aka moiko motoindudui kon dodandian-Ku bo mogaid kon onu inta mokosanang kon gina-Ku,

YESAYA 64:7

Diá in nosambayang kon ini-Mu, andeka nopoigum in totuḷung-Mu, sin Iko in nogadop kon inami, bo nopomayá mako kon inami in iyopú in dosa nami.

ZAKHARIA 9:12

Pobuidon ei intau mita iḷumbú, tanaa in oyúondon in kamang monimu. Pobuidon kon pononiunganmu Akuoi in umuranbí momarakat kon i monimu. Indongogaika: Kodua noguntuḷ in kobayongnea ogoi-Ku in barakat popisí in bayongan roriga inta ain kinorasaan monimu.

PINOGIAPAN 23:19

Ki Allah deemanbí ná intau inta moḷongkang angoian in momanasaḷ bo moibog monguboḷ. Aka ki Allah in modandi, yo notantúbí kon aidan-Nea! Aka Sia in mosingog, yo totuubí kon mobaḻí!

MATIUS 24:35

Ḷangit bo butá in moyoyangbí, táe singog-Ku naa in mononoibí.”

MATIUS 3:7

Tongá wakutu in sia nokoontong kon nobayong doman intau in Parisi bo Saduki in namangoi bo mokibaptis kon inia, siningognea nanaa in mosia: “Ei intau mita inta moraat. Ki ine in noguman kon moiko nion in kotaḻiban in hukuman i Allah inta kon singgai moiduduimai?

LUKAS 2:25

Kon wakutu intua, kon Yerusalem oyúon intau tangoinea ki Simeon. Sia naa intau mopia bo inta umuran dinumudui kon parenta i Tuhan, bo sia in mogoḷat doman mako kon koangoian in mopoposaḷamat kon Israel. Sia naa in umuran kinawasa in Roho i Allah.

SURAT I PAULUS KON JAMAAT RUM 15:5

Poigumon mako ki Allah inta nobogoi in kasabaran bo ropot kon intau, umuran doman motuḷung kon i monimu, sinbá moiko in mobiag motobatú kon gina bo dumudui kon onu inta ain inaidan i Yesus Kristus.

SURAT I PAULUS KON JAMAAT RUM 3:25

Ki Allah ain nopokuruban kon i Yesus Kristus sinbá pinongin kinopatoian-Nea tatua intau in poniatadon kon pinilatandon nongkon bayongan taḷá monia aka mosia mopirisaya kon i Yesus. Tua in inaidan i Allah sin mopoontong in koadilan-Nea. Sin tungkuḷ intua nosabardon in Sia kon bayongan dosa in intau, sahingga in diá ihukum-Nea in mosia.

SURAT I PAULUS KON JAMAAT RUM 3:4

Tantú diábí natua! Sin notarang bidon kon ki Allah in tantúbí mobanar, umpakabí bayongan intau monguboḷ. Kon bonu in Buk motusi ain pinais nanaa, “Musti moiniata kon inimu kon totuu in onu inta siningogmu, bo iko in mountung kon dodai in iko hakimon.”

SURAT I PAULUS KON JAMAAT RUM 5:5

Bo harapan ná tanaa in diábí mokokecewa kon i naton, sin gina naton ain notarima kon totabi i Allah. Tua in inaidan i Allah pinongin Roho-Nea, inta ain inogoi kon i naton.

PILIPI 2:1

Moiko in noropot, sin ain notobatú i Kristus. Diádon moajar in gina monimu sin ki Kristus in motabi kon i monimu! Bo Roho i Allah umuran kotaki-takin monimu, sahingga moiko tantúdon mototabian bo motabi doman kon tumpaḷa intau.

KOLOSE 1:23

Manangka intua, moiko in musti umuran mosatia in mopirisaya bo umuran doman kumadai mokoporopot kon onu inta ain pinirisaya monimu. Dika modapot in ukatan monimu harapan inta ain inogoi kon i monimu wakutu in moiko notarimadon kon Habar Mopia nongkon i Allah. Habar Mopia tatua ain pinotaau kon bayongan intau kon dunia naa. Bo popisíbí in tuata, akuoi ki Paulus in nobaḻí mogogaid kon oaidan i Allah.

KOLOSE 1:27

Kon umat-Nea tatua ki Allah in moibog moponiata kon totokbí in mopia bo moḷoben in onu in binuni kon intau mita ibanea. Naa inta binuni tatua: Ki Kristus tua in nionbí kon i monimu, bo tua in mangaḻenea, kon moiko in moitakin doman mokorasa kon kamuliaan i Allah.

KOLOSE 1:5

Moiko in mopirisaya bo motabi, sin moiko in moharap kon onu inta ain sinadia i Allah kon i monimu kon soroga. Ain dinongog monimu in soaḷ tatua wakutu in Habar Mopia inta nobanar in pinoyaput kon i monimu.

