IBRANI 4:15 - Alkitab Singog In Mongondow Masa In Tanaa

¹⁵ Imang Moḷoben naton tua in deemanbí imang inta diá umuran kotaki-takin mokorasa kon yoyiga mita naton. Sia ain sinoba kon bayongan yagi-yagi ná doman kita naa; táe diá in Sia nogaid kon dosa!

IBRANI 4:15 ပူးပေါင်းရင်းမြစ်များ

IḶUAIAN 23:9

Dika mopomia ibo-ibog kon intau ango-angoi; sin kinorasaandon monimu naonda in mobaḻí intau ango-angoi, sin koḻipod moiko nion intau doman ango-angoi kon butá in Mesir.”

YESAYA 53:9

Sia in iḷobong noyotakin in intau moraat; pinoḷobongan kon inia in kon yua-yuak in intau nooyúon, umpaka diá kon dodai in onda in sia in nogaid kon inta moraat, bo diá kon dodai in onda in nonguboḷ.”

HOSEA 11:8

Ki Tuhan in noguman, “Ei Israel, diábí doman inta pomayá-Ku mako in iko andeka taḷaan-Ku mako natua. Degá iko in yopúon-Ku naonda bo Adma? Andeka pomiaan-Ku naonda bo Zeboim? Gina-Ku in diábí modapot in mogaid kon natua, sin tabi-Ku in moḷoben totok kon inimu!

MATIUS 12:20

Aog inta nokoḷung diábí pongkóon-Nea, bo sumbu inta nokuyoyowdon dokotnea in diábí piongan-Nea. Modapot in atorang mita tatua aidan-Nea;

MATIUS 4:1

Noiduduimai kon tua, ki Yesus dinia in Roho i Allah minayá in padang gurun sin pokisoba kon Ibilis.

LUKAS 22:28

Kon bonu in roriga inta korasaan-Ku, moiko in umuran kotaki-takin-Ku.

LUKAS 4:2

Kon tua Sia sinoba in Ibilis opat nopuḷú nosinggai in koonggotnea. Opat nopuḷú nosinggai tua Sia diá nokaan kon onu bo onu dá pangabisannea, ginogoy in Sia.

YOHANES 8:46

Ki ine in kon sigad monimu in motaau moponiata kon oyúon in dosa-Ku? Aka totuu in pinoguman-Ku, yo nongonu sin moiko in diábí mopirisaya kon i-Nakó?

SURAT I PAULUS KON JAMAAT RUM 8:3

Onu inta diá koaidan in hukum agama, sin kita intau ilo-ilow, yo tua ain inaidan i Allah. Ki Allah ain nonaḷow kon kawasa in dosa nongkon tabiat in intau takin aid nopotabá mangoi kon i Adí-Nea tontaní, inta namangoi ná kaadaan in intau baradosa, sin momopat kon dosa.

KORINTUS 2 5:21

Sin Sia inta nodarit kon bayongan in oaid inta diá mopia, pinaké domandon i Allah mobaba kon bayongan in dosa naton, sinbá kita in buidon mobiag motompia takin i Allah sin notobatúdon i Kristus.

IBRANI 4:14

Manangka intua, musti umuran in kita kumadai kon onu inta ain ináku bo pinirisaya naton sin oyúondon in Imang naton momulia bo inta moḷoben. Sia ain sinumuot dapot kon tayowon i Allah, Sia tuata in ki Yesus ki Adí i Allah.

IBRANI 5:2

Tongá mobayongpabí in kalemahan in imang moḷoben tatua, manangka intua sia in musti mokopoaḷus kon potosingog kon i monia inta diá monotaau kon onu bo onu bo kon i monia inta ain noitaḷá kon daḷan.

IBRANI 7:26

Dá ki Yesusbí tua in Imang Moḷoben inta paraḷuon naton. Sia tua in nodaritbí kon bayongan in yagi-yagi, diábí in taḷá andeka dosa onukadon kon i-Nia. Sia in pinotondí nongkon intau mita inta dinosa, bo dinia pinoonik in tampat inta moḷantu-ḷantud nongkon ḷangit.

IBRANI 9:28

Natua doman in ki Kristus, tongábí komintan pinosumba saḷaku kuruban pinotobut kon dosa in intau mobayong. Sia in mamangoipabí bui, táe deeman bidon mamangoi mogimpaḷut kon persoalan dosa, táe dongka bidon moposaḷamat kon intau mita inta mogoḷat mako kon koangoian-Nea bui.

PETRUS 1 2:22

Sia in diábí dodai onda in nogaid kon dosa, bo diábí doman tobatúmai intau nokodongog kon i-Nia nonguboḷ.

YOHANES 1 3:5

Bo kinotaauan bidon monimu kon ki Kristus tua in namangoi sin motobut kon dosa mita intau, bo Sia tua in diábí kon dosa.