IBRANI 5:13 - Alkitab Singog In Mongondow Masa In Tanaa

¹³ Intau inta monginumpa kon susu mangaḻenea kon tua adípa mointok inta diápa nonotaau kon onu inta noitutui bo onu inta noitaḷá.

IBRANI 5:13 ပူးပေါင်းရင်းမြစ်များ

MAZMUR 119:123

Mataku in mopomporí in mogoḷat mako kon totuḷung-Mu inta mokosaḷamat, inoḷatku mako in popoḷuatan inta pinodandi-Mu.

YESAYA 28:9

Mosia in moguman nanaa kon inakó, kainia, “Kai niamai sia in motundúbí kon i ine? Ki inepabí doman in moparaḷu kon tosingogonnea? Kai niakamai kita naa in mongoadíbí mointok inta bagu inungkak kon teté?

MATIUS 11:25

Kon wakutu intua nosambayang in ki Yesus kai-Nia: “Akuoi in mopoyaput in sukur kon ini-Mu, Amá, Tuhan in ḷangit bo butá, sin bayongan intua binuni-Mu kon intau mita inta mobijaksana bo kon intau mopandoi, táe pinoponiata-Mu kon intau inta moyangkó.

MARKUS 10:15

Torop in naa! Ki ine in mayá tumayow kon i Allah bo diá ná mongoadí mita tanaa, yo sia in diábí mobaḻí umat i Allah.”

SURAT I PAULUS KON JAMAAT RUM 2:20

bo nobaḻí doman guru kon i monia inta nobodokpa, bo kon i monia inta nobogápa. Yo iko in noyakin bidon kon bonu in hukum agama Yahudi, mokouḻí bidon in iko kon bayongan pongotahuan bo totundú inta nobanar.

KORINTUS 1 13:11

Kon tungkuḷ in mongoadípa in akuoi, pososingogku in ná doman onda bo mongoadí. Natua doman in porasaan bo raianku, ná bí doman onda bo mongoadí. Táe tanaa in nogurangdon in akuoi, dá oaidku inta mongoadípa, nodait bidon sinaḷáanku.

KORINTUS 1 14:20

Utatku mita! Dika ná pororai in mongoadí. Aka kon soaḷ mita inta mongoromú, dá musti ná pororai in mongoadí in moiko. Táe aka kon soaḷ pororai, yo poraibí ná intau inta nogurangdon.

KORINTUS 1 3:1

Utatku mita, sabanarnea akuoi in diábí motaau moyosingog takin monimu naonda bo takin intau mita inta ain kinawasaan Roho i Allah. Sin moiko nion diápa motoindudui kon i Allah bo diápa doman noguyang in pirisaya monimu kon i Kristus.

KORINTUS 2 3:9

Sin aka dodandian inta mobogoi in hukuman kon intau bo totok in mobayag, yo tantú moiḻiubí totok kon tua in bayag mopia kon dodandian inta monompia bui kon hubungan in intau bo i Allah.

EPESUS 4:14

Dá kita in diábí naonda bo mongoadí mita inta pinoyaying magí-mako in noyagi-yagimai in totundú in intau mita inta mongomunapik. Mosia tua in mongonguman kon diá totuu sin mopotaḷá kon onu inta noitutui.

TIMOTIUS 2 3:16

Komintan inta pinais kon Buk Motusi inta ain pinoporoho i Allah in baragunabí totok pakéon motundú kon inta mobanar, bo mopoyotutui doman kon onu inta noitaḷá, pakéon doman motundú kon intau, sinbá mobiag moiduduidon kon inta kinoibog i Allah.

PETRUS 1 2:2

Moiko in musti mobaḻídon naonda bo adí mointok inta bagu pinononggadí inta umuran moyogang in susu inta nongkon soroga. Aka natua yo mobiagbí bo posaḷamatonbí in moiko.

YOHANES 2 1:11

Sin intau inta mobogoi in salam kon intau ná tua, yo noyopopogdon noyotakin intau tatua nogaid kon inta moraat.