TESALONIKA 1 1:10

Inouman doman monia in kososatia monimu in mogoḷat mako kon koangoian bui i Adí i Allah inta ki Yesus Kristus nongkon soroga. Sia inta ain biniag bui i Allah nongkon sigad in intau mita minatoi. Sia tuata inta moposaḷamat kon i naton nongkon hukuman i Allah kon singgai moiduduimai.

TIMOTIUS 1 1:1

Timotius, adíku kon bonu in pirisaya kon i Tuhan! Surat tanaa in nongkon inakó, ki Paulus inta nobaḻí rasul i Yesus Kristus podudui in ibog i Allah, inta Mopoposaḷamat naton, bo podudui in parenta i Yesus Kristus oandoḷan kobiagan naton. Poigumon mako tua, ki Allah ki Amá naton bo ki Yesus Kristus, ki Tuhan naton in umuran mobogoi in barakat, totabi bo kobiagan motompia kon inimu.

TIMOTIUS 1 6:12

Poramujidon totu-totuu mobiag saḷaku intau inta mopirisaya kon i Kristus. Mobiag mobanar bá mouḻímu in kobiagan mononoi. Sin tuabí in mangaḻe in pinogoinían i Allah kon inimu bo tua doman komintan inta umuran inakumu kon tayowon in intau moantó.

TIMOTIUS 2 2:13

Aka kita diá mosatia, Sia in umuranbí mosatia, sin Sia in umuranbí dumudui kon ibog-Nea tontaní.”

TITUS 1:2

Totundú tatua in pinodoyonbí kon harapan kon kita in motarimabí kon kobiagan inta mopia bo mononoi. Kobiagan tatua in pinodandi bidon i Allah kon tungkuḷ in dunia naa diápa pinomia. Ki Allah in diábí monguboḷ.

IBRANI 11:7

Popisí in nopirisaya, dá pinogumanandon i Allah in ki Nuh kon soaḷ mita inta mobaḻí kon singgai moiduduimai, inta diábí koontongannea. Ki Nuh in nopirisaya kon i Allah, dá inindongogannea in onu inta pinoguman i Allah kon inia. Pinomianea in kapaḷ inta kon singgai noiduduimai nobogoi in kasaḷamatan kon inia bo motoḷuadínea. Dunia naa i hukum i Allah, táe popisí in ki Nuh nopirisaya, dá pinoniatadon i Allah kon intaubí mopia in sia.

IBRANI 3:11

Akuoi sinumorú bo nongibot, ‘Mosia tua in diábí moituot kon butá tatua bo mogogai moyotakin-Ku.’ ”

IBRANI 3:6

Táe ki Kristus in mosatiabí saḷaku Adí inta motanggung jawab kon Baḷoi Allah. Bo kitabí naa in Baḷoi Allah aka umuran moḷoben in ibog naton kumadai bo moyakin in mokouḻí kon onu inta harapon mako naton.

IBRANI 6:17

Ki Allah in moibog mopoyakin bui kon intau mita inta motarima kon dandi-Nea kon diábí baḷuian-Nea in tomayá-Nea tatua. Manangka intua Sia in nongibot bui.

IBRANI 7:19

Sin diábí tobatúmai in motaau sompurnaan in hukum agama Yahudi tua. Tuamai tanaa kita in inogoiandon in harapan inta totuu mopira; sahingga in kita motaaudon dimiug kon i Allah.

IBRANI 7:21

Táe ki Yesus in nobaḻí Imang pinakéanbí in ibot, nanaa in singog i Allah kon i-Nia, “Ki Tuhan in nongibotdon bo diábí baḷuian-Nea onu inta ain siningog-Nea: ‘Iko nion in Imang inta mononoi.’ ”

YOSUA 20:3

Intau inta diá sinumontuon noḻimod kon intau ibanea, motaaubí in mayá mogadop kon kotá tatua sinbá moiḷagui kon intau inta moibog monuḻí kon inia.

YOHANES 1 1:10

Táe aka kita in moguman kon kita naa in diá kotaḷá, dá inanggapdon naton kon ki Allah tua in naonda bo mouboḷ, bo onu inta siningog-Nea diádon sinagú mako naton kon bonu in gina.

YOHANES 1 5:10

Tuamai, intau inta mopirisaya kon i Adí i Allah ain notarima kon kosakusian tatua kon bonu in ginanea; táe intau inta diá mopirisaya kon i Allah, inanggapnea in ki Allah tua in mouboḷ, sin diá in sia mopirisaya kon onu inta pinoguman i Allah soaḷ ki Adí-Nea.

SAMUEL 1 15:29

Inta Momulia ki Allah in Israel in diábí monguboḷ bo diábí doman momanasaḷ, sin Sia in deemanbí intau.”